यूहन्‍ना 12:10 - ह्योल्‍मो

¹⁰ ओ़ह सोङबे पूजाहारी छ्यिम्‍बुया़गी लाजरसॱलाङ सेच्‍ये म़ेदी टे़ह क्‍याहप्‍सीन।

यूहन्‍ना 12:10 Referans Kwoze

लूका 16:31

यिहॱनाङ अब्राहामगी ल़ेहन क्‍याहप्‍ती सुङ नाङसीन, ‘मोशा दाङ लुहङतेम्‍बाया़गी ताम मिह-ङ्यिहन्‍गेया़गी स्‍यिक्‍यो मिहराङ सोम्‍बो लो़हदी डोनाॱआङ यिह-छ्य़े पेहच्‍ये म़ेह’।”

मत्ती 2:16

ओहले नामयी ताएँ मिहया़गी खोला चिहन क्‍याहप्‍क्‍योगी ताम हेरोदगी क्‍यी़ह ज्‍योर्सीन ओहले खो स्‍यिहताङगी मी़राङ माहथोङ। ओहले खोगी बेथलेहेम दाङ ओ़ह साहर-सुहरकी युहलया़ला येहकेन्‍गी लोह ङ्यी़ दाङ ओ़ह यिहन्‍ज्‍यु माहर-तेपकी पुह-पेहजा रेबेलाॱराङ से च्‍य़ूसीन च्‍यिबेमाना हेरोदगी कार्मा थोङग्‍योकी ती़हजी नाहम यिहम्‍बा म़ेदी नामयी ताएँ मिहया़ ङो़ले क्‍यी़ह ज्‍योर्ती येहकें।

यूहन्‍ना 11:57

पूजाहारी छ्यिम्‍बु दाङ फरिसीया़गीदी येशूला ज़ुङज्‍ये म़ेदी “खोला सुज्‍यीगी थोङसीमाना ङ्यिहला लेहङगु ख्‍येर-स्‍यो” म़ेदी का़ तेरक्‍यो तेहकें।

मत्ती 12:14

ओहले फरिसीया़ छो़खाङ नाहङलेगी फिला थेन्‍दी काहल्‍सीन ओहले येशूला काहन्‍डुमु पेहती सेच्‍ये म़ेदी टे़ह क्‍याहप्‍सीन।

यूहन्‍ना 12:9

येशू बेथानिया युहलला ज़्‍य़ू नाङदी येह माएँ ताम क्‍यी़ह ज्‍योर फान्‍ज्‍यो यहूदी मिहया़ माहङबुराङ ता ओहङसीन। खुङ येशूला ताज्‍येला च्‍यी़राङ मिहम्‍बा, यिहॱनाङ येशूगी स्‍यिक्‍योले सोम्‍बो लो़ह च्‍य़ू नाङग्‍योकी लाजरसॱलाङ ताज्‍ये म़ेदी ओहङसीन।

यूहन्‍ना 12:11

च्‍यिबेमाना लाजरस सोम्‍बो काहल्‍ग्‍यो सोङगोराङ यहूदीया़ नाहङगी माहङबुराङ मिहया़ खा फ़ेदी येशूला यिह छ्य़ेज्‍ये छ़ूक्‍यो येहकें।