यूहन्‍ना 3:11 - ह्योल्‍मो

¹¹ तेहम्‍बाराङ ङाह ख्‍येला माएँ, ङ्यिहगी च्‍यि ङोह स्‍य़ेगे ओ़हदीॱराङ माएँ, ओहले ङ्यिहगी च्‍यि थोङग्‍यो येहबा ओ़हगी तेहन्‍दाला पाङबु तेर्के, यिहॱनाङ ख्‍याया़गी ङ्यिहगी तेरक्‍यो पाङबुला ची़नाङ मेहबेएँ दु।

यूहन्‍ना 3:11 Referans Kwoze

यूहन्‍ना 8:38

ङाह राहङगी याहप ङ्याम्‍बु तेहकेमु च्‍यि च्‍यि थोङबा ओ़हगी तेहन्‍दालाराङ माएँ ओहले ख्‍याया़गीॱआङ राहङगी आबा ङ्याम्‍बु तेहकेमु च्‍यि च्‍यि थे़बा ओहराङ पेहकें।”

यूहन्‍ना 14:24

ङाहला चेवा मेहबेगेन्‍दीगी ङाहगी माक्‍योकी ताम मिहङ्यीहन्‍गे। ख्‍याया़गी थे़क्‍यो दि तामया़ ङाहती मिहन, यिहॱनाङ ङाहला ताङ नाङगे याहपती यिहम्‍बा।

यूहन्‍ना 12:49

च्‍यिबेमाना ङाहगी राहङ लाहमलेनी च्‍यिॱआङ ताम मा़हमे, यिहॱनाङ ङाहगी च्‍यि मा कोहकें यिहम्‍बा, ओहले काह-ठि पेहती मा कोहएँ यिहम्‍बा, ओ़ह ङाहला ताङ नाङगेन याहप राहङगीराङ ङाहला का नाङग्‍यो यिहम्‍बा।

यूहन्‍ना 8:14

येशूगी सुङ नाङसीन, “ङाह राहङगी तेहन्‍दाला पाङबु तेरॱनाङ ङाहगी माक्‍योकी ताम तेहम्‍बा यिहन च्‍यिबे मासीमाना ङाह का़हले ओहङग्‍यो यिहम्‍बा ओहले का़हला डोॱराङ येहबा ओ़हदी ङाहला क्‍यी़ह येह। यिहॱनाङ ख्‍याया़ला ङाह का़हले ओहङग्‍यो यिहम्‍बा ओहले का़हला डोॱराङ येहबा माएँ ताम क्‍यी़ह म़ेह।

यूहन्‍ना 7:16

ओहले येशूगी खुङया़ला ल़ेहन क्‍याहप्‍ती सुङ नाङसीन, “ङाहगी सुङदेन ङाहती मिहन, यिहॱनाङ दि सुङदेन ङाहला ताङ नाङगेन किन्‍ज्‍योदी यिहम्‍बा।

यूहन्‍ना 1:18

किन्‍ज्‍योला सुगीॱआङ नाहमॱआङ थोङदी म़ेह, यिहॱनाङ किन्‍ज्‍यो याहप ङ्याम्‍बु ज़्‍य़ू नाङगेन च्‍यिमे च्‍यी़राङ स़ेबु किन्‍ज्‍योगी मिहरोला तेन नाङदी येह।

२ कोरिन्‍थी 4:4

खुङया़गी तेहन्‍दाला माज्‍ये माना, दि जाम्‍बुलीङकी ल्‍हागी खुङगी ङोह स्‍य़े ख़ूएँगी ओङला स्‍याहर्ना जे तेर्ती येह। किन्‍ज्‍योगी ङ्य़ेहरीला मास्‍यीका ज़्‍य़ू नाङदी येह, मिहरोगी ज़िज्‍यिदगी या़हबु लेहङगु खुङया़गी माहथोङज्‍यु म़ेदी दि जाम्‍बुलीङगी ती़ह गो-छ्येवागी खुङया़गी मी़ का तेरक्‍यो येहबा।

यूहन्‍ना 1:11

मिहरो राहङदीराङ मिहया़साला फेप नाङसीन, यिहॱनाङ राहङदीराङ मिहया़गी मिहरोला ची़नाङ माहबे।

लूका 10:22

“ङाहती याहपगी ङाहला थाम्‍ज्‍यीराङ चि क्‍याहप नाङदी येह। स़ेबु सु यिहम्‍बा म़ेदी याहपगी मिहम्‍बा, लेहमेन सुगीॱआङ ङोह मे़हस्‍येएँ। ओ़ह ल़ेहमुराङ, स़ेबु दाङ खोगी तेन्‍ग्‍योकी मिहया़गी च्‍यी़राङ याहपला ङोह स्‍य़ेएँ लेहमेन सुगीॱआङ याहपला ङोह मे़हस्‍येएँ” म़ेदी येशूगी सुङ नाङसीन।

ज्‍याल्‍गा 1:5

ओहले यिह-छ्य़ेबु पाङबु दाङ टोहङग्‍योलेगी सोम्‍बो ज़्‍याङ नाङगेया़ला तोहङस्‍यो ज़्‍याङ नाङगे जाम्‍बुलीङकी क्‍याहल्‍बुया़गी क्‍याहल्‍बु, येशू मास्‍यीका लाहमलेॱआङ ख्‍याया़ला काटीन दाङ स्‍य़िहदे ओहङज्‍यु। ओहराङला चेवा जे नाङगे येशू मास्‍यीकागी मिहरो राहङगी ठा़ लाहमले ओहराङला तिहक्‍पालेगी खा फे़ नाङदी येह।

ल़ेह-पेन 22:18

‘ग्‍यो़बा-ग्‍यो़बा पेहती यरूशलेम क्‍युर ज़्‍या़दी सोङ! ख्‍येगी ङाहगी तेहन्‍दाला माएँगी ताम यरूशलेमगी मिहया़गी ङ्यिहन्‍ज्‍ये म़ेह’ म़ेदी किन्‍ज्‍योगी सुङ नाङसीन।

यूहन्‍ना 5:43

ङाह राहङगी याहपकी छेनला ओहङदी येह, यिहॱनाङ ख्‍याया़गी ङाहला मा-लोक पेहसीन। ओहले लेहमेन सुज्‍यी राहङदीराङ मिहनला ओहङसीमाना खोला ख्‍यागी लोक पेहच्‍ये येह।

यूहन्‍ना 3:13

स्‍यिहङगामलेगी फेप नाङगे मिहगी स़ेबु च्‍यी़ मिहम्‍बानी लेहमेन सुज्‍यीॱआङ स्‍यिहङगामला काहल्‍दी म़ेह।

यूहन्‍ना 3:5

येशूगी ल़ेहन क्‍याहप नाङसीन, “तेहम्‍बाराङ ङाह ख्‍येला माएँ, छ्यु दाङ थु लाहमले माहक्‍ये थु सुज्‍यीॱआङ किन्‍ज्‍योगी क्‍याहल्‍सीला स्‍य़ूह ख़ूज्‍ये म़ेह।

यूहन्‍ना 3:3

ओहले येशूगी खोला सुङ नाङसीन, “तेहम्‍बाराङ ङाह ख्‍येला माएँ, साम्‍बा पेहती माहक्‍ये थु सुज्‍यीगीॱआङ किन्‍ज्‍योगी क्‍याहल्‍सी थोङ मी़हखुएँ।”

मत्ती 23:37

यरूशलेम, ए यरूशलेम! ख्‍ये लुहङतेम्‍बाया़ला सेकें ओहले किन्‍ज्‍योगी ताङ नाङग्‍योया़ला तोहगी क्‍याहप्‍कें। च्‍याहमु आमागी च्‍याहमु पी़हरुया़ला उप्‍क्‍यो ल़ेहमुराङ ङाहगी ख्‍येगी पेहजाया़ला काहजे थार च्‍य़ूज्‍ये छोल्‍सीन, यिहॱनाङ ख्‍येगी माहङ्यीहन।

मत्ती 11:27

ङाहगी किन्‍ज्‍यो याहपगी ङाहला थाम्‍ज्‍यीराङ से़हया़ चि क्‍याहप नाङदी येह। किन्‍ज्‍यो याहपगी मिहम्‍बा लेहमेन सुगीॱआङ स़ेबुला ङोह मे़हस्‍येएँ ओहले स़ेबुगी मिहम्‍बा लेहमेन सुगीॱआङ किन्‍ज्‍यो याहपला ङोह मे़हस्‍येएँ। यिहॱनाङ स़ेबुगी ङोहस्‍यी ताङ तेर नाङग्‍योया़गीदी किन्‍ज्‍यो याहपला ङोह स्‍य़ेएँ।

ज्‍याल्‍गा 3:14

“लाउडिकियाकी छेन्‍छोकला चारा पेहकेन स्‍यिहङगामकी स्‍याहप्‍च्‍यीला दि ताम प्री़हदोङ: ‘दि ताम आमेन, यिह-छ्य़ेबु दाङ तेहन्‍दामकी पाङबुगी दि ल़ेहमु सुङ नाङगु दु। किन्‍ज्‍योगी छ्या़ नाङग्‍योकी रेबेॱराङ से़हया़ थो़ला मिहरोगीॱराङ ओङ छ्ये नाङगे।

यूहन्‍ना 3:12

ङाहगी ख्‍याला जाम्‍बुलीङगी ताम मासीन, यिहॱनाङ ख्‍यागी यिह मे़हछ्ये दु, ओहले ख्‍याला स्‍यिहङगामकी ताम स्‍य़ेसीन माना काह-ठि पेहती ख्‍यागी यिह-छ्य़े ख़ूज्‍ये ले?

यूहन्‍ना 8:26

ख्‍याया़गी तेहन्‍दाला ताम मा कोहच्‍ये दाङ ठिम ताङ कोहज्‍ये नि माहङबुराङ येह। यिहॱनाङ ङाहला ताङ नाङगेन्‍दी तेहम्‍बा ज़्‍य़ू नाङदी येह, ओहले मिहरो लाहमले ङाहगी च्‍यि थे़बा ओ़ह तामया़ॱराङ ङाह जाम्‍बुलीङला स्‍येकें।”