यूहन्‍ना 19:11 - ह्योल्‍मो

¹¹ ओहले येशूगी सुङ नाङसीन, “किन्‍ज्‍योगी याहर यिहन्‍ज्‍यु माहनाङबा यिहनानी राहङदी ङाह थो़ला च्‍यिॱआङ ओङ मेहयोङज्‍ये येहकें। ओ़ह सोङबे ङाहला राहङगी छ्या़ला चि क्‍याहप्‍केन्‍दीला तोहरोङ माहङबु तिहक्‍पाकी फातुर फो़ज्‍ये येह।”

यूहन्‍ना 19:11 Referans Kwoze

रोमी 13:1

मिह थाम्‍ज्‍यी क्‍याहल-ठिम ताङगेन्‍गी ओङ चो़ला तेहच्‍यु। किन्‍ज्‍यो लाहमले ओहङग्‍यो ओङ मिहम्‍बा लेहमेन का़हन्‍दीॱआङ ओङ मेहयोहङगे। ओहले थाम्‍ज्‍यी ओङ छ्य़ेगे मिहया़ला किन्‍ज्‍योगीॱराङ कुल नाङग्‍यो यिहम्‍बा।

यूहन्‍ना 3:27

ओहले यूहन्‍नागी ल़ेहन क्‍याहप्‍ती मासीन, “स्‍यिहङगामले माहनाङ थु मिहगी च्‍यिॱआङ ज्‍योर मी़हखुएँ।

ल़ेह-पेन 2:23

किन्‍ज्‍योगी राहङगी रिहक्‍स्‍यी दाङ राहङगी ज़ोक्‍योकी च्‍याहम्‍दा ल़ेहमु जेते येशूला ख्‍या फे़बेया़गी लाहक्‍पाला च्‍योल नाङसीन, ओहले ख्‍या फे़बेया़गी येशूला मिह चोक्‍पाया़गी लाहक्‍पाला च्‍योल्‍दीमाराङ क्‍याहङस्‍यीङला च्‍याङदी से च्‍य़ू नाङसीन।”

ल़ेह-पेन 3:13

ओ़ह ल़ेहमु मिहम्‍बा, ओहराङगी चावा अब्राहाम, इसहाक दाङ याकूबकी किन्‍ज्‍योगी राहङला स्‍याहप्‍तो स्‍युहएँ येशूला चा़ जे नाङसीन। ख्‍या फ़ेबेॱयागीदी येशूला से कोहकें म़ेदी च्‍योल नाङसीन। पिलातसगी येशूला ताङज्‍ये छोल्‍गेमुॱआङ ख्‍या फे़बेया़गी माहताङ म़ेदी सुङ नाङसीन।

यूहन्‍ना 7:30

ओ़ह सोङबे खुङया़गी येशूला ज़ुङज्‍ये छोल्‍सीन, यिहॱनाङ सुज्‍यीगीॱआङ येशूला लाहक्‍पा माहक्‍याहप, च्‍यिबेमाना येशूकी ती़हजी तोहरोङॱआङ लेप्‍ती म़ेहबा येहकें।

याकूब 1:17

ना थाम्‍ज्‍यी या़हबु दाङ याहङ-ताहक्‍पा काबाप स्‍यिहङगामलेगी ओहङगे। नामला येहकेन्‍गी रेबेॱराङ येहसेरया़ छ्या़ च्‍य़ू नाङगे किन्‍ज्‍यो याहप लाहमलेॱराङ दि काबापया़ ओहङगे यिहम्‍बा। मिहरो नाहमॱआङ ग्‍युर मेहनाङगे ओहले मिहरोगी लो़हदे येहपाराङ ना़-जुबे ज़ो मेहनाङगे।

मत्ती 6:13

ङ्यिहला ङ्याहम-छेला छ्यि च्‍य़ू माहनाङ, यिहॱनाङ ङ्येहम्‍बालेगी थार च्‍य़ू नाङदोङ। (च्‍यिबेमाना क्‍याहल-खाप, ओङ दाङ ज़िज्‍यिद नाहम्‍स्‍यी किन्‍दु राहङदीराङ यिहन, आमेन )”

याकूब 4:17

ओ़ह सोङबे या़हबु ल़ेह पेह कोहएँ म़ेदी ङोह स्‍य़ेदी स्‍य़ेदीॱआङ का़हन्‍दीगी मेहबेकें खोला तिहक्‍पा फो़गे।

रोमी 11:36

च्‍यिबेमाना ना थाम्‍ज्‍यी मिहरोगीॱराङ छ्या़ च्‍य़ू नाङग्‍यो यिहन ओहले ओ़ह थाम्‍ज्‍यी मिहरो लाहमले ओहले मिहरोगी तेहन्‍दालाराङ यिहन। मिहरोला नाहम्‍स्‍यी किन्‍दुॱराङ ज़िज्‍यिद ओहङज्‍यु! आमेन।

ल़ेह-पेन 4:28

यिहॱनाङ किन्‍ज्‍योगी ओङ दाङ थु ङो़ले किन्‍ज्‍योगी तोहङलेराङ साम्‍लु ताङ नाङग्‍यो ल़ेहमुराङ खुङया़गी ल़ेह पेहसीन।

मत्ती 27:2

ओहले खुङया़गी येशूला ताहम्‍दी रोमी स्‍युहङ-पेन छ्यिम्‍बु पिलातससाला ख्‍येर्ती चि क्‍याहप्‍सीन।

मर्कूस 14:44

ज़ुङ च्‍य़ूगे यहूदागी ओ़ह मिहया़ला दि ल़ेहमु म़ेदी ता़स्‍यी तेरक्‍यो येहकें, “का़हन्‍दीला ङाहगी च्‍युक पेहकें, ओ़हदीॱराङ येशू यिहम्‍बा, खोला ज़ुङदी या़हबु पेहती सुङदी ख्‍येर्तोङ।”

यूहन्‍ना 18:3

ओहजे काहङला लो, मेहदाङ दाङ छेन्‍ज्‍याया़ थो़दी माक्‍मीया़गी मिह बा़ल च्‍यी़, ओहले पूजाहारी छ्यिम्‍बु दाङ फरिसीया़गी ताङग्‍यो कोह सुङगे मिहया़ ख्‍योङदी यहूदा ओ़हला ओहङसीन।

यूहन्‍ना 9:41

ओहले येशूगी खुङया़ला सुङ नाङसीन, “ख्‍या तेहम्‍बाराङ स्‍याहर्ना काहल्‍ग्‍यो यिहम्‍बा यिहनानी ख्‍याला तिहक्‍पागी ङ्य़ेहबा फो़ज्‍ये म़ेहबा येहकें यिहॱनाङ ख्‍याया़गी ‘ङ्यिहगीनी थोङगे’ म़ेदी माएँ, ओ़ह सोङबे ख्‍याला तिहक्‍पा येहॱराङ येहबा।”

लूका 22:53

ङ्यिहमा-टाहङमाराङ ङाह ख्‍या ङ्याम्‍बुराङ छ्योखाङगी यिल्‍दोला तेहकेमुनी ख्‍यागी ङाहला माहजु़ङ ले! यिहॱनाङ ता़ह ख्‍याया़गी ल़ेह पेहकेन्‍गी ती़हजी लेप्‍सीन ओहले ता़ह ना़-जुबेगी ओङ पेहकें।”

मत्ती 26:65

दि थे़दी पूजाहारी गो-छ्येवागी राहङगी काप्‍च्‍या राल्‍दी दि ल़ेहमु मासीन, “दि मिहगीनी किन्‍ज्‍योला स्‍ये़हन्‍डील पेहक्‍यो ओहराङगी थ़ेसीन, ता़ह ओहराङला लेहमेन च्‍यिॱआङ दास्‍यी कोहकें ले?

यूहन्‍ना 18:13

थाम्‍ज्‍यी म़ेदी तोहङले खुङया़गी येशूला हन्‍नाससाला ख्‍येर्सीन। हन्‍नासती ओ़ह लोहगी पूजाहारी गो-छ्येवा कैयाफाकी क्‍यू़हबु यिहन्‍गे।

यूहन्‍ना 19:10

ओहले पिलातसगी मासीन, “ङाहला च्‍यिबे मेहस्‍येके? ख्‍येला ताङ तेर्केन्‍गी ओङ ङाह ङ्याम्‍बु येह, ओहले ख्‍येला क्‍याहङस्‍यीङला च्‍याङगेन्‍गी ओङॱआङ ङाह ङ्याम्‍बु येह माएँ ताम च्‍यि ख्‍येला क्‍यी़ह म़ेहबा?”