यूहन्‍ना 12:1 - ह्योल्‍मो

¹ थार्पा छ्येपा लेप्‍कें म़ेदी ङ्यिहमा ट़ूह तोहङले येशू बेथानिया युहलला फेप नाङसीन। ओ़ह युहलला लाजरस तेहको येहकें, खोला येशूगी स्‍यिदीलेॱआङ सोम्‍बो लो़ह च्‍य़ू नाङग्‍यो येहकें।

यूहन्‍ना 12:1 Referans Kwoze

लूका 24:50

ओ़ह तिङला येशूगी खुङया़ला बेथानिया थु नोम फेप्‍सीन, ओहले राहङगी लाहक्‍पा क्‍या़दी खुङया़ला मेलाम क्‍याहप्‍नाङसीन।

यूहन्‍ना 12:20

थार्पा छ्येपाला छ्येपा फुल्‍ज्‍ये म़ेदी डोएँ मिहया़ नाहङला लाहला ग्रीक क्‍यिहपागी मिहया़ॱआङ येहकें।

यूहन्‍ना 11:55

यहूदीया़की थार्पा छ्येपा लेप्‍च्‍ये पेहती येहकें। ओ़ह सोङबे युहल युहलगी मिहया़ माहङबुराङ राहङ-राहङला चाङमा ज़ोज्‍ये म़ेदी थार्पा छ्येपा छ़ूगे म़ेदी तोहङलेराङ यरूशलेमला काहल्‍सीन।

यूहन्‍ना 11:1

बेथानिया युहलला लाजरस मिहन थो़क्‍योगी मिह च्‍यी़ नेहपा काहल्‍दी येहकें। ओ़ह युहलला खोगी आज्‍यी मरियम दाङ मार्थाॱआङ तेहको येहकें।

मत्ती 21:17

ओहले येशू खुङया़ला क्‍युर ज़्‍या़दी क्‍याहसाले थेन्‍दी बेथानिया माएँ युहलला फेप नाङसीन ओहले नुहङमु ओ़हलाराङ ज़्‍य़ू नाङसीन।

यूहन्‍ना 11:44

ओ़हजेलाराङ ओ़ह स्‍यिक्‍योगी लाजरस फिला थेन्‍दी ओहङसीन। खोगी लाहक्‍पा काङबा रे़हगी टिल्‍दी येहकें ओहले तोहङबाॱआङ रे़हगी तुम्‍दी येहकें। ओहले येशूगी मिहया़ला सुङ नाङसीन, “रे़हया़ स्‍यी़दी खोला डो च्‍य़ूदोङ।”

मर्कूस 11:11

दि ल़ेहमु जेती खुङ फ़ेबेॱया यरूशलेमला लेप नाङ फान्‍ज्‍यो येशू छ्योखाङ नाहङला स्‍य़ूह नाङसीन। ओहले येशूगी छ्योखाङगी कोर-क्‍यिहलेॱराङ ज़ी़ नाङसीन। यिहॱनाङ ज्‍यिबुराङ यिहन थो़ सिहन्‍ग्‍यो सोङबे राहङगी स्‍याहप्‍च्‍यीया़ला ख्‍येर्ती बेथानिया माएँ युहलला फेप नाङसीन।

लूका 7:37

ओ़ह क्‍याहसाला तिहक्‍च्‍येम्‍बा पी़हमी च्‍यी़ येहकें, ओहले येशू फरिसी सिमोनगी खाङबाला सोल छ्येच्‍येला फेप दु माएँ थ़े फान्‍ज्‍यो मोह ज़ाप्‍केन्‍गी स्‍येल्‍बुङ काहङग्‍या टिहमा स्‍यिहम्‍बु खाएँगी नुम ख्‍योङदी सिमोनगी खाङबाला ओहङसीन।

यूहन्‍ना 11:43

दे़ज्‍ये सुङ छर फान्‍ज्‍यो येशूगी सुङ-क़े छ्यिम्‍बुच्‍यी तेन्‍दी लाजरसला क़े क्‍याहप नाङसीन, “ए लाजरस, फिला थेन्‍दी स्‍यो।”

यूहन्‍ना 12:9

येशू बेथानिया युहलला ज़्‍य़ू नाङदी येह माएँ ताम क्‍यी़ह ज्‍योर फान्‍ज्‍यो यहूदी मिहया़ माहङबुराङ ता ओहङसीन। खुङ येशूला ताज्‍येला च्‍यी़राङ मिहम्‍बा, यिहॱनाङ येशूगी स्‍यिक्‍योले सोम्‍बो लो़ह च्‍य़ू नाङग्‍योकी लाजरसॱलाङ ताज्‍ये म़ेदी ओहङसीन।

यूहन्‍ना 12:12

नाहङबार च्‍युङ थार्पा छ्येपाला ओहङग्‍यो मिह मिह-माहङया़गी, येशू यरूशलेमला फेप्‍केराङ येह म़ेदी थ़ेसीन।