यूहन्‍ना 3:2 - ह्योल्‍मो

² ओहले कुहङमु च्‍यी़ खो येशूसाला ओहङदी मासीन, “लोबेन ला़ह, ङ्यिहला क्‍यी़ह येह राहङ किन्‍ज्‍यो लाहमले ङ्यिहला लोप्‍च्‍येला फेप नाङग्‍यो यिहम्‍बा, च्‍यिबेमाना किन्‍ज्‍यो राहङ ङ्याम्‍बु ज़्‍य़ू माहनाङबा यिहनानी राहङगी जे नाङग्‍यो ल़ेहमु दि याहम्‍जेम्‍बागी ताक्‍छेनया़ सुज्‍यीगीॱआङ पेह मी़हखुएँ।”

यूहन्‍ना 3:2 Referans Kwoze

यूहन्‍ना 5:36

“यिहॱनाङ यूहन्‍नागी तेरक्‍यो पाङबु म़ेदीॱआङ छ्यिम्‍बु पाङबु ङाह ङ्याम्‍बु येह। च्‍यिबेमाना का़हन्‍दी ल़ेहया़ छाङबु पेहच्‍येला याहपगी ङाहला ताङ नाङग्‍यो यिहम्‍बा, ओ़ह ल़ेहया़ ङाहगी पेहकेनॱराङ येह, ओ़ह सोङबे ङाहला याहपगी ताङ नाङग्‍यो यिहन म़ेदी ओ़ह ल़ेहया़गीॱराङ ङाहगी तेहन्‍दाला पाङबु तेर्के।

ल़ेह-पेन 10:38

किन्‍ज्‍योगी नासरतगी येशूला राहङगी नाम्‍पार-ताहक्‍पा थु दाङ स्‍युक नाङसीन। ओहले किन्‍ज्‍यो येशू ङ्याम्‍बु ज़्‍य़ू नाङग्‍यो सोङबे येशूगी छ्या़ले या़हबुया़ जे नाङसीन। ओहले ती़ह स्‍युहक्‍यो मिहया़ला टा़ह च्‍य़ू नाङगेराङ थाम्‍ज्‍यी ग्‍या़या़ला फेप नाङसीन।

ल़ेह-पेन 2:22

“इस्राएली आदा-नो़हया़, ङाहगी ताम सेन नाङदोङ। किन्‍ज्‍योगी येशू लाहमले ख्‍या फे़बेया़गी पाहरक्‍यीला ओङ छ्यिम्‍बुगी छ्या़लेया़ जे-नाङदी याहम्‍जेन छ्येवागी ताक्‍छेनया़ तेन नाङग्‍योदीनी ख्‍या फे़बेया़ला थुयी़राङ येहबा। ओ़ह ताक्‍छेनया़ लाहमले किन्‍ज्‍योगी नासरतकी येशूला राहङगीराङ ताङग्‍यो यिहम्‍बा म़ेदी दास्‍यी नाङसीन।

यूहन्‍ना 9:16

लाहला फरिसीया़गी मासीन, “ओ़ह मिह किन्‍ज्‍यो लाहमले ओहङग्‍यो मिहन, च्‍यिबेमाना खोगी थाङ सोएँ ङ्यिहमागी ठिम मी़हचीएँ दु।” यिहॱनाङ लेहमेनया़गी मासीन, “तिहक्‍च्‍येम्‍बा मिहगी काह-ठि पेहती दि ल़ेहमु याहम्‍जेन छ्येवागी ल़ेहया़ पेह ख़ूएँ ले?” दि ल़ेहमु पेहती खुङ नाहङदोङराङ ठ़ूस्‍यी काहल्‍सीन।

यूहन्‍ना 12:37

येशूगी खुङया़गी दिनला ओहजे माहङबु याहम्‍जेन छ्येवागी छ्या़लेया़ जे नाङदीॱआङ खुङया़गी येशूला यिह मा़हछ्ये।

यूहन्‍ना 1:38

येशूगी क्‍याहप लो़हदी ज़ी़ नाङगेमु खुङ ङ्यी़ तिङदा तिङ ओहङग्‍यो ज़ी़दी खुङया़ला टी़ह नाङसीन, “ख्‍याया़ च्‍यि छोल्‍गेराङ येहबा?” ओहले खुङगी येशूला मासीन, “रब्‍बी, राहङ का़हला ज़्‍य़ू नाङगो येहबा ले?”

मत्ती 22:16

ओहले खुङया़गी राहङगी स्‍याहप्‍च्‍यीया़ला क्‍याहल्‍बु हेरोदगी मिहया़ ङ्याम्‍बुराङ येशूसाला ताङसीन। ओहले खुङया़गी काहल्‍दी येशूला स्‍युहसीन, “लोबेन ला़ह, राहङगी तेहन्‍दामगी स्‍याहल च्‍यी़राङ सुङ नाङगे म़ेदी ङ्यिहला क्‍यी़ह येह। ओहले मिहया़ला लोप नाङगेमु राहङगी तेहम्‍बा-तेहन्‍सुम जेती किन्‍ज्‍योगी लाहम तेन नाङगे। मिहया़गी च्‍यि मारो म़ेदी राहङगी नाङदा जे मेहनाङगे। च्‍यिबेमाना राहङगी सुॱलाङ ङ्येम्‍बा-ङ्य़ेहरी जे मेहनाङगे!

यूहन्‍ना 7:31

यिहॱनाङ ओ़ह मिह-माहङला येहकेन्‍गी मिह माहङबुगीराङ येशूला यिह छ्य़ेसीन। खुङया़गी मासीन, “मास्‍यीका फेप नाङगेमु च्‍यि दि मिहगी पेहक्‍योगी ताक्‍छेनया़ म़ेदी माहङबु ता़स्‍यी मास्‍यीकागी जे नाङवा ले?”

यूहन्‍ना 20:16

येशूगी मोहला सुङ नाङसीन, “ए मरियम!” ओहले मोहगी लो़हदी येशूला हिब्रू ताम ङो़ले “रब्‍बोनी” म़ेदी मासीन। दिगी तेहन्‍दा “ओ़ लोबेन लाह” म़ेदी माक्‍यो यिहम्‍बा।

यूहन्‍ना 15:24

लेहमेन सुज्‍यीगीॱआङ माहबेबाकी याहम्‍जेन छ्येवागी ल़ेहया़ ङाहगी खुङया़की पाहरक्‍यीला माहबेबा यिहनानी खुङला तिहक्‍पाकी ङ्य़ेहबा फो़ज्‍ये म़ेहबा येहकें। यिहॱनाङ, ता़ह ङाहगी पेहक्‍यो दि ल़ेह थाम्‍ज्‍यी खुङया़गी थोङ सिहन्‍दी येह यिहॱनाङ खुङगी ङाह दाङ ङाहती याहपला ङ्येन्‍ज्‍येन पेहकें।

यूहन्‍ना 3:26

खुङया़ यूहन्‍नासाला ओहङदी मासीन, “लोबेन ला़ह, यर्दन चाङबुगी फार्केन देपला येहकेमु राहङ ङ्याम्‍बु मिह च्‍यी़ ज़्‍य़ू नाङदी येहकें। राहङगी ङ्यिहला मिहरोगी तेहन्‍दाला सुङ नाङग्‍यो येहकें। ज़ी़-नाङदोङ, ताहन्‍दा मिहरोगीॱराङ बप्‍तिस्‍मा नाङगेराङ येह ओहले मिह थाम्‍ज्‍यीराङ मिहरोसाला डोएँॱराङ येह।”

मर्कूस 12:14

खुङ येशूसाला ओहङदी मासीन, “लोबेन लाह, राहङगी नाहम-माना तेहन्‍दामकी स्‍याहल च्‍यी़राङ सुङ नाङगे म़ेदी ङ्यिहला क्‍यी़ह येहबा। मिहया़गी च्‍यि मारो म़ेदी राहङगी नाङदा जे मेहनाङगे। राहङगी सुतीॱआङ तोहङबाला ज़ी़दी स्‍याहल सुङ मेहनाङगे। राहङगी तेहन्‍दाम जेती किन्‍ज्‍योगी लाहम तेन नाङगेन। ता़ह ङ्यिहला सुङ नाङदोङ, छ्य़े-ठिमगी सुङग्‍यो ल़ेहमु रोमी स्‍युहङला ठाल च्‍याङगेन्‍दी ठाबे यिहम्‍बा नि मिहम्‍बा?

फिलिप्‍पी 1:14

ङाह चोन-खाङला छ्यिक्‍यो सोङबे माहङ-छ्येवा नो़हया़ चो़वोला सान्‍दी काहल्‍दी येह, ओहले खुङ ज्‍यिक्‍पा म़ेहबा पेहती या़हबु लेहङगु स्‍येच्‍येला स्‍युक क्‍ये़दी येह।

मत्ती 23:7

छोङ-ठोमला कोरा क्‍याहप डोएँमु मिहया़गी खुङला लोबेन म़ेदी चा़ पेहती ज्‍याल्‍ग्‍योदी या़हबु ने़गे,”

मत्ती 23:8

“ख्‍याया़ला सुगीॱआङ लोबेन मा मा़हच्‍यु च्‍यिबेमाना ख्‍याया़ थाम्‍ज्‍यीराङ आदा-नो़हया़ यिहम्‍बा। ख्‍याया़गी लोबेन च्‍यिमे च्‍यी़राङ येहबा।

यूहन्‍ना 2:11

मिहरोगी याहम्‍जेन छ्येवागी ताक्‍छेनया़ नाहङला दि तोहङस्‍यो ताक्‍छेन यिहम्‍बा। दि येशूगी गालील साने़की काना माएँ क्‍याहसाला जे नाङसीन। दि ल़ेहमु जेती मिहरोगी राहङगी ज़िज्‍यिद तेन नाङसीन, ओहले मिहरोकी स्‍याहप्‍च्‍यीया़गी मिहरो थो़ला यिह छ्य़ेसीन।

यूहन्‍ना 4:31

ओ़हजेलाराङ स्‍याहप्‍च्‍यीया़गी, “लोबेन लाह, सोल छ्ये नाङदोङ” म़ेदी स्‍युहसीन।

यूहन्‍ना 6:2

ओहले मिहया़ बुङजी क्‍याहप्‍ती येशूगी तिङ ङ्यादी ओहङसीन च्‍यिबेमाना येशूगी नेहपाया़ला याहम्‍जेन छ्येवा जेती टा़ह च्‍य़ू नाङगेन खुङया़गी थोङदी येहकें।

यूहन्‍ना 10:38

ङाहनी याहपकी छ्या़लेया़ पेहको येह। ख्‍याया़गी ङाहला यिह मेहछ्ये़ॱनाङ ङाहगी पेहक्‍योकी ल़ेहया़ला यिह छ्य़ेदोङ ओहले ख्‍याया़गी, ‘याहप ङाह ङ्याम्‍बु ज़्‍य़ू नाङदी येह ओहले ङाह याहप ङ्याम्‍बु येह’ माएँ ताम क्‍यी़ह ज्‍योर्च्‍ये येह ओहले ङोह स्‍ये़ज्‍ये येह।”

यूहन्‍ना 14:10

ङाह याहप ङ्याम्‍बु येह, ओहले याहप ङाह ङ्याम्‍बु ज़्‍य़ू नाङदी येह म़ेदी च्‍यि ख्‍ये यिह मे़हछ्येगे? ख्‍याया़ला माक्‍यो ताम ङाहगी राहङगीराङ जे़दी माक्‍यो मिहन। ङाह ङ्याम्‍बु ज़्‍य़ू नाङगे याहपगी राहङगी छ्या़लेया़ ङाह लाहमले जे नाङगेराङ येह।