यूहन्‍ना 2:2 - ह्योल्‍मो

² येशू दाङ येशूगी स्‍याहप्‍च्‍यीया़ॱलाङ ओ़ह पा़हमाला पाहङज्‍येन क्‍याहप्‍ती येहकें।

यूहन्‍ना 2:2 Referans Kwoze

कलस्‍सी 3:17

ख्‍याया़गी च्‍यि पेहॱनाङ च्‍यि माॱनाङ ना थाम्‍ज्‍यी चो़वो मास्‍यीकागी छेनलाराङ पेहतोङ ओहले मिहरो लाहमलेॱराङ किन्‍ज्‍यो याहपला थुज्‍यी-छ्ये़ फुल्‍दोङ।

१ कोरिन्‍थी 7:39

ख्‍योवा येहकें थु पी़हमी राहङवाङ मेहयोहङगे। का़हलेॱआङ ख्‍योवा स्‍यिसीमाना मोह येहपाराङ राहङगी सेम थेप्‍क्‍यो मिह ङ्याम्‍बु पा़हमा पेह ख़ूएँ, यिहॱनाङ खोदी चो़वोला यिह-छ्य़े पेहकेन्‍गी मिहराङ ओहङ कोहएँ।

हिब्रू 13:4

पा़हमा, मिह थाम्‍ज्‍यीगी ची़नाङ पेहच्‍ये सी़हगेन्‍दी ओहङ कोहएँ, ख्‍योवागी राहङगी पी़हमी क्‍याहपला लेहमेन पी़हमी छोल्‍ज्‍ये मेहयोहङगे, पी़हमीगीॱआङ राहङगी ख्‍योवा क्‍याहपला लेहमेन ख्‍योवा छोल्‍ज्‍ये मेहयोहङगे। च्‍यिबेमाना छारा ल़ेह पेहकें दाङ छ्येउ-छ्येंमु पेहकेनया़ला किन्‍ज्‍योगी ङ्य़ेहबा काल नाङज्‍ये येह।

१ कोरिन्‍थी 10:31

ओ़ह सोङबे ख्‍या च्‍यि साहॱनाङ सोह, च्‍यि थुङॱनाङ थुङ, च्‍यि पेहॱनाङ पेह, थाम्‍ज्‍यी लाहमले किन्‍ज्‍योगी ज़िज्‍यिदगी तेहन्‍दाला पेहतोङ।

मत्ती 25:45

ओ़ह ती़हजीला ज़्‍य़ू-ठिला ज़्‍य़ू नाङगेन क्‍याहल्‍बुगी खुङया़ला दि ल़ेहमु सुङ नाङज्‍ये येह, ‘तेहम्‍बाराङ ङाह ख्‍याया़ला माएँ, ङाहगी नो़ह-नुहमुया़ नाहङला थाम्‍ज्‍यी म़ेदी फेमाला ख्‍याया़गी च्‍यि च्‍यि माहबेबा, ओ़ह ख्‍याया़गी ङाहलाराङ माहबेबा यिहम्‍बा।’

मत्ती 25:40

ओहजेला ज़्‍य़ू-ठिला ज़्‍य़ू नाङगे क्‍याहल्‍बुगी दि ल़ेहमु सुङदी ल़ेहन क्‍याहप नाङज्‍ये येह, ‘तेहम्‍बाराङ ङाह ख्‍याया़ला माएँ, ङाहगी नो़ह-नुहमुया़ नाहङला थाम्‍ज्‍यी म़ेदी फेमाला ख्‍याया़गी च्‍यि पेहपा, ओ़ह ङाहलाराङ पेहक्‍यो यिहम्‍बा’।”

मत्ती 12:19

खो सु ङ्याम्‍बुॱआङ ठुक्‍पा क्‍याहप्‍च्‍ये म़ेह, ओहले क़े छ्यिम्‍बुॱआङ तेन्‍ज्‍ये म़ेह, ओहले खोगी क़े लाहमया़ला सुज्‍यीगीॱआङ थे़ज्‍ये म़ेह।

ज्‍याल्‍गा 3:20

त़ेदोङ, ङाह कोहला लाहङदी कोह तुहङगेनॱराङ येह। सुज्‍यीगी ङाहगी क़े थे़दे कोह खा फे़ तेर्सीमाना ङाह नाहङला ओहङज्‍ये येह ओहले ङाह खो ङ्याम्‍बु डेन साहज्‍ये येह ओहले खोॱआङ ङाह ङ्याङबुराङ साहज्‍ये येह।

यूहन्‍ना 2:3

पा़हमाला तेर्केन्‍गी छ्याङ चो़हक्‍यो सोङबे येशूगी आमागी येशूला स्‍युहसीन, “कुहन्‍डुमकी-निङगुनी चो़हसीन दुबा!”

यूहन्‍ना 2:12

ओ़ह तिङले येशू राहङगी आमा, नो़हया़ दाङ स्‍याहप्‍च्‍यीया़ ङ्याम्‍बु कफर्नहुमला फेप नाङसीन, ओहले स्‍याहक्‍पु तोबाज्‍यी ओ़हलाराङ ज़्‍य़ू नाङसीन।

यूहन्‍ना 2:17

ओहले मिहरोगी स्‍याहप्‍च्‍यीया़गी सुङरापला प्रुहक्‍योगी दि केच्‍याया़ टेहम्‍बा साल्‍सीन, “ए, किन्‍ज्‍यो! राहङगी ज़िम्‍गाङगी तेहन्‍दाला ङाहती स्‍ये़गी ङाहगी निङ नाहङला मेहॱराङ पाहर्के।”

यूहन्‍ना 2:22

येशू टोहङदे येहपाराङ सोम्‍बो ज्‍य़ा़ङॱनाङ फान्‍ज्‍यो मिहरोकी स्‍याहप्‍च्‍यीया़गी येशूगी सुङ नाङग्‍योकी दि स्‍याहल टेहम्‍बा साल्‍सीन, ओहले खुङया़गी सुङराप दाङ येशूगी सुङ नाङग्‍योकी स्‍याहलला यिह छ्य़ेसीन।

यूहन्‍ना 3:22

ओ़ह तिङले येशू राहङगी स्‍याहप्‍च्‍यीया़ ङ्याम्‍बु यहूदीया लुहङबाला फेप नाङसीन ओहले ङ्यिहमा तोबाज्‍यी खुङ ङ्याम्‍बु ज़्‍य़ू नाङसीन ओहले बप्‍तिस्‍मा नाङसीन।

यूहन्‍ना 4:2

माज्‍येराङ मानानी, येशूगी सुॱलाङ बप्‍तिस्‍मा माहनाङ, दि ल़ेहदी मिहरोगी स्‍याहप्‍च्‍यीया़गी च्‍यी़राङ पेहको येहकें।

यूहन्‍ना 4:8

ओहजे काहङला येशूगी स्‍याहप्‍च्‍यीया़ क्‍याहसाला साहएँ से़हया़ ङ्योह काहल्‍दी येहकें।

यूहन्‍ना 4:33

दि स्‍याहल थे़दे स्‍याहप्‍च्‍यीया़गी राहङ नाहङदुङ ताम माज्‍ये छ़ूसीन, “सुज्‍यीगी लोबेनला छ्येच्‍ये से़हया़ ख्‍योङदी नाङबा नि च्‍यि यिहम्‍बा?”

यूहन्‍ना 6:8

येशूकी लेहमेन स्‍याहप्‍च्‍यी सिमोन-पत्रुसकी नो़ह अन्‍द्रियासगी मासीन,

यूहन्‍ना 6:12

ओहले खुङगी साह सिहन फान्‍ज्‍यो येशूगी स्‍याहप्‍च्‍यीया़ला सुङ नाङसीन, “ल्‍हा़स्‍युलया़ ती़हदी ज़्‍यो़, च्‍यिॱआङ थोरो डो मा़हच्‍यु।”

यूहन्‍ना 6:16

कुहङॱसे काहल फान्‍ज्‍यो येशूगी स्‍याहप्‍च्‍यीया़ छो-क्‍याहम्‍जोला काहल्‍सीन।

यूहन्‍ना 6:60

दि केच्‍या थे़दी येशूगी स्‍याहप्‍च्‍यीया़ नाहङला माहङबुगीराङ मासीन, “दि सुङनी ज्‍यिबुराङ का़हबु दु, दि सुगी ङ्यिहन ख़ूज्‍ये ले?”

यूहन्‍ना 6:66

ओ़ह ती़हजी यिहन्‍ज्‍यु येशूगी स्‍याहप्‍च्‍यीया़ नाहङगी माहङबुराङ स्‍याहप्‍च्‍यीया़ क्‍याहप लो़हसीन ओहले येशूला तिङ ङ्या़ज्‍ये क्‍युर्सीन।

यूहन्‍ना 6:67

येशूगी स्‍याहप्‍च्‍यी च्‍यिङ्यी़ला टी़ह नाङसीन, “च्‍यि ख्‍याॱआङ ङाहला क्‍युर ज़्‍या़दी डोएँ?”

यूहन्‍ना 6:70

येशूगी खुङया़ला सुङ नाङसीन, “च्‍यि ङाह राहङगीराङ ख्‍या मेहन्‍दा च्‍यिङ्यी़ला दाम्‍ग्‍यो मिहम्‍बा ले? यिहॱनाङ ख्‍या नाहङला मेहन्‍दा च्‍यी़दी (ती़ह गो-छ्येवा) दियाबलस यिहम्‍बा।”

यूहन्‍ना 6:71

दि स्‍याहल येशूगी सिमोन इस्‍करियोतकी पुह यहूदागी तेहन्‍दाला सुङ नाङग्‍यो येहकें, च्‍यिबेमाना खो स्‍याहप्‍च्‍यी च्‍यिङ्यी़ नाहङगी मेहन्‍दा च्‍यी़ यिहन्‍गे ओहले खोगीराङ येशूला गो़ कोर च्‍य़ूज्‍ये पेहक्‍यो येहकें।

यूहन्‍ना 7:3

ओ़ह सोङबे येशूगी नो़हया़गी येशूला मासीन, “दि ग्‍या़ क्‍युर ज़्‍या़दी यहूदीयाला फेप नाङदोङ, ओहले राहङगी जेती ज़्‍य़ू नाङग्‍योकी छ्या़लेया़ राहङगी स्‍याहप्‍च्‍यीया़गीॱआङ थोङज्‍यु।

ल़ेह-पेन 11:26

ओहले शाऊलला टार्सस क्‍याहसाला च्‍य़ेह सिहन्‍दी खोला एन्‍टिओखिया क्‍याहसाला ख्‍योङसीन। ओहले खुङ ङ्यी़गी लोह च्‍यी़ थु एन्‍टिओखियागी छेन्‍छोककी मिहया़ ङ्याम्‍बु छोक्‍पा पेहकेनॱराङ सुङ ख्‍येप्‍टा तेर्सीन। एन्‍टिओखिया लुहङबालाराङ तोहङस्‍यो मास्‍यीकागी स्‍याहप्‍च्‍यीया़ला मास्‍यीकापा म़ेदी माक्‍यो यिहम्‍बा।

ल़ेह-पेन 11:29

ओहले एन्‍टिओखिया क्‍याहसाला तेहकेन्‍गी चो़वो येशूगी स्‍याहप्‍च्‍यीया़गी यहूदीया लुहङबागी आदा-नो़हया़ला रो़ह पेहच्‍ये म़ेदी काहजे ला़ खाएँ डेल्‍बाया़ ती़हदे ताङज्‍ये सेम पेहसीन।