यूहन्‍ना 17:9 - ह्योल्‍मो

⁹ खुङया़गी तेहन्‍दाला ङाह सोल्‍वाङ ताप्‍केराङ येह। ङाह जाम्‍बुलीङगी तेहन्‍दालानी सोल्‍वाङ मेहताप, यिहॱनाङ याहपगी ङाहला नाङग्‍यो मिहया़गी तेहन्‍दाला च्‍यी़राङ ङाह सोल्‍वाङ ताप्‍कें च्‍यिबेमाना खुङ राहङदीराङ यिहन।

यूहन्‍ना 17:9 Referans Kwoze

हिब्रू 9:24

स्‍यिहङगामला येहकेन तेहन्‍दामला पे त़ेदी मिहगी ज़ोक्‍योगी नाम्‍पार-ताहक्‍पा ग्‍या़ नाहङला मास्‍यीकानी फेप माहनाङ, यिहॱनाङ मिहरो स्‍यिहङगामलाराङ फेप नाङसीन, ओहले ताहन्‍दा मिहरो ओहराङ छ्यो़ले किन्‍ज्‍योगी दिनला ज़्‍य़ू नाङदी येह।

यूहन्‍ना 17:2

च्‍यिबेमाना राहङगी खोला मिह थाम्‍ज्‍यी थो़ला ओङ नाङदी येह, ओ़ह लाहमले याहपगी नाङग्‍यो थाम्‍ज्‍यीलाराङ खोगी था़ म़ेहबा मिहली ज़ाङबु तेर्च्‍यु।

यूहन्‍ना 17:6

जाम्‍बुलीङलेगी राहङगी ङाहला नाङग्‍यो मिहया़ला ङाहगी राहङला ङोह स्‍य़े च्‍य़ूदी येह। खुङया़ राहङदी यिहन्‍गे, ओहले राहङगी खुङया़ ङाहला नाङसीन, ओहले खुङया़गी राहङगी सुङदेन ङ्यिहन्‍दी येह।

यूहन्‍ना 17:20

ङाह खुङया़की तेहन्‍दाला च्‍यी़राङ सोल्‍वाङ मेहताप, यिहॱनाङ खुङया़गी लेहङगुगी पेहती ङाहला यिह छ्य़ेगे मिहया़गी तेहन्‍दालाॱआङ सोल्‍वाङ ताप्‍को येह।

लूका 22:32

यिहॱनाङ ख्‍येगी तेहपा माहतोर्च्‍यु म़ेदी ङाहगी सोल्‍वाङ ताप्‍ते येह। ख्‍ये येहपाराङ ङाह ङो़ले लो़ह फान्‍ज्‍यो ख्‍येती नो़हया़ला तेहपाला स्‍युक छ्यिम्‍बु जे़दोङ” म़ेदी येशूगी सुङ नाङसीन।

१ यूहन्‍ना 5:19

जाम्‍बुलीङ थाम्‍ज्‍यीराङ ती़ह गो-छ्येवागी ओङ चो़ला येहॱनाङ ओहराङया़दी किन्‍ज्‍योगी छार्क्‍यीनया़ यिहम्‍बा माएँ ताम ओहराङला क्‍यी़ह येह।

यूहन्‍ना 14:16

ओहले ङाह याहप ङ्याम्‍बु ओहर-छ्य़े स्‍युहएँ, ओहले मिहरोगी ख्‍याया़ला लेहमेन रो़हराम जे नाङगेन्‍दीला ताङ नाङज्‍ये येह, ओहले मिहरो ख्‍या ङ्याम्‍बु नाहम्‍स्‍यी किन्‍दुॱराङ ज़्‍य़ू नाङज्‍ये येह।

ज्‍याल्‍गा 20:15

मिहलीगी छ्य़ेला मिहन मा़हप्रीहबा मिहया़ला ओ़ह मेहबुङगी छो नाहङला क्‍युर चाहङसीन।

ज्‍याल्‍गा 13:8

सेक्‍यो ल़ूह स्‍ये़बुकी मिहलीकी छ्य़ेला जाम्‍बुलीङ छ्या़ नाङगे म़ेदी तोहङलेराङ किन्‍ज्‍योगी मिहन प्रुह नाङग्‍यो मिहया़गी च्‍यी़राङ ओ़ह सेम्‍ज्‍येनला छ्येपा फुल्‍ज्‍ये म़ेह यिहॱनाङ ओ़ह म़ेदी लेहमेन, जाम्‍बुलीङला तेहकें थाम्‍ज्‍यी मिहया़गीनी ओ़ह सेम्‍ज्‍येनला छ्येपा फुल्‍ज्‍ये येह।

हिब्रू 7:25

ओ़ह सोङबे मिहरोला यिह छ्य़ेदी किन्‍ज्‍यो पोहला ओहङगेया़ला मिहरोगी ताहन्‍दा दाङ नाहम माॱनाङ थार्पा थोप च्‍य़ू थुप्‍कें। च्‍यिबेमाना खुङया़गी तेहन्‍दाला किन्‍ज्‍यो ङ्याम्‍बु सोल्‍वाङ ताप नाङज्‍येला मिहरो नाहम्‍स्‍यी किन्‍दु ज़्‍य़ू नाङगे।

ज्‍याल्‍गा 12:9

दि ल़ेहमु पेहते ओ़ह डुक, खो ताहङबोकी प्रुहल यिहन्‍गे, खो थाम्‍ज्‍यी जाम्‍बुलीङला गो़ कोर च्‍य़ूएँगी दियाबलस दाङ ती़ह गो-छ्येवा यिहम्‍बा। खो दाङ खोगी स्‍याहप्‍च्‍यीया़ला स्‍यिहङगामले माहर जाम्‍बुलीङला क्‍युर ज़ाङग्‍यो येहकें।

लूका 8:34

दि थोङदी फा़ कोहरोवाया़ छ्योङदी क्‍याहसा दाङ युहलया़ला काहल्‍दी ताम थाम्‍ज्‍यीराङ स्‍येसीन।

लूका 23:34

ओहले येशूगी सुङ नाङसीन, “ओ़ याहप, दि माक्‍मीया़गी च्‍यि पेहको येहबा खुङगी ह्‍अ के़हदी म़ेह, खुङला स्‍या़बा नाङदोङ।” म़ेदी सुङ नाङसीन। ओहले माक्‍मीया़गी येशूगी नाहम्‍सा लेहन्‍दी गिन क्‍याहप्‍ती राहङ नाहङदोङ कोहसीन।

यूहन्‍ना 6:37

याहपगी नाङगे थाम्‍ज्‍यी ङाहसाला ओहङज्‍ये येह, ओहले ङाहसाला ओहङगेनया़ला ङाहगी नाहमॱआङ लो़ ताङज्‍ये म़ेह।

यूहन्‍ना 6:39

ङाहला ताङ नाङगे याहपकी थु-सेम दिराङ यिहम्‍बा: मिहरोगी ङाहला नाङग्‍योया़ नाहङला सुज्‍यीॱआङ तोङदी माहन्‍डोज्‍यु, यिहॱनाङ तिङस्‍यो ती़हजीला खुङया़ला सोम्‍बो ज़ो ख़ूज्‍यु।