यूहन्‍ना 13:5 - ह्योल्‍मो

⁵ ओ़ह तिङले येशूगी निक्‍यी च्‍यी़ला छ्यु पे़दी राहङगी स्‍याहप्‍च्‍यीया़गी काङबा ठु नाङगेराङ क्‍येपाला टिल्‍ग्‍यो रुमालगी फी़ नाङसीन।

यूहन्‍ना 13:5 Referans Kwoze

लूका 7:44

ओहले पी़हमी ङो़ले ज़ी़दी सिमोनला सुङ नाङसीन, “दि पी़हमीला त़ेदोङ ले। ङाह ख्‍येगी खाङबाला ओहङसीन, ख्‍येगी ङाहला काङबा ठुएँगी छ्यु माहतेर, दि पी़हमीगीनी ङाहगी काङबा राहङगी मिज्‍युगी ठी़दी राहङगी टागी फी़सीन।

१ तिमोथी 5:10

ओहले मोहगी या़हबु ल़ेहया़ पेहक्‍यो ओहङ कोहकें, पुह पोहमोया़ला या़हबु पेहती चारा पेहक्‍यो ओहङ कोहकें, टोहम्‍बोया़ला ता़हनाङ-ताहम्‍जी पेहक्‍यो ओहङ कोहकें, किन्‍ज्‍योला यिह छ्य़ेक्‍यो नाम्‍पार-ताहक्‍पा मिहया़ती काङबा ठी़ तेरक्‍यो ओहङ कोहकें, तुहक्‍पुला छ्यिक्‍यो मिहया़ला रो़हराम पेहक्‍यो ओहङ कोहकें ओहले दि ल़ेहमुराङ ल़ेह या़हबुया़ माहङबुॱराङ पेहक्‍यो ओहङ कोहकें।

ज्‍याल्‍गा 7:14

ओहले ङाहगी खोला मासीन, “लाहसो, ङाहला क्‍यी़ह म़ेह लाह। ओ़हनी राहङगीराङ ङोह ख्‍येन नाङगे।” ओहले खोगी ङाहला मासीन, “खुङ तुहक्‍पु छ्यिम्‍बु ना़दे ओहङग्‍योगी मिहया़ यिहम्‍बा ओहले खुङगी राहङ-राहङगी काप्‍च्‍याया़ ल़ूह स्‍ये़बुकी ठा़गी ठी़दी कार्पु जे़दी येह।”

हिब्रू 10:22

ता़ह ओहराङ किन्‍ज्‍योकी कुम्‍देनला डोएँमु च्‍याहङज्‍यु सेम्‍बा थो़दी, सेम तिहङ यिहन्‍ज्‍युराङ यिह छ्य़ेदी ओहले थाक ताङदे किन्‍ज्‍योगी दिनला डो। च्‍यिबेमाना नावा चोक्‍पा लाहमले मिहरोगी ओहराङगी सेमला चाङमा ज़ो नाङदी येह ओहले छ्यु चाङमागी ओहराङगी ज़ुबुला ठु नाङदी येह।

एफिसी 5:26

च्‍यिबेमाना मास्‍यीकागी छेन्‍छोकला नाम्‍पार-ताहक्‍पा ज़ो नाङज्‍येला राहङगी सुङ लाहमले ओहले छ्युगी ठु नाङदी चाङमा ज़ो नाङसीन।

१ कोरिन्‍थी 6:11

ख्‍या नाहङला लाहला ओ़ह ल़ेहमुराङ येहकें, यिहॱनाङ ताहन्‍दा चो़वो येशू मास्‍यीका लाहमले ख्‍याया़ चाङमा दाङ नाम्‍पार-ताहक्‍पा काहल्‍सीन ओहले किन्‍ज्‍योकी थु लाहमले ख्‍याला च्‍यिॱआङ क्‍येन म़ेहबा सी़ह ख़ूसीन।

ल़ेह-पेन 22:16

ओ़ह सोङबे ता़ह च्‍यिबे कू़हदी तेहच्‍ये? ता़ह लाहङदोङ ओहले बप्‍तिस्‍मा लेहन्‍दोङ ओहले येशूगी छेन लेहन्‍दी राहङगी पेहक्‍योगी तिहक्‍पा ता़ह च्‍य़ूदोङ!’ म़ेदी हननियागी मासीन।

१ यूहन्‍ना 5:6

येशू मास्‍यीका छ्यु दाङ ठा़ लाहमले फेप नाङसीन, मिहरो छ्यु लाहमले च्‍यी़राङ मिहम्‍बा, ठा़ लाहमलेॱआङ फेप नाङसीन। दि तेहन्‍दाम यिहन सुङदी नाम्‍पार-ताहक्‍पा थुगी पाङबु नाङगे, च्‍यिबेमाना नाम्‍पार-ताहक्‍पा थु तेहम्‍बा-तेहन्‍सुम यिहन।

१ यूहन्‍ना 1:7

यिहॱनाङ मिहरो येहसेरला ज़्‍य़ू नाङग्‍यो ल़ेहमुराङ का़हलेॱआङ ओहराङॱआङ येहसेरला डोलु-तेहलु पेहसीनमाना, च्‍यी़गी च्‍यी़ ङ्याम्‍बु ओहराङगी छोक्‍पा ओहङगे ओहले मिहरोगी स़ेबु येशूकी ठा़गी ओहराङगी थाम्‍ज्‍यीराङ तिहक्‍पाया़ला चाङमा ज़ो नाङगे।

यूहन्‍ना 19:34

यिहॱनाङ माक्‍मी च्‍यी़गी येशूकी ची़मा चो़ला दुङगी चो़सीन, ओहले चो़लुङ म़ेहबा ठा़ दाङ छ्यु थेन्‍सीन।

लूका 7:38

ओहले मोह क्‍याहपले ओहङदी येशूगी स्‍याहप पोहला लाहङदी ङी़हदी तेहसीन, आहन्‍डा पेहती ङी़हदी तेहकेमु मोहगी मिज्‍यु माहङबु स्‍योर्ती येशूगी स्‍याहपला लेप्‍सीन, ओहले मोहगी येशूगी स्‍याहपला राहङगी टागी फी़ तेर्ती येशूगी स्‍याहपला च्‍युक पेहती टिहमा स्‍यिहम्‍बु खाएँगी नुम पे़दी स्‍याहपला टुहल्‍सीन।

ज्‍याल्‍गा 1:5

ओहले यिह-छ्य़ेबु पाङबु दाङ टोहङग्‍योलेगी सोम्‍बो ज़्‍याङ नाङगेया़ला तोहङस्‍यो ज़्‍याङ नाङगे जाम्‍बुलीङकी क्‍याहल्‍बुया़गी क्‍याहल्‍बु, येशू मास्‍यीका लाहमलेॱआङ ख्‍याया़ला काटीन दाङ स्‍य़िहदे ओहङज्‍यु। ओहराङला चेवा जे नाङगे येशू मास्‍यीकागी मिहरो राहङगी ठा़ लाहमले ओहराङला तिहक्‍पालेगी खा फे़ नाङदी येह।

यूहन्‍ना 13:10

ओहले येशूगी सुङ नाङसीन, “ठी़ क्‍याहप सिहन्‍ग्‍योगी मिहला काङबा म़ेदी लेहमेन च्‍यिॱआङ ठु मेहकोहएँ, ओ़ह थाम्‍ज्‍यीराङ चाङमा काहल सिहन्‍दी येह। ओहले ख्‍याया़ चाङमा काहल सिहन्‍दी येह, यिहॱनाङ थाम्‍ज्‍यीनी मिहम्‍बा।”

यूहन्‍ना 13:8

ओहले पत्रुसगी स्‍युहसीन, “राहङगी ङाहती काङबा नाहमॱआङ ठु नाङज्‍ये म़ेह।” ओहले येशूगी खोला सुङ नाङसीन, “ङाहगी ख्‍येगी काङबा मिहठुनानी, ख्‍ये ङाहती ओहङ मी़हखुएँ।”

यूहन्‍ना 13:6

ओहले येशूगी सिमोन-पत्रुसकी काङबा ठुज्‍ये जेकेमु, पत्रुसगी स्‍युहसीन, “चो़वो ला़ह, राहङगी ङाहती काङबा ठुज्‍ये जे नाङग्‍यो?”