यूहन्‍ना 3:8 - ह्योल्‍मो

⁸ ल्‍हा़बा का़हले सेम ने़गे ओ़हलेराङ स्‍याङगे। ख्‍येगी ल्‍हा़बागी क़ेनी थे़गे, यिहॱनाङ ल्‍हा़बा का़हलेगी ओहङगे ओहले का़हला डोएँ, ओ़ह ख्‍येगी ह्‍अ मेहकोहएँ। थु लाहमले क्‍येक्‍यो मिह थाम्‍ज्‍यी ओ़ह ल़ेहमुराङ ओहङगे।”

यूहन्‍ना 3:8 Referans Kwoze

१ कोरिन्‍थी 2:11

मिह राहङगी सेम नाहङला साम्‍लु ताङग्‍योगी तामया़ खो राहङगी यिहगी मिहम्‍बा नि लेहमेन सुगी ह्‍अ कोह ख़ूज्‍ये ले? ओ़हठीॱराङ पेहती किन्‍ज्‍योकी थु किन्‍ज्‍योकी थुगी मिहम्‍बा लेहमेन सुगीॱआङ ङोह स्‍य़े मी़हखुएँ।

ल़ेह-पेन 2:2

ओहले याहङमे-याहङलाराङ स्‍यिहङगामले माहर ल्‍हा़बा स्‍युक छ्यिम्‍बुच्‍यी ओहङदी खुङ तेहक्‍योगी खाङबाला ल्‍हा़बागी क़ेगी काहङसीन।

१ यूहन्‍ना 2:29

मास्‍यीका टाहङबु येह म़ेदी ख्‍याया़ला क्‍यी़हराङ येह। ओ़ह सोङबे किन्‍ज्‍योगी दिनला ठाबे सी़हएँगी ल़ेह पेहकें मिहया़ च्‍यी़राङ मिहरोगी छार्क्‍यीनया़ ओहङज्‍ये येह माएँ तामॱआङ ख्‍याया़ला क्‍यी़हराङ येह।

ल़ेह-पेन 4:31

दि रोहवा पेहती सोल्‍वाङ ताप सिहन फान्‍ज्‍यो खुङ छो़दी तेहक्‍यो ग्‍या़ युहङसीन। ओहले खुङ थाम्‍ज्‍यी नाम्‍पार-ताहक्‍पा थुगी काहङसीन ओहले खुङगी किन्‍ज्‍योगी सुङदेन मा़हन्‍ज्‍यीबा पेहती स्‍येती काहल्‍सीन।

१ कोरिन्‍थी 12:11

यिहॱनाङ दि थाम्‍ज्‍यी ओ़ह च्‍यिमे च्‍यी़राङ नाम्‍पार-ताहक्‍पा थुगी छ्या़लेया़ यिहम्‍बा। नाम्‍पार-ताहक्‍पा थुगी राहङगी सेम थेप्‍क्‍यो थाम्‍ज्‍यीला काबाप नाङगे।

यूहन्‍ना 1:13

खुङ ठा़ दाङ, ज़ुबुकी सेम्‍बाया़ लाहमले ओहले मिहगी सेमगी ने़जेबा लाहमले क्‍येक्‍यो मिहम्‍बा, यिहॱनाङ किन्‍ज्‍यो लाहमले क्‍येक्‍यो ओहङगे।

यूहन्‍ना 3:7

ङाहगी ख्‍येला साम्‍बा पेहती क्‍ये कोहएँ म़ेदी माएँमु ख्‍ये ह्‍अ मा़हलेह।

यूहन्‍ना 3:9

निकोदेमसकी येशूला स्‍युहसीन, “दि काह-ठि पेहती ओहङ ख़ूएँ ले?”