Biblia Todo Logo
Bib sou entènèt

- Piblisite -




यूहन्‍ना 3:6 - ह्योल्‍मो

6 ज़ुबु ङो़ले क्‍येक्‍योदी ज़ुबुराङ यिहन ओहले नाम्‍पार-ताहक्‍पा थु ङो़ले क्‍येक्‍योदी थुराङ यिहन।

Gade chapit la Kopi




यूहन्‍ना 3:6
25 Referans Kwoze  

ओ़ह सोङबे का़हन्‍दीगी मास्‍यीकाला यिह-छ्य़े पेहकेन खो ता़ह मिह साम्‍बा काहल्‍सीन। ता़ह निङबा से़हया़ टाहल्‍दे काहल्‍सीन, त़ेदोङ ता़ह थाम्‍ज्‍यीराङ से़हया़ साम्‍बा काहल्‍दी येहबा।


किन्‍ज्‍यो लाहमले क्‍येक्‍यो पेहजाया़गी तिहक्‍पा पेहतीराङ मेहतेहकें, च्‍यिबेमाना खो ङ्याम्‍बु किन्‍ज्‍योगी सेन ओहङगे, ओ़ह सोङबे तिहक्‍पा पेहतीराङ तेह मी़हखुएँ, च्‍यिबेमाना खो किन्‍ज्‍यो लाहमले क्‍येक्‍यो यिहम्‍बा।


यिहॱनाङ मास्‍यीका ङ्याम्‍बु डी़गेन्‍दी मिहरोगी यिह ङ्याम्‍बु ओहराङ च्‍यी़राङ ओहङज्‍ये येह।


च्‍यिबेमाना ङाहती दि तिहक्‍पाकी पेहताङगी काहङग्‍योगी ज़ुबुला च्‍यिॱआङ या़हबु से़हया़ मेहतेहकें म़ेदीनी ङाहला क्‍यी़ह येह। या़हबु ल़ेहया़ पेहकेन्‍की सेम्‍बा ङाह ङ्याम्‍बु येहतीॱआङ ङाहगी ओ़ह पेह मी़हखुएँ।


च्‍यिबेमाना ख्‍याया़गी तिहक्‍च्‍येम्‍बा पेहताङला ते़बे राहङगी मिहजी ताङसीन माना ख्‍याया़ स्‍यिज्‍ये येह, यिहॱनाङ का़हलेॱआङ नाम्‍पार-ताहक्‍पा थुकी ओङ लाहमले तिहक्‍पाकी पेहताङया़ला सेसीन माना ख्‍याया़ थार्च्‍ये येह।


लेहमा च्‍यी़ ओहराङॱआङ खुङ ल़ेहमुराङ येहकें ओहले ओहराङ थाम्‍ज्‍यी राहङ ज़ुबु दाङ सेमगी लाङगे से़हया़ छाङबु पेहती राहङ तिहक्‍पाकी पेहताङला छ्यिती मिहजी ताङगो येहकें। राहङ पेहताङगी पेहती ओहराङॱआङ खुङ ल़ेहमुराङ किन्‍ज्‍योकी थुयालला छ्यिती येहकें।


ख्‍या मास्‍यीका ङ्याम्‍बु च्‍यी़राङ डी़क्‍यो सोङबे ख्‍यागी तेहन्‍दामकी स्‍या-ताक ज्‍योर्सीन। दि स्‍या-ताकती मिहगी ज़ुबुला क्‍याहप तेर्केन्‍गी स्‍या-ताक मिहम्‍बा, यिहॱनाङ दि मास्‍यीकागीॱराङ क्‍याहप नाङग्‍योकी स्‍या-ताक यिहम्‍बा। दि स्‍या-ताकगी मिहगी ज़ुबु लाहमले पेहकेन्‍गी तिहक्‍पाकी पेहताङया़ला पिती क्‍युर च्‍य़ूगे।


खुङया़, का़हन्‍दी मास्‍यीका येशूकी मिहया़ यिहम्‍बा, ओ़हया़गी तिहक्‍पा पेहच्‍ये सेम क्‍येएँगी राहङगी पेहताङया़ला ज़ुबुकी पेहच्‍ये छोल्‍गेन्‍की पेह मी़हसीहएँकी ल़ेहया़ दाङ सेम्‍बाया़ ङ्याम्‍बुराङ क्‍याहङस्‍यीङला च्‍याङ सिहन्‍दी येह।


खुङ ठा़ दाङ, ज़ुबुकी सेम्‍बाया़ लाहमले ओहले मिहगी सेमगी ने़जेबा लाहमले क्‍येक्‍यो मिहम्‍बा, यिहॱनाङ किन्‍ज्‍यो लाहमले क्‍येक्‍यो ओहङगे।


ती़हजी च्‍यी़ला ओहराङ तिहक्‍पाकी पेहताङया़ खुर्ते राहङगी मिहजी ताङगो येहकें। च्‍यिबेमाना तिहक्‍पाकी सेम्‍बाया़ थाम्‍ज्‍यी छ्य़े-ठिम लाहमलेॱराङ ओहङदी ओहराङ ज़ुबुकी ओङबुया़ला ल़ेह पेहकेनॱराङ येहकें, ओहले दिगी स्‍यिवा ख्‍योङगे।


येशू मास्‍यीका ओहराङ चो़वो लाहमलेॱराङ ङाह किन्‍ज्‍योला थुज्‍यी-छ्ये़ फुल्‍गे। ओ़ह सोङबे ङाह राहङगी सेमगीनी किन्‍ज्‍योकी छ्य़े-ठिमला स्‍याहप्‍तो स्‍युहएँ, यिहॱनाङ ङाहती तिहक्‍पाकी पेहताङ लाहमले ङाहगी तिहक्‍पाकी छ्य़े-ठिमला स्‍याहप्‍तो स्‍युहएँ।


ङाहगी ख्‍येला साम्‍बा पेहती क्‍ये कोहएँ म़ेदी माएँमु ख्‍ये ह्‍अ मा़हलेह।


Swiv nou:

Piblisite


Piblisite