यूहन्‍ना 13:10 - ह्योल्‍मो

¹⁰ ओहले येशूगी सुङ नाङसीन, “ठी़ क्‍याहप सिहन्‍ग्‍योगी मिहला काङबा म़ेदी लेहमेन च्‍यिॱआङ ठु मेहकोहएँ, ओ़ह थाम्‍ज्‍यीराङ चाङमा काहल सिहन्‍दी येह। ओहले ख्‍याया़ चाङमा काहल सिहन्‍दी येह, यिहॱनाङ थाम्‍ज्‍यीनी मिहम्‍बा।”

यूहन्‍ना 13:10 Referans Kwoze

यूहन्‍ना 15:3

ङाहगी माक्‍यो तामगी पेहती ख्‍या चाङमा काहल सिहन्‍दी येह।

२ कोरिन्‍थी 5:17

ओ़ह सोङबे का़हन्‍दीगी मास्‍यीकाला यिह-छ्य़े पेहकेन खो ता़ह मिह साम्‍बा काहल्‍सीन। ता़ह निङबा से़हया़ टाहल्‍दे काहल्‍सीन, त़ेदोङ ता़ह थाम्‍ज्‍यीराङ से़हया़ साम्‍बा काहल्‍दी येहबा।

२ कोरिन्‍थी 7:1

ओ़ह सोङबे ए ङाहगी च्‍याहम्‍बु रो़हया़, ओहराङ ङ्याम्‍बु दि ल़ेहमु ताहम्‍ज्‍याया़ येहकें सोङबे ज़ुबु दाङ यिहला मेहचाङा ज़ोएँगी यिहन्‍जे मिहन्‍जे से़हया़ ङो़ले ओहराङ था़-रिहङबुराङ तेहती राहङगी राहङला चाङमा ज़ो कोहएँ, ओहले किन्‍ज्‍योगी ज्‍यिक्‍पा खुर्ती ओहराङ नाम्‍पार-ताहक्‍पाकी लाहमला स्‍युह कोहएँ।

२ कोरिन्‍थी 5:21

मास्‍यीकाला तिहक्‍पाराङ म़ेहबा येहकें, यिहॱनाङ किन्‍ज्‍योगी मास्‍यीका लाहमले ओहराङला मिहरो दिनला ठाबे सी़ह ख़ूज्‍यु म़ेदी मास्‍यीका थो़ला ओहराङगी तिहक्‍पाया़ ज़्‍या़ नाङसीन।

याकूब 3:2

च्‍यिबेमाना ओहराङ थाम्‍ज्‍यीगी जोल्‍गे। का़हन्‍दी मिहगी ताम माएँमु मेहजोल्‍गे खो तेहम्‍बाराङ याहङ-ताहक्‍पा मिह यिहम्‍बा। ओ़ह ल़ेहमु मिहगीराङ राहङ ज़ुबुला टिहला ज़्‍या़ ख़ूएँ।

हिब्रू 9:10

ओ़हनी माज्‍येराङ माना साहएँ, थुङगे दाङ चाङमा डोज्‍येगी तेहन्‍दाला यिहन्‍ज्‍येॱराङ ठी़ क्‍याहप्‍केन्‍गी ठिमया़ च्‍यी़राङ यिहन। किन्‍ज्‍यो लाहमले ठिम साम्‍बा च्‍यी़ माहयोहङ थु ओ़हदी ज़ुबुगी तेहन्‍दाला ज़ोक्‍योगी पे-ठिम च्‍यी़राङ यिहम्‍बा।

१ थेसलोनिकी 5:23

स्‍य़िहदेकी किन्‍ज्‍यो राहङगीराङ ख्‍या फ़ेबे-म़ेहमेया़ला सेम तिहङ यिहन्‍ज्‍युराङ चाङमा ज़ो नाङज्‍यु, ओहले ख्‍या फे़बे मे़हमेया़की थाम्‍ज्‍यी सेम, सो दाङ ली़ह ओहराङकी चो़वो येशू मास्‍यीका फेप नाङगे ङ्यिहमा थु च्‍यिॱआङ क्‍येन म़ेहबा पेहती ज़्‍या़ नाङज्‍यु।

मत्ती 6:12

ङ्यिहगी पेहक्‍यो तिहक्‍पाया़ स्‍या़बा नाङदोङ, ओ़हठी पेहतीराङ ङ्यिहगीॱआङ ङ्यिहला टाह पेहकेनया़ला स्‍या़बा तेर्ती येह।

यूहन्‍ना 13:9

ओहले सिमोन-पत्रुसगी येशूला स्‍युहसीन, “ओ़ चो़वो, ङाहती काङबा च्‍यी़राङ मिहम्‍बा, यिहॱनाङ ङाहती लाहक्‍पा दाङ गो़ॱआङ ठु नाङदोङ।”

यूहन्‍ना 13:18

ङाहगी ख्‍या थाम्‍ज्‍यीगी तेहन्‍दाला माक्‍यो मिहम्‍बा, ङाहगी दाम्‍ग्‍योया़ला ङाह ङोह स्‍य़ेएँ। यिहॱनाङ सुङरापगी स्‍याहल तेहन्‍दा डुप च्‍य़ू म़ेदीराङ दि काहल्‍ग्‍यो यिहम्‍बा, ‘ङाह ङ्याम्‍बु खुरा साहएँ मिहराङ ङाहती टा़ह काहल्‍सीन’।