यूहन्‍ना 17:4 - ह्योल्‍मो

⁴ राहङगी ङाहला चि क्‍याहप नाङग्‍योकी छ्या़लेन तेहन्‍दा डुप च्‍य़ूदी ङाहगी राहङगी छेन दि जाम्‍बुलीङला छ्यिम्‍बु जे़दी येह।

यूहन्‍ना 17:4 Referans Kwoze

यूहन्‍ना 4:34

ओहले येशूगी खुङया़ला सुङ नाङसीन, “ङाहला ताङ नाङगेन याहपकी का दाङ मिहरोगी छ्या़ले छाङबु पेहकेन्‍दीराङ ङाहती साहप्‍च्‍या यिहम्‍बा।

ल़ेह-पेन 20:24

यिहॱनाङ, ङाहगी मिहली ङाहगी तेहन्‍दालानी च्‍यिॱआङ फेन थो़ज्‍ये म़ेह। ङाहला देजे च्‍यी़राङ सेम्‍बा येहबा, किन्‍ज्‍योगी मिहया़ला काटीन जे-नाङदी येहबा माएँ या़हबु लेहङगुगी तामया़ मिहया़ला स्‍य़े ख़ूज्‍यु म़ेदी ओ़ह छ्या़लेया़ तेहन्‍दा डुप च्‍य़ूज्‍येला चो़वो येशूगीराङ ङाहला कुल नाङग्‍यो यिहम्‍बा।

२ तिमोथी 4:7

ङाहगी मा़ या़हबु क्‍याहप सिहन्‍दी येह। ङाहगी छ्योङ कोहएँकी ल़ेह सिहन्‍दा च्‍ये सिहन्‍दी येह ओहले ङाहगी यिह-छ्य़ेला सी़दे ज़्‍या़दी येह।

यूहन्‍ना 19:30

ओहले येशूगी ओ़ह कुहन्‍डुमकी-निङगु क्‍युर्पु छ्ये नाङसीन ओहले येशूगी, “ता़हनी ङाहती ल़ेह थाम्‍ज्‍यीराङ सिहन्‍सीन” म़ेदी सुङ नाङसीम्‍बाराङ उ माहर कुहर जेती टोहङ नाङसीन।

यूहन्‍ना 14:31

यिहॱनाङ ङाह याहपला चेवा पेहकें माएँ ताम मिह थाम्‍ज्‍यीगी ङोह स्‍य़े ख़ूज्‍यु म़ेदी ङाह याहपकी काया़ ची़गेनॱराङ येहबा। ता़ह लाहङदोङ, ओहराङ दि ग्‍या़ले डोएँ।”

यूहन्‍ना 15:10

ङाहगी ङाहती याहपती काया़ ङ्यिहन्‍दी ङाह याहपगी चेवाला तेहक्‍यो ल़ेहमु ख्‍यागीॱआङ ङाहती काया़ ङ्यिहन्‍सीन माना ख्‍या ङाहती चेवाला तेहच्‍ये येह।

यूहन्‍ना 14:13

ख्‍याया़गी ङाहगी मिहनला च्‍यि लाङॱनाङ स़ेबु लाहमले याहपकी ज़िज्‍यिद ओहङज्‍यु म़ेदी ङाह ओ़ह पेहच्‍ये येह।

यूहन्‍ना 12:28

ओ़ याहप, राहङगी छेनला ज़िज्‍यिद-च्‍येन छ्यिम्‍बु ज़ो नाङदोङ।” ओहजेला स्‍यिहङगामले दि ल़ेहमु सुङ-क़े थ़ेसीन “ङाहगी ज़िज्‍यिद लेहन्‍दी येह ओहले येहपाराङॱआङ लेहन्‍ज्‍ये येह।”

यूहन्‍ना 9:3

ओहले येशूगी सुङ नाङसीन, “खोराङगी तिहक्‍पागी पेहतीॱआङ मिहन ओहले खोगी फामागी तिहक्‍पागी पेहतीॱआङ मिहन, यिहॱनाङ किन्‍ज्‍योगी छ्या़ले दि मिहगी मिहजी लाहमले थोङ ख़ूज्‍यु म़ेदीराङ खो मी़ मेहथोङगेन काहल्‍ग्‍यो यिहम्‍बा।

यूहन्‍ना 5:36

“यिहॱनाङ यूहन्‍नागी तेरक्‍यो पाङबु म़ेदीॱआङ छ्यिम्‍बु पाङबु ङाह ङ्याम्‍बु येह। च्‍यिबेमाना का़हन्‍दी ल़ेहया़ छाङबु पेहच्‍येला याहपगी ङाहला ताङ नाङग्‍यो यिहम्‍बा, ओ़ह ल़ेहया़ ङाहगी पेहकेनॱराङ येह, ओ़ह सोङबे ङाहला याहपगी ताङ नाङग्‍यो यिहन म़ेदी ओ़ह ल़ेहया़गीॱराङ ङाहगी तेहन्‍दाला पाङबु तेर्के।

लूका 22:37

च्‍यिबे मासीमाना सुङरापला ‘मिहरोला नाहग-च्‍येन मिहया़ ङ्याम्‍बुराङ टाहङमा क्‍याहप्‍सीन’ म़ेदी प्रुहक्‍योगी केच्‍याया़ ङाहगी मिहलीला तेहन्‍दा डुपॱराङ कोहएँ। तेहम्‍बाराङ ङाहगी तेहन्‍दाला प्रुहक्‍योगी केच्‍याया़ तेहन्‍दा डुप्‍तेराङ येह!” म़ेदी येशूगी सुङ नाङसीन।

यूहन्‍ना 19:28

ता़हनी ङाहती ल़ेह थाम्‍ज्‍यीराङ सिहन्‍सीन म़ेदी येशूला थुयी़ ओहङ फान्‍ज्‍यो सुङरापला सुङ नाङग्‍योकी स्‍याहलया़ ऱेह-ऱेह पेहती तेहन्‍दा डुप ख़ूज्‍यु म़ेदी येशूगी, “ङाह खा कोम्‍सीन” म़ेदी सुङ नाङसीन।