यूहन्‍ना 17:2 - ह्योल्‍मो

² च्‍यिबेमाना राहङगी खोला मिह थाम्‍ज्‍यी थो़ला ओङ नाङदी येह, ओ़ह लाहमले याहपगी नाङग्‍यो थाम्‍ज्‍यीलाराङ खोगी था़ म़ेहबा मिहली ज़ाङबु तेर्च्‍यु।

यूहन्‍ना 17:2 Referans Kwoze

यूहन्‍ना 6:39

ङाहला ताङ नाङगे याहपकी थु-सेम दिराङ यिहम्‍बा: मिहरोगी ङाहला नाङग्‍योया़ नाहङला सुज्‍यीॱआङ तोङदी माहन्‍डोज्‍यु, यिहॱनाङ तिङस्‍यो ती़हजीला खुङया़ला सोम्‍बो ज़ो ख़ूज्‍यु।

यूहन्‍ना 6:37

याहपगी नाङगे थाम्‍ज्‍यी ङाहसाला ओहङज्‍ये येह, ओहले ङाहसाला ओहङगेनया़ला ङाहगी नाहमॱआङ लो़ ताङज्‍ये म़ेह।

यूहन्‍ना 17:24

ओ़ याहप, राहङगी ङाहला नाङग्‍योकी मिहया़ ङाह ङ्याम्‍बुराङ तेहती ङाहती ज़िज्‍यिद थोङ ख़ूज्‍यु म़ेदी ङाह म़ेहबा पेहकें। ओ़ह ज़िज्‍यिद जाम्‍बुलीङ छ्या़गे म़ेदी तोहङ यिहन्‍ज्‍युराङ राहङगी ङाहला चेवा जे नाङग्‍यो सोङबे राहङगी ङाहला नाङग्‍यो येहकें।

मत्ती 28:18

ओहजेला येशू खुङया़ पोहला फेप्‍ती सुङ नाङसीन, “त़ेदोङ, स्‍यिहङगाम दाङ जाम्‍बुलीङगी थाम्‍ज्‍यीराङ ओङ ङाहला नाङदी येह।

१ यूहन्‍ना 5:20

किन्‍ज्‍योगी स़ेबु फेप नाङसीन ओहले मिहरोगी ओहराङला तेहन्‍दामगी किन्‍ज्‍योला ङोह स्‍य़े ख़ूएँगी येहन्‍देन नाङसीन। दि ओहराङला क्‍यी़ह येह। ओहराङ मिहरोगी स़ेबु येशू मास्‍यीकाला येहकें सोङबे तेहन्‍दामकी किन्‍ज्‍यो ङ्याम्‍बुराङ येह। मिह-रो़हराङ तेहन्‍दामकी किन्‍ज्‍यो दाङ था़ म़ेहबा मिहली यिहन।

यूहन्‍ना 17:9

खुङया़गी तेहन्‍दाला ङाह सोल्‍वाङ ताप्‍केराङ येह। ङाह जाम्‍बुलीङगी तेहन्‍दालानी सोल्‍वाङ मेहताप, यिहॱनाङ याहपगी ङाहला नाङग्‍यो मिहया़गी तेहन्‍दाला च्‍यी़राङ ङाह सोल्‍वाङ ताप्‍कें च्‍यिबेमाना खुङ राहङदीराङ यिहन।

यूहन्‍ना 17:6

जाम्‍बुलीङलेगी राहङगी ङाहला नाङग्‍यो मिहया़ला ङाहगी राहङला ङोह स्‍य़े च्‍य़ूदी येह। खुङया़ राहङदी यिहन्‍गे, ओहले राहङगी खुङया़ ङाहला नाङसीन, ओहले खुङया़गी राहङगी सुङदेन ङ्यिहन्‍दी येह।

यूहन्‍ना 4:14

यिहॱनाङ का़हन्‍दीगी ङाहगी तेर्केन्‍गी छ्यु थुङगे खो नाहमॱआङ कोम्‍ज्‍ये म़ेह च्‍यिबेमाना ङाहगी तेर्केन्‍गी छ्यु खो नाहङला नाहम्‍माॱनाङ क्‍ये़दी तेहकेन्‍गी छ्यु क्‍येज्‍यु ओहङज्‍ये येह ओहले दिगी खोला था़ म़ेहबा मिहली ज़ाङबु तेर्च्‍ये येह।”

यूहन्‍ना 3:35

याहपगी राहङगी स़ेबुला चेवा जे नाङगे, ओहले ना थाम्‍ज्‍यीराङ मिहरोगी छ्या़ला ज़्‍या़ नाङदी येह।

१ यूहन्‍ना 2:25

ओहले मास्‍यीकागी ओहराङ ङ्याम्‍बु ज़्‍या़ नाङग्‍योकी ताहम्‍ज्‍यादी था़ म़ेहबा मिहली यिहम्‍बा।

१ पत्रुस 3:22

मिहरो स्‍यिहङगामला फेप नाङसीन ओहले स्‍यिहङगामकी स्‍याहप्‍च्‍यीया़, ओङ छ्य़ेगेया़ दाङ ओङज्‍याया़ला राहङगी ओङ चो़ला ज़्‍या़दी किन्‍ज्‍योकी योबा ङो़ले ज़्‍य़ू नाङदी येह।

हिब्रू 1:2

यिहॱनाङ ता़ह दि तिङस्‍यो ङ्यिहमाया़ला मिहरो राहङगी स़ेबु लाहमले ओहराङ ङ्याम्‍बु स्‍याहल सुङ नाङदी येह। स़ेबुलाॱराङ मिहरोकी रेबेॱराङ से़हया़दी ताहक्‍पु ओहङज्‍येला दाम नाङसीन, ओहले स़ेबु लाहमलेॱराङ मिहरोगी रेबेॱराङ से़हया़ छ्या़ च्‍य़ू नाङसीन।

मत्ती 11:27

ङाहगी किन्‍ज्‍यो याहपगी ङाहला थाम्‍ज्‍यीराङ से़हया़ चि क्‍याहप नाङदी येह। किन्‍ज्‍यो याहपगी मिहम्‍बा लेहमेन सुगीॱआङ स़ेबुला ङोह मे़हस्‍येएँ ओहले स़ेबुगी मिहम्‍बा लेहमेन सुगीॱआङ किन्‍ज्‍यो याहपला ङोह मे़हस्‍येएँ। यिहॱनाङ स़ेबुगी ङोहस्‍यी ताङ तेर नाङग्‍योया़गीदी किन्‍ज्‍यो याहपला ङोह स्‍य़ेएँ।

यहूदा 1:21

राहङला किन्‍ज्‍योगी चेवाला ज़्‍या़दोङ ओहले नाहमॱआङ मिहस्‍यीएँगी मिहली ज़ाङबु नाङगेन चो़वो येशू मास्‍यीकाकी थुज्‍यीला कू़हदे तेहतोङ।

१ यूहन्‍ना 1:2

ओ़ह मिहली ताहन्‍दा फेप नाङसीन, ओहले ङ्यिहगी थोङसीन, ङ्यिह दिगी पाङबु येहॱराङ येह। ताहन्‍दा ङ्यिह ख्‍याया़ला ओ़ह था़ म़ेहबा मिहलीगी तेहन्‍दाला स्‍येको येहबा। याहप ङ्याम्‍बु च्‍यी़राङ था़ म़ेहबा मिहली येहकें, ओहले ओ़ह मिहली ओहराङ साला फेप नाङसीन।

१ तिमोथी 1:16

दि तेहन्‍दागीॱराङ मिहरोगी ङाहला थुज्‍यी ज़ी़ नाङसीन। ओहले ङाह तिहक्‍च्‍येम्‍बाया़ नाहङला थाम्‍ज्‍यी म़ेदी छ्येस्‍यो यिहन्‍दीॱआङ ङाह लाहमले येशू मास्‍यीकाकी राहङगी था़ म़ेहबाकी ना़स्‍यीङ छ्यिम्‍बु तेन नाङज्‍येला ङाहला पे ज़्‍या़ नाङसीन। दि पे, तिङले येशूला यिह छ्य़ेदी था़ म़ेहबा मिहली ज़ाङबु ज्‍योर्केया़गी तेहन्‍दाला यिहम्‍बा।

फिलिप्‍पी 2:10

ओ़ह सोङबे स्‍यिहङगाम, जाम्‍बुलीङ दाङ जाम्‍बुलीङ म़ेदी चो़ला येहकेन थाम्‍ज्‍यी सेम्‍ज्‍येनया़गी येशूकी छेनला पी़मु च़ूज्‍ये येह।

एफिसी 1:20

दि ओङ लाहमलेॱराङ मिहरोगी मास्‍यीकाला टोहङग्‍योलेगी सोम्‍बो ज़्‍याङ च्‍य़ू नाङसीन ओहले स्‍यिहङगामला राहङगी योबा ङो़ले ज़्‍या़ नाङसीन।

१ कोरिन्‍थी 15:25

च्‍यिबेमाना मास्‍यीकागी राहङगी थाम्‍ज्‍यीराङ टाहया़ला राहङगी स्‍याहप चो़ला छ्यि-माहच्‍यु थु मिहरोगी ओङ छ्ये़ॱराङ कोहएँ।

रोमी 6:23

च्‍यिबेमाना तिहक्‍पागी ले़गादी स्‍यिवा यिहम्‍बा, यिहॱनाङ किन्‍ज्‍योगी आहन्‍डाराङ नाङग्‍यो काबाप मास्‍यीका येशू ओहराङ चो़वोला था़ म़ेहबागी मिहली ज़ाङबु यिहम्‍बा।

यूहन्‍ना 6:27

तोङदी डोएँगी खुराकी तेहन्‍दाला तुहक्‍पु माहबे, यिहॱनाङ था़ म़ेहबा मिहली ज़ाङबु तेर्केन खुराकी तेहन्‍दाला तुहक्‍पु पेहतोङ, ओ़ह ख्‍याया़ला मिहगी स़ेबुगी नाङज्‍ये येह। च्‍यिबेमाना किन्‍ज्‍यो याहपगी स़ेबु थो़ला राहङदी पार क्‍याहप नाङदी येह।”

मत्ती 25:46

ओहले खुङया़गीदी नाहम्‍स्‍यी किन्‍दुॱराङ ङ्य़ेहबा खुर कोहच्‍ये येह, यिहॱनाङ टाहङबु मिहया़गीदी नाहमॱआङ मिहस्‍यीएँगी मिहली ज़ाङबु ज्‍योर्च्‍ये येह।”