यूहन्‍ना 4:12 - ह्योल्‍मो

¹² दि कोल्‍मुनी ङ्यिहगी चावा याकूबगी ज़ो नाङग्‍यो यिहम्‍बा। ओहले मिहरो दाङ खुङगी पुह पोहमोया़ ओहले बासोया़गी दि कोल्‍मुगी छ्युराङ थुङगो येहकें। च्‍यि राहङ ङ्यिहती चावा याकूब म़ेदीॱआङ चा़ छ्यिम्‍बु यिहम्‍बा ले?”

यूहन्‍ना 4:12 Referans Kwoze

हिब्रू 3:3

खाङबा म़ेदी खाङबा ज़ोएँ मिहदी चा़ छ्यिम्‍बु ओहङगे ल़ेहमुराङ मोशा म़ेदी येशू माहङबु चा़ छ्यिम्‍बु सी़हसीन।

यूहन्‍ना 4:6

ओ़हला याकूबकी ज़ोक्‍योगी छ्यु-कोल्‍मु च्‍यी़ येहकें। ओहले येशू फेप-फेप्‍पा काहङला थाङ छ्येती ओ़ह छ्यु-कोल्‍मु सुहरला ज़्‍य़ू नाङसीन। ओ़ह ती़हजीला ङ्यिहमा फ़ेचे काहल्‍दी येहकें।

मत्ती 12:42

ठिम ताङगे ङ्यिहमाला ल्‍होदी शेबा लुहङबाकी क्‍याहल्‍मु लाहङदी दाङ-तिहरीङगी मिहया़ला ङ्य़ेहबा केन्‍ज्‍ये येह च्‍यिबेमाना सोलोमन क्‍याहल्‍बुगी रिहक्‍स्‍यीगी ताम ङ्यिहन्‍ज्‍येला मोह माहङबुराङ था़-रिहङबुलेगी ओहङसीन। यिहॱनाङ त़ेदोङ, सोलोमन म़ेदीॱआङ छ्यिम्‍बु देला सुज्‍यी येह।”

यूहन्‍ना 8:53

च्‍यि ख्‍ये ङ्यिहगी स्‍यिदी काहल्‍ग्‍योगी चावा अब्राहाम दाङ लुहङतेम्‍बाया़ म़ेदीॱआङ छ्यिम्‍बु यिहम्‍बा ले? ख्‍ये राहङगी राहङला च्‍यि ने़उ दुबा?”

यूहन्‍ना 4:5

येशू सामरियागी सुखार माएँ युहलला लेप नाङसीन। ओ़ह युहल पोहलाराङ इस्राएली क्‍यिहपाया़गी चावा याकूबगी राहङगी पुह योसेफला तेरक्‍यो स्‍यिहङ येहकें।

यूहन्‍ना 4:13

ओहले येशूगी मोहला सुङ नाङसीन, “दि छ्यु थुङगे मिह थाम्‍ज्‍यी येहपाराङ खा कोम्‍ज्‍ये येह,

यूहन्‍ना 4:20

ङ्यिहती आख्‍ये मे़हमेया़गी दि काहङलाराङ छ्येपा फुल नाङगो येहकें। यिहॱनाङ राहङ यहूदीया़गी किन्‍ज्‍योला छ्येपा फुल्‍सा ग्‍या़नी यरूशलेमॱराङ यिहन म़ेदी सुङ नाङगे।”