यूहन्‍ना 3:12 - ह्योल्‍मो

¹² ङाहगी ख्‍याला जाम्‍बुलीङगी ताम मासीन, यिहॱनाङ ख्‍यागी यिह मे़हछ्ये दु, ओहले ख्‍याला स्‍यिहङगामकी ताम स्‍य़ेसीन माना काह-ठि पेहती ख्‍यागी यिह-छ्य़े ख़ूज्‍ये ले?

यूहन्‍ना 3:12 Referans Kwoze

हिब्रू 5:11

दिगी तेहन्‍दाला ङ्यिहला माज्‍येनी माहङबुराङ येह, यिहॱनाङ ख्‍याला ङोह स्‍य़े च्‍य़ूज्‍येला का़हबु येह, च्‍यिबेमाना ख्‍यागी खोक्‍पा च्‍यान्‍दी काहल्‍दी येह।

यूहन्‍ना 3:8

ल्‍हा़बा का़हले सेम ने़गे ओ़हलेराङ स्‍याङगे। ख्‍येगी ल्‍हा़बागी क़ेनी थे़गे, यिहॱनाङ ल्‍हा़बा का़हलेगी ओहङगे ओहले का़हला डोएँ, ओ़ह ख्‍येगी ह्‍अ मेहकोहएँ। थु लाहमले क्‍येक्‍यो मिह थाम्‍ज्‍यी ओ़ह ल़ेहमुराङ ओहङगे।”

यूहन्‍ना 3:5

येशूगी ल़ेहन क्‍याहप नाङसीन, “तेहम्‍बाराङ ङाह ख्‍येला माएँ, छ्यु दाङ थु लाहमले माहक्‍ये थु सुज्‍यीॱआङ किन्‍ज्‍योगी क्‍याहल्‍सीला स्‍य़ूह ख़ूज्‍ये म़ेह।

१ यूहन्‍ना 4:10

ओहराङगी किन्‍ज्‍योला चेवा पेहक्‍यो सोङबे मिहम्‍बा, यिहॱनाङ मिहरोगी ओहराङला चेवा जे नाङग्‍यो सोङबे, ओहराङगी तिहक्‍पागी तेहन्‍दाला कुसो नाङज्‍येला मिहरोगी राहङगी स़ेबुला ताङ नाङसीन। चेवा माक्‍योदी दिराङ यिहम्‍बा।

१ तिमोथी 3:16

तेहम्‍बाराङ किन्‍ज्‍योला क्‍याप्‍केन्‍गी तेहन्‍दा ङोहॱराङ स्‍ये मी़हखुएँगी नाहङ-ताम काहजे छ्यिम्‍बु येहबा? मास्‍यीका मिहगी पी़नाङ नोम्‍दी फेप नाङसीन, नाम्‍पार-ताहक्‍पा थुगी मिहरोला टाहङबु यिहम्‍बा म़ेदी तेन नाङसीन ओहले मिहरोला स्‍यिहङगामकी स्‍याहप्‍च्‍यीया़गीॱआङ थोङसीन। ओहले मिहरोकी तेहन्‍दाला लुहङबा लुहङबागी मिहया़गी थ़ेसीन, जाम्‍बुलीङला मिहरोला मिहया़गी यिह-छ्य़े पेहसीन ओहले किन्‍ज्‍योगी मिहरोला येहपाराङ स्‍यिहङगामला ज्‍यिबुराङ चा़ जेती नोम फेप्‍सीन!

यूहन्‍ना 3:3

ओहले येशूगी खोला सुङ नाङसीन, “तेहम्‍बाराङ ङाह ख्‍येला माएँ, साम्‍बा पेहती माहक्‍ये थु सुज्‍यीगीॱआङ किन्‍ज्‍योगी क्‍याहल्‍सी थोङ मी़हखुएँ।”

यूहन्‍ना 3:11

तेहम्‍बाराङ ङाह ख्‍येला माएँ, ङ्यिहगी च्‍यि ङोह स्‍य़ेगे ओ़हदीॱराङ माएँ, ओहले ङ्यिहगी च्‍यि थोङग्‍यो येहबा ओ़हगी तेहन्‍दाला पाङबु तेर्के, यिहॱनाङ ख्‍याया़गी ङ्यिहगी तेरक्‍यो पाङबुला ची़नाङ मेहबेएँ दु।