यूहन्‍ना 5:3 - ह्योल्‍मो

³ ओहले ओ़ह तेहरीला मी़ मेहथोङगेनया़, काङबा कुच्‍याया़ ओहले काङबा लाहक्‍पा स्‍योरक्‍योगी नेहपाया़ माहङबुराङ तेहक्‍यो ओहङगो येहकें। [खुङ नाहम छोगी छ्यु युहङवा म़ेदी कू़हदे तेहको येहकें।

यूहन्‍ना 5:3 Referans Kwoze

लूका 7:22

ओहले येशूगी खुङया़ला सुङ नाङसीन, “ख्‍यागी देला च्‍यि च्‍यि थोङबा, थे़बा, ओ़हदी राहङगी लोबेन यूहन्‍नासाला लो़ह काहल्‍दी स्‍येतोङ। मी़ मेहथोङगेनया़गी मी़ थोङगेॱराङ येह, काङबा लाहक्‍पा स्‍योरक्‍यो मिहया़ लाहङदी डो ख़ूएँराङ येह, जे थेन्‍ग्‍योया़ टा़हगेॱराङ येह, नाम्‍ज्‍यो मे़हथेगेनया़ थे़गेनराङ येह, स्‍यिक्‍यो मिहया़ सोम्‍बो लो़हगेॱराङ येह, ओहले प्राङबुया़गी या़हबु लेहङगुया़ ङ्यिहन ङ्युहङगेनॱराङ येह।

मत्ती 15:30

येहपाराङ मिह मिह-माहङ जोम्‍दी येशूसाला ओहङसीन। खुङया़गी काङबा स्‍योरक्‍यो, मी़ मेहथोङगे, लेम्‍बा दाङ लेहमेन माहङबुराङ नेहपाया़ला ख्‍योङदी ओहङसीन। खुङया़गी ओ़ह नेहपाया़ला येशूगी कुम्‍देनला ज़्‍या़ तेर्सीन ओहले येशूगी खुङया़ला टा़ह च्‍य़ू नाङसीन।

याकूब 5:7

ओ़ह सोङबे आदा-नो़ह दाङ आज्‍यी-नुहमुया़, चो़वो फेप माहनाङ थु ना़स्‍यीङ छ्यिम्‍बु पेहती कू़हदी तेहतोङ। त़ेदोङ, सा-ल़ेह पेहकेन मिहगी चा़ छ्यिम्‍बु कामेकी रेहवा पेहती सेर्का दाङ यार्कागी नाम माहक्‍याहप थु ना़स्‍यीङ छ्यिम्‍बु पेहती कू़हदी तेहकें।

रोमी 8:25

यिहॱनाङ का़हलेॱआङ ओहराङगी माहथोङबाकी से़हला रेहवा पेहकें माना, ओहराङ ओ़हगी तेहन्‍दाला ना़स्‍यीङ छ्यिम्‍बु पेहती कू़हदी तेहकें।

मत्ती 4:24

ओ़ह सोङबे गालील साने़की पोहला येहकेन्‍गी सिरिया क्‍याहल-खाप काहङ्येॱराङ येशूगी जे नाङग्‍योकी जेबापया़गी तेहन्‍दाला ख्‍येप्‍टा काहल्‍सीन। मिहया़गी यिहन्‍जे मिहन्‍जे नाहजाया़ दाङ क्‍येन क्‍याहप्‍क्‍यो नेहपाया़ला येशूसाला ख्‍योङसीन। खुङया़ नाहङला रेहरेला ल्‍हेन्‍डी स्‍युहक्‍यो येहकें, रेहरेला ज़ा नाहजा क्‍याहप्‍क्‍यो येहकें ओहले रेहरे ओङबु स्‍योरक्‍योगी मिहया़ येहकें। येशूगी थाम्‍ज्‍यीलाराङ टा़ह च्‍य़ू नाङसीन।

यूहन्‍ना 5:2

यरूशलेम क्‍याहसा नाहङला स्‍य़ूहगेन्‍गी “ल़ूहगी कोह” माएँ कोह च्‍यी़ येहबा, ओहले ओ़ह कोह पोहला तेहरी ङा थल येहकेन्‍गी छो च्‍यी़ येहबा, ओ़ह छोला हिब्रू तामला बेथसेदा म़ेदी माएँ।

यूहन्‍ना 5:4

च्‍यिबे मासीमाना, नाहम-नाहम चो़वोगी स्‍याहप्‍च्‍यी च्‍यी़ माहर फेप्‍ती कोल्‍मुगी छ्यु युङ नाङगो येहकें। ओहले छ्यु युहङ फान्‍ज्‍यो तोहङस्‍यो छ्यु नाहङला स्‍य़ूहगेन नेहपादी काहन्‍डुमु नाहजा क्‍याहप्‍क्‍यो येहॱनाङ टा़हउ येहकें।]