यूहन्‍ना 13:8 - ह्योल्‍मो

⁸ ओहले पत्रुसगी स्‍युहसीन, “राहङगी ङाहती काङबा नाहमॱआङ ठु नाङज्‍ये म़ेह।” ओहले येशूगी खोला सुङ नाङसीन, “ङाहगी ख्‍येगी काङबा मिहठुनानी, ख्‍ये ङाहती ओहङ मी़हखुएँ।”

यूहन्‍ना 13:8 Referans Kwoze

तीतस 3:5

ओहले किन्‍ज्‍योगी ओहराङला थार्पा नाङसीन। ओहराङगी ल़ेह या़हबु पेहक्‍यो सुङगोराङ दि ल़ेहमु काहल्‍ग्‍यो मिहम्‍बा यिहॱनाङ किन्‍ज्‍योगी ओहराङला निङज्‍यी जेती मिहरोगी ओहराङकी तिहक्‍पाया़ ठु-नाङसीन ओहले नाम्‍पार-ताहक्‍पा थु लाहमले ओहराङला मिहली साम्‍बा नाङसीन।

ल़ेह-पेन 22:16

ओ़ह सोङबे ता़ह च्‍यिबे कू़हदी तेहच्‍ये? ता़ह लाहङदोङ ओहले बप्‍तिस्‍मा लेहन्‍दोङ ओहले येशूगी छेन लेहन्‍दी राहङगी पेहक्‍योगी तिहक्‍पा ता़ह च्‍य़ूदोङ!’ म़ेदी हननियागी मासीन।

हिब्रू 10:22

ता़ह ओहराङ किन्‍ज्‍योकी कुम्‍देनला डोएँमु च्‍याहङज्‍यु सेम्‍बा थो़दी, सेम तिहङ यिहन्‍ज्‍युराङ यिह छ्य़ेदी ओहले थाक ताङदे किन्‍ज्‍योगी दिनला डो। च्‍यिबेमाना नावा चोक्‍पा लाहमले मिहरोगी ओहराङगी सेमला चाङमा ज़ो नाङदी येह ओहले छ्यु चाङमागी ओहराङगी ज़ुबुला ठु नाङदी येह।

एफिसी 5:26

च्‍यिबेमाना मास्‍यीकागी छेन्‍छोकला नाम्‍पार-ताहक्‍पा ज़ो नाङज्‍येला राहङगी सुङ लाहमले ओहले छ्युगी ठु नाङदी चाङमा ज़ो नाङसीन।

१ कोरिन्‍थी 6:11

ख्‍या नाहङला लाहला ओ़ह ल़ेहमुराङ येहकें, यिहॱनाङ ताहन्‍दा चो़वो येशू मास्‍यीका लाहमले ख्‍याया़ चाङमा दाङ नाम्‍पार-ताहक्‍पा काहल्‍सीन ओहले किन्‍ज्‍योकी थु लाहमले ख्‍याला च्‍यिॱआङ क्‍येन म़ेहबा सी़ह ख़ूसीन।

ज्‍याल्‍गा 7:14

ओहले ङाहगी खोला मासीन, “लाहसो, ङाहला क्‍यी़ह म़ेह लाह। ओ़हनी राहङगीराङ ङोह ख्‍येन नाङगे।” ओहले खोगी ङाहला मासीन, “खुङ तुहक्‍पु छ्यिम्‍बु ना़दे ओहङग्‍योगी मिहया़ यिहम्‍बा ओहले खुङगी राहङ-राहङगी काप्‍च्‍याया़ ल़ूह स्‍ये़बुकी ठा़गी ठी़दी कार्पु जे़दी येह।”

ज्‍याल्‍गा 1:5

ओहले यिह-छ्य़ेबु पाङबु दाङ टोहङग्‍योलेगी सोम्‍बो ज़्‍याङ नाङगेया़ला तोहङस्‍यो ज़्‍याङ नाङगे जाम्‍बुलीङकी क्‍याहल्‍बुया़गी क्‍याहल्‍बु, येशू मास्‍यीका लाहमलेॱआङ ख्‍याया़ला काटीन दाङ स्‍य़िहदे ओहङज्‍यु। ओहराङला चेवा जे नाङगे येशू मास्‍यीकागी मिहरो राहङगी ठा़ लाहमले ओहराङला तिहक्‍पालेगी खा फे़ नाङदी येह।

कलस्‍सी 2:23

दि पे-ठिमया़ लाहमले छ्य़े पेहकें, ङ्येम्‍ज्‍युङ पेहकें दाङ टुहबा क्‍याहप्‍ती तेहकेन मिहया़नी थोङदाङला ज्‍यिबुराङ ख्‍येम्‍बा-ताहक्‍पु ल़ेहमु थोङगे यिहॱनाङ राहङ ज़ुबुगी चोक्‍पा पेहताङया़ला ता़ला ज़्‍या़ज्‍येला दिगी च्‍यिॱआङ फेन मे़हथोएँ।

कलस्‍सी 2:18

ङ्यिहगी ज्‍याल्‍गा थोङसीन म़ेदी ङ्येम्‍ज्‍युङ पेहचेनज्‍यी तेन्‍दी स्‍यिहङगामकी स्‍याहप्‍च्‍यीला छ्येपा फुल्‍गेनया़ॱआङ येहबा। ओहले खुङया़गी ख्‍याया़ला दि ल़ेहमु यिहनॱराङ मिहम्‍बागी तामया़ स्‍येती गो़ कोर च्‍य़ूदी ख्‍यागी ज्‍योर कोहएँगी च्‍याहगा तोर मा़हच्‍यु। दि ल़ेहमु मिहया़ तिहक्‍पागी सेम थो़दी तेहन्‍दाॱराङ म़ेहबाकी तामया़ला छ्य़ेन्‍दो तेन्‍दी तेहकें।

यूहन्‍ना 3:5

येशूगी ल़ेहन क्‍याहप नाङसीन, “तेहम्‍बाराङ ङाह ख्‍येला माएँ, छ्यु दाङ थु लाहमले माहक्‍ये थु सुज्‍यीॱआङ किन्‍ज्‍योगी क्‍याहल्‍सीला स्‍य़ूह ख़ूज्‍ये म़ेह।

मत्ती 26:33

ओहजेला पत्रुसगी येशूला, “थाम्‍ज्‍यीगी राहङला क्‍युर ज़्‍या़दी प्रे़हॱनाङ ङाह राहङला नाहमाॱआङ क्‍युर ज़्‍या़ज्‍ये म़ेह!” म़ेदी स्‍युहसीन।

मत्ती 21:29

ओहले पुहगी, ‘ङाहनी मेहन्‍डो!’ म़ेदी मासीन। यिहॱनाङ तिङले खोगी सेम ग्‍युर्ती ल़ेहला काहल्‍सीन।

मत्ती 26:35

“ङाह राहङ ङ्याम्‍बु स्‍यि कोहॱनाङ ङाह राहङला नाहमॱआङ ङोह मे़हस्‍येएँ म़ेदी माज्‍ये म़ेह!” म़ेदी पत्रुसगी ल़ेहन क्‍याहप्‍सीन। ओहले लेहमेन स्‍याहप्‍च्‍यीया़गीॱआङ ओ़ह ल़ेहमुराङ मासीन।

मत्ती 16:22

दि थे़दी पत्रुसगी येशूला ग्‍या़ च्‍यी़ला ख्‍येर्ती मासीन, “किन्‍ज्‍योगी दि ल़ेहमु डो च्‍य़ू माहनाङच्‍यु। चो़वो छ्येवा! दि ल़ेहमुनी राहङला नाहमॱआङ माहयोहङज्‍यु।”

यूहन्‍ना 13:6

ओहले येशूगी सिमोन-पत्रुसकी काङबा ठुज्‍ये जेकेमु, पत्रुसगी स्‍युहसीन, “चो़वो ला़ह, राहङगी ङाहती काङबा ठुज्‍ये जे नाङग्‍यो?”

यूहन्‍ना 13:9

ओहले सिमोन-पत्रुसगी येशूला स्‍युहसीन, “ओ़ चो़वो, ङाहती काङबा च्‍यी़राङ मिहम्‍बा, यिहॱनाङ ङाहती लाहक्‍पा दाङ गो़ॱआङ ठु नाङदोङ।”