यूहन्‍ना 11:44 - ह्योल्‍मो

⁴⁴ ओ़हजेलाराङ ओ़ह स्‍यिक्‍योगी लाजरस फिला थेन्‍दी ओहङसीन। खोगी लाहक्‍पा काङबा रे़हगी टिल्‍दी येहकें ओहले तोहङबाॱआङ रे़हगी तुम्‍दी येहकें। ओहले येशूगी मिहया़ला सुङ नाङसीन, “रे़हया़ स्‍यी़दी खोला डो च्‍य़ूदोङ।”

यूहन्‍ना 11:44 Referans Kwoze

यूहन्‍ना 5:25

तेहम्‍बाराङ ङाह ख्‍याला माएँ, ओ़ह ती़हजी ओहङगेॱराङ येह, ओहले ओ़ह ती़हजीदी ताहन्‍दाॱराङ यिहन, दि ती़हजीला स्‍यिक्‍यो मिहया़गी किन्‍ज्‍योकी स़ेबुगी सुङ-क़े थे़ज्‍ये येह ओहले ङ्यिहन्‍गेया़ थार्च्‍ये येह।

यूहन्‍ना 20:7

ओहले येशूगी उला ताहम्‍ग्‍योगी नाहम्‍सादी रे़ह ङ्याम्‍बु म़ेहबा येहकें, यिहॱनाङ ओ़हदी लेहमेनॱराङ ग्‍या़ च्‍यी़ला लाप्‍ती ज़्‍या़क्‍यो येहकें।

फिलिप्‍पी 3:21

मास्‍यीकागी ओङ लाहमले थाम्‍ज्‍यीराङ से़हया़ला राहङती ओङ चो़ला नोम फेप नाङज्‍ये येह ओहले ओ़ह ओङ लाहमलेॱराङ ओहराङदी दि स्‍यिदी डोएँ ज़ुबुला मिहरोदी ल़ेहमुराङ ज़िज्‍यिद-च्‍येन ज़ो नाङज्‍ये येह।

यूहन्‍ना 10:30

याहप दाङ ङाह च्‍यी़राङ यिहन।”

यूहन्‍ना 5:21

च्‍यिबेमाना काह-ठि जेती याहपगी स्‍यिक्‍योया़ला सोम्‍बो लो़ह च्‍य़ू नाङगे ओहले खुङया़ला मिहली नाङगे, ओ़हठीॱराङ पेहती स़ेबुगीॱआङ का़हन्‍दीला थु ङ्ये़गे ओ़हदीला मिहली नाङगे।

लूका 7:15

ओहले ओहजे ती़हजीलाराङ ओ़ह स्‍यिक्‍यो पुह-पेहजा लाहङदी तेहसीन ओहले ताम माज्‍ये छ़ूसीन। ओहले येशूगी ओ़ह पेहजा आमादीला चि क्‍याहप नाङसीन।

ज्‍याल्‍गा 1:18

ओहले सोम्‍बो येहकेन्‍दीॱआङ ङाहराङ यिहन। ङाह स्‍यिक्‍यो येहकें, यिहॱनाङ ता़ह त़ेदोङ, ङाह नाहम्‍स्‍यी किन्‍दुॱराङ सोम्‍बो काहल्‍दी येह, स्‍यिवा दाङ साप्‍स्‍यी तिहङकी दिमीया़ ङाह ङ्याम्‍बु येहबा।

यूहन्‍ना 19:40

दि ल़ेहमु पेहती खुङ ङ्यी़गी यहूदीया़की पे-ठिम ङो़ले येशूकी कुबुरला टिहमा स्‍यिहम्‍बु खाएँगी नुम टुहल्‍दी रे़हगी टिल्‍दी फुक्‍पाला तो़हसीन।

मर्कूस 5:43

ओहले येशूगी खुङला, “दि केच्‍या सुॱलाङ स्‍येॱराङ माहस्‍ये!” सुङदी का नाङसीन। ओहले, “दि नुहमुला च्‍यिरा़ साहज्‍ये स़ेह तेर्तोङ” म़ेदी सुङ नाङसीन।

यूहन्‍ना 20:5

ओहले खोगी कुहर पेहती नाहङला ताएँमुनी येशूकी कुबुरला टिल्‍ग्‍योकी रे़ह च्‍यी़राङ थोङसीन। यिहॱनाङ खो फुक्‍पा नाहङलाती मा़हस्‍युह।

यूहन्‍ना 11:39

ओहले येशूगी सुङ नाङसीन, “ओ़ह तोहला फार फुल्‍दोङ।” ओहले लाजरसकी आज्‍यी मार्थागी स्‍युहसीन, “चो़वो, खोला फुक्‍पाला ज़्‍या़क्‍यो तिहरीङनी ङ्यिहमा ज़्‍यि काहल सिहन्‍सीन, ता़हनी टिहमा खा सिहन येहटो।”

लूका 19:20

ओहले लेहमेन योक्‍पु च्‍यी़ ओहङदी मासीन, ‘ने़बु ला़ह, राहङगी नाङग्‍यो सेर-टाङ ङाहगी कप्‍च्‍या च्‍यी़ला तुम्‍दी ज़्‍या़क्‍यो येह, ओ़ह देलाराङ येह।

यूहन्‍ना 11:43

दे़ज्‍ये सुङ छर फान्‍ज्‍यो येशूगी सुङ-क़े छ्यिम्‍बुच्‍यी तेन्‍दी लाजरसला क़े क्‍याहप नाङसीन, “ए लाजरस, फिला थेन्‍दी स्‍यो।”