यूहन्‍ना 4:21 - ह्योल्‍मो

²¹ ओहले येशूगी ओ़ह पी़हमीला सुङ नाङसीन, “ए पोहमो, ङाहला यिह छ्य़ेदोङ, ता़ह ओ़ह ती़हजी ओहङगेॱराङ येहबा, ओहजेला ख्‍याया़गी याहपला दि काहङॱलाङ छ्येपा फुल्‍ज्‍ये म़ेह ओहले यरूशलेमॱलाङ छ्येपा फुल्‍ज्‍येला डोज्‍ये म़ेह।

यूहन्‍ना 4:21 Referans Kwoze

१ तिमोथी 2:8

ओ़ह सोङबे ग्‍या़ थाम्‍ज्‍यीला क्‍येप-ख्‍योवाया़गी टाहङबु लाहक्‍पा क्‍या़दी स्‍यिहताङ माहबेबा पेहती, सेमङेन माहच्‍याङबा पेहती सोल्‍वाङ ताप्‍च्‍यु माएँ ङाहगी सेमला येहबा।

एफिसी 2:18

च्‍यिबेमाना मिहरो लाहमलेॱराङ यहूदी दाङ लेहमेन क्‍यिहपा ओहराङ थाम्‍ज्‍यीगी च्‍यिमे च्‍यी़राङ नाम्‍पार-ताहक्‍पा थु ज्‍योर्ती याहप साला डो ख़ूएँ काहल्‍दी येह।

यूहन्‍ना 4:23

यिहॱनाङ ता़ह ती़हजी ओहङगेॱराङ येह, ओ़ह ती़हजीदी ताहन्‍दाॱराङ यिहन, तेहम्‍बा-तेहन्‍सुम छ्येपा फुल्‍गेया़गी याहपला, थु दाङ तेहन्‍दाम लाहमले छ्येपा फुल्‍ज्‍ये येह। च्‍यिबेमाना दि ल़ेहमु पेहती छ्येपा फुल्‍गेया़ला याहपगी छोल नाङगे।

मत्ती 18:20

च्‍यिबेमाना, ङाह मिहनला का़हला मेहन्‍दा ङ्यी़, सुम जोम्‍गे ङाह ख्‍याया़गी पाहरक्‍यीला ओहङज्‍ये येह।”

एफिसी 3:14

ओ़ह सोङबे ङाह किन्‍ज्‍यो याहपकी स्‍याहपला पी़मु च़ूदी सोल्‍वाङ ताप्‍को येह।

यूहन्‍ना 16:32

“त़ेदोङ, ती़हजी ओहङगेॱराङ येह, माज्‍येराङ माना ओहङ सिहन्‍दी येह, ख्‍या फेतोर कोहतोर काहल्‍दी राहङ-राहङगी ग्‍या़ला डोज्‍ये येह ओहले ङाहला च्‍यी़राङ क्‍युर ज़्‍या़ज्‍ये येह। यिहॱनाङ ङाहनी च्‍यी़राङ म़ेह, च्‍यिबेमाना याहप ङाह ङ्याम्‍बु ज़्‍य़ू नाङदी येह।”

यूहन्‍ना 16:2

खुङगी ख्‍याला यहूदी छो़खाङले तेन्‍ज्‍ये येह। तोहरोङ दि ल़ेहमु ती़हजीॱआङ ओहङज्‍ये येह, ख्‍याया़ला सेकेन्‍दीगी, ‘ङाहगी किन्‍ज्‍योला स्‍याहप्‍तो स्‍युहएँराङ येह’ म़ेदी ने़ज्‍ये येह।

यूहन्‍ना 5:28

दि तामला ख्‍या ह्‍अ मा़हलेह, च्‍यिबेमाना ती़हजी ओहङगेॱराङ येह, ओहजेला तुहर्साला येहकें थाम्‍ज्‍यीगी मिहकी स़ेबुगी क़े थे़ज्‍ये येह,

१ पत्रुस 1:17

सुलाॱआङ ङ्येम्‍बा-ङ्य़ेहरी जे माहनाङबा जेती मिहगी ल़ेहला ते़बे ठिम ताङ नाङगेन्‍दीला याहप म़ेदी क्‍याप्‍केन यिहन्‍सीमाना, दि ङ्यिहमा ङ्यी़गी जाम्‍बुलीङला लिहकें थु राहङगी छे काहङ किन्‍ज्‍योगी ज्‍यिक्‍पा खुर्ती मिहजी ताङदोङ।

ल़ेह-पेन 6:14

“नासरतकी येशूगी दि छ्योखाङला रोम्‍ज्‍ये येह ओहले मोशागी ङ्यिहला नाङग्‍योगी पे-ठिमॱआङ च्‍ये तेर्च्‍ये येह” म़ेदी दि ल़ेहमु तामया़ दि मिहगी माक्‍यो ङ्यिह राहङगीराङ थे़दी येह।

यूहन्‍ना 14:6

ओहले येशूगी खोला सुङ नाङसीन, “लाहम, तेहन्‍दाम दाङ मिहली ङाहराङ यिहन। ङाह लाहमले पेहती मिहम्‍बानी सुज्‍यीॱआङ याहप्‍च्‍येन आबासाला लेप मी़हखुएँ।

यूहन्‍ना 5:25

तेहम्‍बाराङ ङाह ख्‍याला माएँ, ओ़ह ती़हजी ओहङगेॱराङ येह, ओहले ओ़ह ती़हजीदी ताहन्‍दाॱराङ यिहन, दि ती़हजीला स्‍यिक्‍यो मिहया़गी किन्‍ज्‍योकी स़ेबुगी सुङ-क़े थे़ज्‍ये येह ओहले ङ्यिहन्‍गेया़ थार्च्‍ये येह।

लूका 21:24

टाहया़गी दि क्‍यिहपागी मिहया़ला पादाङगी तुप्‍ती सेच्‍ये येह, रेहरेला ताहम्‍दी लेहमेन लेहमेन क्‍याहल-खापया़ला ख्‍येर्च्‍ये येह। ओहले लेहमेन क्‍यिहपागी ङ्यिहमा माहछाङ थु टाहया़गी यरूशलेम क्‍याहसाला काङबागी नेम्‍दी ज़्‍या़ज्‍ये येह।”

मत्ती 28:19

ओ़ह सोङबे ता़ह ख्‍याया़ काहल्‍दी थाम्‍ज्‍यीराङ क्‍यिहपाया़ला स्‍याहप्‍च्‍यी जे़दोङ। खुङया़ला किन्‍ज्‍यो याहप, स़ेबु दाङ नाम्‍पार-ताहक्‍पा थुगी छेनला बप्‍तिस्‍मा तेर,

ज्‍याल्‍गा 21:22

ओ़ह क्‍याहसा नाहङला ङाहगी छ्योखाङ च्‍यी़ॱआङ माहथोङ, च्‍यिबेमाना ओङज्‍या छ्यिम्‍बु नोम्‍गेन्‍गी चो़वो किन्‍ज्‍यो दाङ ल़ूह स्‍ये़बुॱराङ ओ़ह क्‍याहसाती छ्योखाङ यिहम्‍बा।