यूहन्‍ना 18:4 - ह्योल्‍मो

⁴ राहङ थो़ला बाप ओहङगेन केच्‍याया़गी तेहन्‍दाला येशूला तोहङलेराङ थुयी़ येहकें। ओ़ह सोङबे येशू तोहङले फेप्‍ती ओ़ह मिहया़ला टी़ह नाङसीन, “ख्‍यागी सुला छोल्‍ग्‍यो?”

यूहन्‍ना 18:4 Referans Kwoze

यूहन्‍ना 13:1

थार्पा छ्येपा लेप्‍कें म़ेदी तोहङले दि जाम्‍बुलीङला क्‍युर ज़्‍या़दी याहप्‍च्‍येन आबासाला फेप नाङगे मिहरोगी ती़हजी लेप सिहन्‍सीन माएँ स्‍याहल येशूला थुयी़ येहकें। ओहले जाम्‍बुलीङला येहकेन्‍गी राहङगी मिहया़ला चेवा जे-नाङदी मिहरोगी खुङया़ला तिङस्‍यो ती़हजी थुराङ चेवा जे नाङसीन।

यूहन्‍ना 18:7

येहपाराङ येशूगी खुङया़ला टी़ह नाङसीन, “ख्‍यागी सुला छोल्‍ग्‍यो यिहम्‍बा?” ओहले खुङया़गी मासीन “नासरतकी येशूला।”

ल़ेह-पेन 2:28

राहङगीराङ ङाहला मिहली साम्‍बा ज्‍योर्केन्‍गी लाहम तेन नाङदी येह, राहङ ङाह ङ्याम्‍बु ज़्‍य़ू नाङगेमु ङाहगी सेम काहसोगी काहङगे।

यूहन्‍ना 19:28

ता़हनी ङाहती ल़ेह थाम्‍ज्‍यीराङ सिहन्‍सीन म़ेदी येशूला थुयी़ ओहङ फान्‍ज्‍यो सुङरापला सुङ नाङग्‍योकी स्‍याहलया़ ऱेह-ऱेह पेहती तेहन्‍दा डुप ख़ूज्‍यु म़ेदी येशूगी, “ङाह खा कोम्‍सीन” म़ेदी सुङ नाङसीन।

यूहन्‍ना 13:11

च्‍यिबेमाना राहङला सुगी ज़ुङ च्‍य़ूज्‍ये पेहक्‍यो यिहम्‍बा म़ेदी येशूला थुयी़ येहकें। ओ़ह सोङबे येशूगी “ख्‍या थाम्‍ज्‍यीनी चाङमा म़ेहबा” म़ेदी सुङ नाङग्‍यो येहकें।

यूहन्‍ना 6:64

यिहॱनाङ ख्‍याया़ नाहङला लाहलागी ङाहला यिह मे़हछ्येएँ।” च्‍यिबेमाना यिह मेहछ्य़ेएँया़ सु सु यिहम्‍बा, ओहले मिहरोला गो़ कोर च्‍य़ूगेन्‍दी सु यिहम्‍बा म़ेदी येशूला तोहङ यिहन्‍ज्‍यु थुयी़ येहकें।

लूका 24:44

येशूगी खुङया़ला सुङ नाङसीन, “ख्‍या ङ्याम्‍बु तेहकेमु ङाहगी ख्‍याला माक्‍यो मिहन ले, मोशागी नाङग्‍योकी छ्य़े-ठिम, लुहङतेम्‍बा दाङ छ्य़े-लुगी छ्य़ेला ङाहगी तेहन्‍दाला प्रुहक्‍योगी थाम्‍ज्‍यीराङ केच्‍याया़ तेहन्‍दा डुपॱराङ कोहकें।”

मत्ती 26:31

ओहजेला येशूगी स्‍याहप्‍च्‍यीया़ला सुङ नाङसीन, “तिहरीङ नुहङमु ख्‍याया़ थाम्‍ज्‍यीगी ङाहला क्‍युर ज़्‍या़दी प्रे़हदी डोज्‍ये येह। च्‍यिबेमाना सुङरापला दि ल़ेहमु प्री़हदी येहबा– ‘ङाह कोहरोवाला सेच्‍ये येह ओहले ल़ूहया़ फेतोर कोहतोर डोज्‍ये येह’।”

मत्ती 26:21

साहप्‍च्‍या छ्येकेॱराङ जेकेमु येशूगी सुङ नाङसीन, “तेहम्‍बाराङ ङाह ख्‍याया़ला माएँ, ख्‍याया़ नाहङलेॱराङ मेहन्‍दा च्‍यी़गी ङाहला ज़ुङ च्‍य़ूज्‍ये येह।”

मत्ती 26:2

“ख्‍याया़ला क्‍यी़हराङ येह, ता़ह ङ्यिहमा ङ्यी़ तिङले थार्पा छ्येपा ओहङगेॱराङ येहबा। ओहजेला मिहगी स़ेबुला क्‍याहङस्‍यीङला च्‍याङदी सेच्‍येला चि क्‍याहप्‍च्‍ये येह।”

मत्ती 16:21

ओ़ह ती़हजी यिहन्‍ज्‍यु येशूगी राहङगी स्‍याहप्‍च्‍यीया़ला राहङगी खुर कोहकेन्‍गी तेहन्‍दाला थेका सिरेराङ सुङ नाङज्‍ये छ़ूसीन। येशूगी सुङ नाङसीन, “ङाहगी यरूशलेमला काहल्‍दी एल्‍डरया़, पूजाहारी छ्यिम्‍बुया़ दाङ छ्य़े-ठिमकी लोबेनया़लेगी तुहक्‍पु खुर कोहच्‍ये येह, ओहले तिङले स्‍यि कोहच्‍ये येह, यिहॱनाङ स्‍याहक्‍पु सुमलादी ङाह येहपाराङ स्‍यिक्‍योलेगी सोम्‍बो लाहङज्‍ये येह।”

१ पत्रुस 4:1

काह-ठि जेती मास्‍यीकागी राहङगी कुसोला तुहक्‍पु खुर नाङबा, ओ़ह ल़ेहमुराङ पेहती ख्‍याया़गीॱआङ ओ़ह ल़ेहमुराङ छ्याप्‍स्‍यीगी सेम्‍बाया़ थो़दोङ, च्‍यिबेमाना का़हन्‍दीगी ज़ुबुला तुहक्‍पु खुर्के, खोगी तिहक्‍पा पेहच्‍ये क्‍युर सिहन्‍ग्‍यो ओहङगे।

यूहन्‍ना 18:5

ओहले खुङया़गी मासीन, “नासरतकी येशूला।” येशूगी खुङया़ला सुङ नाङसीन, “ङाह ओ़हदीॱराङ यिहन।” येशूला ज़ुङ च्‍य़ूगेन्‍गी यहूदाॱआङ खुङ ङ्याम्‍बुराङ लाहङ तेहती येहकें।