यूहन्‍ना 4:14 - ह्योल्‍मो

¹⁴ यिहॱनाङ का़हन्‍दीगी ङाहगी तेर्केन्‍गी छ्यु थुङगे खो नाहमॱआङ कोम्‍ज्‍ये म़ेह च्‍यिबेमाना ङाहगी तेर्केन्‍गी छ्यु खो नाहङला नाहम्‍माॱनाङ क्‍ये़दी तेहकेन्‍गी छ्यु क्‍येज्‍यु ओहङज्‍ये येह ओहले दिगी खोला था़ म़ेहबा मिहली ज़ाङबु तेर्च्‍ये येह।”

यूहन्‍ना 4:14 Referans Kwoze

यूहन्‍ना 6:35

ओहले येशूगी खुङया़ला सुङ नाङसीन, “मिहली ज़ाङबु तेर्केन्‍गी खुरा ङाहराङ यिहन। ङाहसाला ओहङगेनया़ नाहमॱआङ तो़ज्‍ये म़ेह, ओहले ङाहला यिह-छ्य़े पेहकेनया़ नाहमॱआङ कोम्‍ज्‍ये म़ेह।

ज्‍याल्‍गा 7:16

“खुङ नाहमॱआङ तो़ज्‍ये म़ेह ओहले कोम्‍ज्‍ये म़ेह, ओहले ङ्यिहमा दाङ का़हन्‍दीॱआङ टे़ह छान्‍दी से़हया़गी खुङया़ला छी़ज्‍ये म़ेह।

यूहन्‍ना 11:26

ओहले ङाहला यिह छ्य़ेदी थार फान्‍ज्‍यो खो येहपाराङ नाहमॱआङ स्‍यिज्‍ये म़ेह। च्‍यि ख्‍ये दि तामला यिह छ्य़ेगे?”

यूहन्‍ना 6:58

स्‍यिहङगामले ओहङग्‍योगी खुरानी ख्‍यागी आख्‍ये मे़हमेया़गी साहक्‍योगी खुरा ल़ेहमु मिहम्‍बा। ओ़ह खुरा ख्‍यागी आख्‍ये मे़हमेया़गी साहसीन ओहले स्‍यिसीन। यिहॱनाङ दि खुरा साहएँया़दी नाहमॱआङ स्‍यिज्‍ये म़ेह।”

१ यूहन्‍ना 5:20

किन्‍ज्‍योगी स़ेबु फेप नाङसीन ओहले मिहरोगी ओहराङला तेहन्‍दामगी किन्‍ज्‍योला ङोह स्‍य़े ख़ूएँगी येहन्‍देन नाङसीन। दि ओहराङला क्‍यी़ह येह। ओहराङ मिहरोगी स़ेबु येशू मास्‍यीकाला येहकें सोङबे तेहन्‍दामकी किन्‍ज्‍यो ङ्याम्‍बुराङ येह। मिह-रो़हराङ तेहन्‍दामकी किन्‍ज्‍यो दाङ था़ म़ेहबा मिहली यिहन।

२ कोरिन्‍थी 1:22

मिहरोगी ओहराङ थो़ला राहङगी पार क्‍याहप नाङदी येहबा, ओहले ओहराङगी सेमला बे़ना क्‍याहप्‍ती नाम्‍पार-ताहक्‍पा थु नाङदी येहबा।

रोमी 6:23

च्‍यिबेमाना तिहक्‍पागी ले़गादी स्‍यिवा यिहम्‍बा, यिहॱनाङ किन्‍ज्‍योगी आहन्‍डाराङ नाङग्‍यो काबाप मास्‍यीका येशू ओहराङ चो़वोला था़ म़ेहबागी मिहली ज़ाङबु यिहम्‍बा।

१ पत्रुस 1:22

ता़ह तेहन्‍दामकी स्‍याहलला ची़दे ख्‍याया़गी राहङलाराङ चाङमा ज़ोक्‍यो सोङबे राहङगी आदा-नो़हया़ला च्‍याहङज्‍यु सेम्‍बा थो़दी चेवा पेहतोङ, ओहले सेम तिहङ यिहन्‍ज्‍युराङ च्‍यी़गी च्‍यी़ला चेवा पेहतोङ।

यूहन्‍ना 10:10

कुमेननी कुमेन क्‍याहप्‍च्‍ये, सेच्‍ये दाङ तोङ च्‍य़ूज्‍ये म़ेदी ओहङगे। यिहॱनाङ ङाहनी ख्‍याया़गी मिहली ज़ाङबु ज्‍योर ख़ूज्‍यु ओहले ओ़ह म़ेदीॱआङ माहङबु माहङदे फोएँ थु ज्‍योर ख़ूज्‍यु म़ेदी ओहङसीन।

एफिसी 4:30

किन्‍ज्‍योकी नाम्‍पार-ताहक्‍पा थुला थु ङ्युङ मा़हच्‍यु, च्‍यिबेमाना ओ़ह नाम्‍पार-ताहक्‍पा थुगीॱराङ ख्‍याया़ला थार्पाकी ङ्यिहमागी तेहन्‍दाला पार क्‍याहप नाङदी येह।

रोमी 5:21

ओ़ह ती़हजीला तिहक्‍पागी स्‍यिवा लाहमले मिहया़ थो़ला ओङ छ्य़ेक्‍यो ल़ेहमु ताहन्‍दा किन्‍ज्‍योकी काटीनगी ओङ छ्ये़गेॱराङ येहबा। दि काटीनगी पेहतीराङ ओहराङला किन्‍ज्‍योगी दिनला टाहङबु सी़ह च्‍य़ू नाङसीन ओहले ओहराङ चो़वो येशू मास्‍यीका लाहमले ओहराङला था़ म़ेहबा मिहली ज्‍योर्ती येहबा।

मत्ती 25:46

ओहले खुङया़गीदी नाहम्‍स्‍यी किन्‍दुॱराङ ङ्य़ेहबा खुर कोहच्‍ये येह, यिहॱनाङ टाहङबु मिहया़गीदी नाहमॱआङ मिहस्‍यीएँगी मिहली ज़ाङबु ज्‍योर्च्‍ये येह।”

मत्ती 5:6

किन्‍ज्‍योगी थुला ने़जेबा थाम्‍ज्‍यीराङ से़हया़ तेहन्‍दा डुप्‍च्‍यु म़ेदी सेम तिहङ यिहन्‍ज्‍युराङ चा़ पेहकेनया़ काहजे सोनाम-साक्‍पु, च्‍यिबेमाना खुङया़गी चा़ पेहक्‍योगी से़हया़ किन्‍ज्‍योगी तेहन्‍दा डुप च्‍य़ू नाङज्‍ये येह।

यूहन्‍ना 4:10

येशूगी मोहला सुङ नाङसीन, “ख्‍येगी किन्‍ज्‍योगी काबाप दाङ ख्‍ये ङ्याम्‍बु छ्यु लाङगे मिहला ङोह स्‍य़ेक्‍यो येहनानी ख्‍येगी गा खो ङ्याम्‍बु लाङज्‍ये येहकें, ओहले खोगी ख्‍येला मिहली तेर्केन्‍गी छ्यु तेर्च्‍ये येहकें।”

यूहन्‍ना 4:11

ओ़ह पी़हमीगी येशूला स्‍युहसीन, “लाहसो लाह, राहङ ङ्याम्‍बु छ्यु काङज्‍येला निक्‍यी च्‍यिॱआङ म़ेह, ओहले दि कोल्‍मुॱआङ तिहङ रिहङबु येह, ओ़ह सोङबे राहङगी का़हलेगी ओ़ह मिहली तेर्केन्‍गी छ्यु नोम फेप नाङगे ले?

यूहन्‍ना 4:13

ओहले येशूगी मोहला सुङ नाङसीन, “दि छ्यु थुङगे मिह थाम्‍ज्‍यी येहपाराङ खा कोम्‍ज्‍ये येह,

यूहन्‍ना 4:36

का़हन्‍दीगी तेन्‍दो टू़हगे खोगी ले़गा ज्‍योर्कें, ओहले नाहमॱआङ मिहस्‍यीएँगी मिहलीगी तेहन्‍दाला खोगी तेन्‍दो टू़हगे, ओहले ताप्‍के दाङ टू़हगेन मिह ङ्याम्‍बुराङ क़ेहनाङ पेहकें।

यूहन्‍ना 6:27

तोङदी डोएँगी खुराकी तेहन्‍दाला तुहक्‍पु माहबे, यिहॱनाङ था़ म़ेहबा मिहली ज़ाङबु तेर्केन खुराकी तेहन्‍दाला तुहक्‍पु पेहतोङ, ओ़ह ख्‍याया़ला मिहगी स़ेबुगी नाङज्‍ये येह। च्‍यिबेमाना किन्‍ज्‍यो याहपगी स़ेबु थो़ला राहङदी पार क्‍याहप नाङदी येह।”

यूहन्‍ना 7:37

ता़ह छ्येपागी तिङस्‍यो ङ्यिहमा पे यिहॱनाङ चा़ छ्येस्‍यो ङ्यिहमाला, येशूगी ज़्‍याङदी मिह थाम्‍ज्‍यीगी थे़गेन पेहती दि ल़ेहमु सुङ नाङसीन, “का़हलेॱआङ सुज्‍यीला खा कोम्‍ग्‍यो येहसीमाना खो ङाहसाला ओहङज्‍यु ओहले थुङज्‍यु।

ज्‍याल्‍गा 7:17

च्‍यिबेमाना ज़्‍य़ू-ठिकी पाहरक्‍यीला ज़्‍य़ू नाङगेन ल़ूह स्‍ये़बु खुङया़गी कोहरोवा ओहङज्‍ये येह, ओहले खुङया़ला ठिती छ्यु क्‍येज्‍यु थु नोम फेप नाङज्‍ये येह ओहले किन्‍ज्‍योगी खुङगी मी़गी मिज्‍यु थाम्‍ज्‍यीराङ फी़ नाङज्‍ये येह।”