यूहन्‍ना 13:3 - ह्योल्‍मो

³ याहपगी थाम्‍ज्‍यीराङ से़हया़ मिहरोगी छ्या़ला नाङदी येह, ओहले मिहरो किन्‍ज्‍यो लाहमलेॱराङ फेप नाङग्‍यो यिहम्‍बा, ओहले किन्‍ज्‍यो सालाराङ फेप नाङगेराङ येह माएँ स्‍याहल येशूला थुयी़ येहकें।

यूहन्‍ना 13:3 Referans Kwoze

यूहन्‍ना 3:35

याहपगी राहङगी स़ेबुला चेवा जे नाङगे, ओहले ना थाम्‍ज्‍यीराङ मिहरोगी छ्या़ला ज़्‍या़ नाङदी येह।

मत्ती 11:27

ङाहगी किन्‍ज्‍यो याहपगी ङाहला थाम्‍ज्‍यीराङ से़हया़ चि क्‍याहप नाङदी येह। किन्‍ज्‍यो याहपगी मिहम्‍बा लेहमेन सुगीॱआङ स़ेबुला ङोह मे़हस्‍येएँ ओहले स़ेबुगी मिहम्‍बा लेहमेन सुगीॱआङ किन्‍ज्‍यो याहपला ङोह मे़हस्‍येएँ। यिहॱनाङ स़ेबुगी ङोहस्‍यी ताङ तेर नाङग्‍योया़गीदी किन्‍ज्‍यो याहपला ङोह स्‍य़ेएँ।

हिब्रू 1:2

यिहॱनाङ ता़ह दि तिङस्‍यो ङ्यिहमाया़ला मिहरो राहङगी स़ेबु लाहमले ओहराङ ङ्याम्‍बु स्‍याहल सुङ नाङदी येह। स़ेबुलाॱराङ मिहरोकी रेबेॱराङ से़हया़दी ताहक्‍पु ओहङज्‍येला दाम नाङसीन, ओहले स़ेबु लाहमलेॱराङ मिहरोगी रेबेॱराङ से़हया़ छ्या़ च्‍य़ू नाङसीन।

यूहन्‍ना 17:2

च्‍यिबेमाना राहङगी खोला मिह थाम्‍ज्‍यी थो़ला ओङ नाङदी येह, ओ़ह लाहमले याहपगी नाङग्‍यो थाम्‍ज्‍यीलाराङ खोगी था़ म़ेहबा मिहली ज़ाङबु तेर्च्‍यु।

यूहन्‍ना 8:42

येशूगी खुङया़ला सुङ नाङसीन, “तेहम्‍बाराङ, ख्‍यागी याहप किन्‍ज्‍यो यिहन्‍गे यिहनानी ख्‍याया़गी ङाहला चेवा पेहच्‍ये येहकें, च्‍यिबेमाना ङाह किन्‍ज्‍यो लाहमले थेन्‍दी ओहङसीन ओहले ङाह ताहन्‍दा देला येहबा। ङाहला ओहङज्‍ये सेम क़ेदी ङाह ओहङग्‍यो मिहन, यिहॱनाङ याहपगी ङाहला ताङ नाङसीन।

मत्ती 28:18

ओहजेला येशू खुङया़ पोहला फेप्‍ती सुङ नाङसीन, “त़ेदोङ, स्‍यिहङगाम दाङ जाम्‍बुलीङगी थाम्‍ज्‍यीराङ ओङ ङाहला नाङदी येह।

१ कोरिन्‍थी 15:27

च्‍यिबेमाना छ्य़ेगी दि ल़ेहमु सुङ नाङगे, “किन्‍ज्‍योगी थाम्‍ज्‍यीराङ से़हया़ला मास्‍यीकागी स्‍याहप चो़ला ज़्‍या़ नाङदी येहबा।” दि माक्‍योगी तेहन्‍दादी किन्‍ज्‍योॱआङ मास्‍यीकागी ओङ चो़ला ओहङगे म़ेदी माक्‍योती मिहम्‍बा, यिहॱनाङ किन्‍ज्‍योगीॱराङ ना थाम्‍ज्‍यीराङ से़हया़ला मास्‍यीकाकी ओङ चो़ला ज़्‍या़ नाङज्‍ये येह म़ेदी माक्‍यो यिहम्‍बा।

ल़ेह-पेन 2:36

“ओ़ह सुङगोराङ इस्राएलगी मिह थाम्‍ज्‍यीगी दि ताम ङोह स्‍य़े कोहकें– ख्‍या फे़बेया़गी क्‍याहङस्‍यीङला च्‍याङदी सेक्‍योगी येशूलाॱराङ किन्‍ज्‍योगी चो़वो दाङ थार्पा नाङगेन मास्‍यीका ङ्यिकाराङ ज़ो नाङसीन।”

यूहन्‍ना 13:1

थार्पा छ्येपा लेप्‍कें म़ेदी तोहङले दि जाम्‍बुलीङला क्‍युर ज़्‍या़दी याहप्‍च्‍येन आबासाला फेप नाङगे मिहरोगी ती़हजी लेप सिहन्‍सीन माएँ स्‍याहल येशूला थुयी़ येहकें। ओहले जाम्‍बुलीङला येहकेन्‍गी राहङगी मिहया़ला चेवा जे-नाङदी मिहरोगी खुङया़ला तिङस्‍यो ती़हजी थुराङ चेवा जे नाङसीन।

यूहन्‍ना 7:33

येशूगी सुङ नाङसीन, “तोहरोङॱआङ ङ्यिहमा तोबा थु ङाह ख्‍या ङ्याम्‍बुराङ तेहच्‍ये येह, ओ़ह तिङले ङाहला ताङ नाङगे याहप साला ङाह लो़हदी डोज्‍ये येह।

यूहन्‍ना 7:29

यिहॱनाङ ङाहगी मिहरोला ङोह स्‍य़ेएँ, च्‍यिबेमाना ङाह मिहरो लाहमले ओहङग्‍यो यिहम्‍बा, ओहले मिहरोगीॱराङ ङाहला ताङ नाङग्‍यो यिहम्‍बा।”

यूहन्‍ना 3:13

स्‍यिहङगामलेगी फेप नाङगे मिहगी स़ेबु च्‍यी़ मिहम्‍बानी लेहमेन सुज्‍यीॱआङ स्‍यिहङगामला काहल्‍दी म़ेह।

यूहन्‍ना 1:18

किन्‍ज्‍योला सुगीॱआङ नाहमॱआङ थोङदी म़ेह, यिहॱनाङ किन्‍ज्‍यो याहप ङ्याम्‍बु ज़्‍य़ू नाङगेन च्‍यिमे च्‍यी़राङ स़ेबु किन्‍ज्‍योगी मिहरोला तेन नाङदी येह।

लूका 10:22

“ङाहती याहपगी ङाहला थाम्‍ज्‍यीराङ चि क्‍याहप नाङदी येह। स़ेबु सु यिहम्‍बा म़ेदी याहपगी मिहम्‍बा, लेहमेन सुगीॱआङ ङोह मे़हस्‍येएँ। ओ़ह ल़ेहमुराङ, स़ेबु दाङ खोगी तेन्‍ग्‍योकी मिहया़गी च्‍यी़राङ याहपला ङोह स्‍य़ेएँ लेहमेन सुगीॱआङ याहपला ङोह मे़हस्‍येएँ” म़ेदी येशूगी सुङ नाङसीन।

यूहन्‍ना 8:14

येशूगी सुङ नाङसीन, “ङाह राहङगी तेहन्‍दाला पाङबु तेरॱनाङ ङाहगी माक्‍योकी ताम तेहम्‍बा यिहन च्‍यिबे मासीमाना ङाह का़हले ओहङग्‍यो यिहम्‍बा ओहले का़हला डोॱराङ येहबा ओ़हदी ङाहला क्‍यी़ह येह। यिहॱनाङ ख्‍याया़ला ङाह का़हले ओहङग्‍यो यिहम्‍बा ओहले का़हला डोॱराङ येहबा माएँ ताम क्‍यी़ह म़ेह।