यूहन्‍ना 6:2 - ह्योल्‍मो

² ओहले मिहया़ बुङजी क्‍याहप्‍ती येशूगी तिङ ङ्यादी ओहङसीन च्‍यिबेमाना येशूगी नेहपाया़ला याहम्‍जेन छ्येवा जेती टा़ह च्‍य़ू नाङगेन खुङया़गी थोङदी येहकें।

यूहन्‍ना 6:2 Referans Kwoze

मत्ती 12:15

ओ़ह ताम येशूगी ङोह ख्‍येन्‍दी येशू ओहलेगी फेप नाङसीन, ओहले मिह माहङबुराङ येशूला ताहदा क्‍याहप्‍ती काहल्‍सीन, ओहले येशूगी खुङ थाम्‍ज्‍यीलाराङ टा़ह च्‍य़ू नाङसीन,

यूहन्‍ना 2:11

मिहरोगी याहम्‍जेन छ्येवागी ताक्‍छेनया़ नाहङला दि तोहङस्‍यो ताक्‍छेन यिहम्‍बा। दि येशूगी गालील साने़की काना माएँ क्‍याहसाला जे नाङसीन। दि ल़ेहमु जेती मिहरोगी राहङगी ज़िज्‍यिद तेन नाङसीन, ओहले मिहरोकी स्‍याहप्‍च्‍यीया़गी मिहरो थो़ला यिह छ्य़ेसीन।

मर्कूस 6:33

यिहॱनाङ मिहया़गी खुङ फे़बेया़ला फेप्‍केनॱराङ जेक्‍यो थोङसीन ओहले मिह माहङबुगीराङ खुङ फ़ेबेॱया फेप नाङज्‍ये जेक्‍योगी ग्‍या़ क्‍यी़ह ज्‍योर्सीन। ओहले मिहया़ क्‍याहसाया़ले छ्योङदी ओहङदी खुङ फ़ेबेॱया म़ेदीॱआङ तोहङलेराङ ओ़ह ग्‍या़ला लेप्‍सीन।

मत्ती 14:14

येशू टुह-छ्युङलेगी फाप नाङगेमु मिह मिह-माहङया़गी राहङला कू़हदे तेहक्‍यो ज़ी़ नाङसीन। ओ़ह मिह मिह-माहङला ज़ी़ नाङदी येशूगी थु निङज्‍यीगी काहङदी ओहङसीन ओहले येशूगी ओ़हला येहकेन्‍गी नेहपाया़ला टा़ह च्‍य़ू नाङसीन।

मत्ती 8:1

येशू काहङलेगी माहर फाप नाङगेमु मिह मिह-माहङ छ्यिम्‍बुज्‍यी येशूला ताहदा क्‍याहप्‍ती ओहङसीन।

मत्ती 13:2

ओहले येशूगी कोर-क्‍यिहलेॱराङ मिह माहङबुराङ जोम ओहङग्‍यो सोङबे येशू टुह-छ्युङ च्‍यी़ला जा़दी ज़्‍य़ू नाङसीन। मिह मिह-माहङया़दी छोगी सुहरलाॱराङ लाहङदी तेहसीन।

मर्कूस 1:45

यिहॱनाङ ओ़ह मिह काहल्‍दी राहङ टा़हक्‍योगी केच्‍या मिह थाम्‍ज्‍यीलाराङ स्‍य़ेसीन। ओ़ह केच्‍यागी पेहती येशू का़हन्‍दीॱआङ क्‍याहसाया़ला थाक-ताङदी स्‍य़ूह मा़हखु। ओ़ह सोङबे येशू यिङबु ग्‍या़या़ला ज़्‍य़ूज्‍येला फेप नाङसीन। यिहॱनाङ ओ़ह ग्‍या़ॱलाङ मिहया़ छ्यो़ ज़्‍यिलेराङ येशूसाला ओहङसीन।

यूहन्‍ना 2:23

थार्पा छ्येपागी ती़हजीला यरूशलेमला ज़्‍य़ू नाङगेमु येशूगी माहङबुराङ याहम्‍जेन छ्येवागी छ्या़लेया़ जे नाङसीन। दि थोङदी मिह माहङबुगीराङ येशूला यिह छ्य़ेसीन।

यूहन्‍ना 3:2

ओहले कुहङमु च्‍यी़ खो येशूसाला ओहङदी मासीन, “लोबेन ला़ह, ङ्यिहला क्‍यी़ह येह राहङ किन्‍ज्‍यो लाहमले ङ्यिहला लोप्‍च्‍येला फेप नाङग्‍यो यिहम्‍बा, च्‍यिबेमाना किन्‍ज्‍यो राहङ ङ्याम्‍बु ज़्‍य़ू माहनाङबा यिहनानी राहङगी जे नाङग्‍यो ल़ेहमु दि याहम्‍जेम्‍बागी ताक्‍छेनया़ सुज्‍यीगीॱआङ पेह मी़हखुएँ।”

यूहन्‍ना 6:14

येशूगी जे नाङग्‍योकी दि रोहवा याहम्‍जेन छ्येवागी छ्या़ले थोङदी मिहया़गी मासीन, “जाम्‍बुलीङला फेप्‍च्‍ये येह म़ेदी ओहराङगी रेहवा पेहक्‍योकी लुहङतेम्‍बानी तेहम्‍बा-तेहन्‍सुमॱराङ मिह-रो़हराङ गा यिहन्‍गे दुबा!”

यूहन्‍ना 6:22

छो-क्‍याहम्‍जोगी सुहरला छ्यु-टुह च्‍यी़राङ येहकें ओहले स्‍याहप्‍च्‍यीया़ ङ्याम्‍बु येशू ओ़ह छ्यु-टुहला स्‍य़ूह माहनाङबा येहकें यिहॱनाङ स्‍याहप्‍च्‍यीया़ च्‍यी़राङ जा़क्‍यो येहकें माएँ ताम छो-क्‍याहम्‍जो फार्केन देप ङो़ले येहकेन्‍गी मिह मिह-माहङया़गी नाहङबार च्‍युङ टेहम्‍बा साल्‍सीन।

यूहन्‍ना 6:26

ओहले येशूगी खुङया़ला सुङ नाङसीन, “तेहम्‍बाराङ ङाह ख्‍याया़ला माएँ, ख्‍यागी ताक्‍छेनया़ थोङग्‍यो सोङबे मिहम्‍बा, यिहॱनाङ साह ख़ूएँ थु खुरा साहक्‍यो सोङबे गा ख्‍यागी ङाहला छोल्‍ग्‍यो यिहन।

यूहन्‍ना 6:30

ओ़ह सोङबे खुङया़गी येशूला स्‍युहसीन, “ङ्यिहगी राहङला यिह-छ्य़े पेहच्‍येला राहङगी ङ्यिहला काहन्‍डुमु ताक्‍छेनया़ तेन नाङगे ले? केरे तेन नाङदोङ ले?

यूहन्‍ना 11:47

ओहले पूजाहारी छ्यिम्‍बु दाङ फरिसीया़गी छो़बा छ्यिम्‍बुगी मिहया़ला क़े क्‍याहप्‍ती मासीन, “ता़ह ओहराङगी च्‍यि पेहच्‍ये? च्‍यिबेमाना दि मिहगीनी माहङबुराङ याहम्‍जेन छ्येवागी ल़ेहया़ पेहकेनॱराङ येह।

यूहन्‍ना 12:18

मिह मिह-माहङया़गी ओ़ह याहम्‍जेन छ्येवागी छ्या़लेगी तेहन्‍दाला थे़क्‍यो सोङबे खुङ येशूला फेप स्‍युहज्‍ये म़ेदी ओहङग्‍यो येहकें।

यूहन्‍ना 12:37

येशूगी खुङया़गी दिनला ओहजे माहङबु याहम्‍जेन छ्येवागी छ्या़लेया़ जे नाङदीॱआङ खुङया़गी येशूला यिह मा़हछ्ये।

यूहन्‍ना 20:30

येशूगी लेहमेनॱआङ माहङबुराङ याहम्‍जेन छ्येवागी छ्या़लेया़ स्‍याहप्‍च्‍यीया़गी दिनला जे नाङसीन, ओ़ह छ्या़लेया़ दि छ्य़ेला प्री़हदी म़ेह।