यूहन्‍ना 6:7 - ह्योल्‍मो

⁷ ओहले फिलिपगी येशूला स्‍युहसीन, “ओहराङगी ङुल-टाङ ङ्यिहक्‍यागी खुरा ङ्योहॱनाङ दि मिहया़ला सिपी रे़ह-रे़हॱआङ ख्‍येप च्‍य़ू मी़हखुएँ।”

यूहन्‍ना 6:7 Referans Kwoze

मर्कूस 6:37

ओहले येशूगी, “ख्‍यागीराङ खुङया़ला साहज्‍ये तेर्तोङ” म़ेदी सुङ नाङसीन। ओहले स्‍याहप्‍च्‍यीया़गी, “च्‍यि ङ्यिह काहल्‍दी ङुल-टाङ ङ्यिहक्‍यागी खुरा ङ्ये़हदी खुङला साहज्‍ये तेर्च्‍ये ले?”

यूहन्‍ना 12:5

“दि टिहमा स्‍यिहम्‍बु खाएँगी नुमनी ङुल-टाङ सुम्‍ग्‍याला चोङदी ओहलेगी ओहङग्‍यो टाङगा प्राङबुया़ला तेर्पा यिहनानी ओहङज्‍ये स़ेह, च्‍यिबे माहतेर्पा?”

मत्ती 18:28

“ओहले ओ़ह योक्‍पु काहल्‍सीन ओहले खोगी राहङ ङ्याम्‍बुराङ ल़ेह पेहकेन्‍गी लेहमेन रो़ह च्‍यी़ला थ़ूसीन। ओ़ह रो़हगी खोसाले ङुल-टाङ क्‍याह च्‍यी़ पेहलेन लेहन्‍दी येहकें। खोगी फिर छ्योङ काहल्‍दी रो़हगी ज्‍यिङबाला च्‍यिर्ते मासीन, ‘ल़ू, ख्‍येगी साहक्‍योगी पेहलेन नाहरेराङ च्‍याल्‍दोङ!’

यूहन्‍ना 1:43

नाहङबार च्‍युङ येशू गालील साने़ला फेप्‍च्‍ये म़ेदी थेन फेप्‍सीन। ओहले येशूगी फिलिपला थु नाङसीन ओहले सुङ नाङसीन, “ख्‍ये ङाहगी तिङदा तिङ स्‍यो।”

यूहन्‍ना 1:44

अन्‍द्रियास दाङ पत्रुस ल़ेहमुराङ फिलिपॱआङ बेथसेदा क्‍याहसादी यिहन्‍गे।

यूहन्‍ना 1:45

फिलिपगी नथानेलला थू़दी मासीन, “छ्य़े-ठिमला मोशा दाङ लुहङतेम्‍बाया़गी का़हन्‍दी मिहगी तेहन्‍दाला प्री़हदी येहकें, मिहरोला ङ्यिहगी ज्‍याल्‍सीन। मिहरो नि नासरत युहलला ज़्‍यू़गेन्‍गी योसेफकी पुह येशू गा यिहन्‍गे दुबा।”

यूहन्‍ना 1:46

दि थे़दी नथानेलगी खोला मासीन, “नासरतलेगीॱआङ च्‍यिॱआङ या़हबु स़ेह ओहङ ख़ूएँ ले?” ओहले फिलिपकी मासीन, “ओहङदी ता स्‍यो नाह ले!”

यूहन्‍ना 1:48

ओहले नथानेलगी टी़हसीन “ङाहला राहङगी काह-ठि पेहती ङोह ख्‍येन्‍बा ले?” ओहले येशूगी खोला ल़ेहन क्‍याहप्‍ते सुङ नाङसीन, “फिलिपगी ख्‍येला क़े क्‍याहप्‍केन म़ेदी तोहङले ङाहगी ख्‍येला को़स्‍यीङ तोहङबो चो़ला थोङग्‍यो येहकें।”