यूहन्‍ना 11:41 - ह्योल्‍मो

⁴¹ ओहले खुङया़गी फुक्‍पागी कोह खा फ़ेसीन। ओहले येशूगी स्‍यिहङगाम ङो़ले ज़ी़दी सुङ नाङसीन, “ओ़ याहप, ङ्यिह राहङला थुज्‍यी-छ्ये़ फुल्‍गे, च्‍यिबेमाना ङाहगी ओहर-छ्य़े स्‍युहक्‍यो राहङगी सेन नाङसीन।

यूहन्‍ना 11:41 Referans Kwoze

मत्ती 11:25

ओहजेला येशूगी सुङ नाङसीन, “ओ़ किन्‍ज्‍यो याहप स्‍यिहङगाम दाङ जाम्‍बुलीङगी ताहक्‍पु, ङाहगी राहङला थुज्‍यी-छ्ये़ फुल्‍गे च्‍यिबेमाना रिहक्‍स्‍यी छ्यिम्‍बु दाङ टिहम्‍बु मिहया़ ङो़ले पे़हदी ज़्‍या़ नाङग्‍योकी स्‍याहल राहङगी च्‍यिॱआङ मे़हस्‍येएँगी मिहया़ला ङोह स्‍य़े च्‍य़ू नाङसीन।

यूहन्‍ना 17:1

दि स्‍याहल सुङ छार फान्‍ज्‍यो येशूगी स्‍यिहङगाम ङो़ले ज़ी़दी सुङ नाङसीन, “ओ़ याहप, ता़ह ती़हजी लेप सिहन्‍दी येह। राहङगी स़ेबुगी याहपदी ज़िज्‍यिद तेन ख़ूज्‍यु म़ेदी खोला ज़िज्‍यिद नाङदोङ।

लूका 10:21

ओहजेला येशू नाम्‍पार-ताहक्‍पा थुगी काहङदे काहसो जेकेॱराङ सुङ नाङसीन, “ओ़ याहप, स्‍यिहङगाम दाङ जाम्‍बुलीङगी चो़वो छ्येवा, ङाह राहङला थुज्‍यी-छ्ये़ फुल्‍गे, च्‍यिबेमाना राहङगी दि केच्‍या रिहक्‍स्‍यी छ्यिम्‍बु दाङ मिह टिहम्‍बुया़ ङो़ले पे़हदी पेहजाया़ला ङोह स्‍य़े च्‍य़ू नाङसीन। च्‍यिबेमाना याहप, राहङला दि ल़ेहमु जेच्‍ये सुङदी थुला ठुङसीन।”

फिलिप्‍पी 4:6

च्‍यि से़हगी तेहन्‍दालाॱआङ तुहङाल माहबे, यिहॱनाङ ख्‍याला च्‍यि कोहपु काहल्‍दी येहबा ओ़हगी तेहन्‍दाला किन्‍ज्‍यो ङ्याम्‍बु सोल्‍वाङ ताप्‍तोङ ओहले थुज्‍यी-छ्ये़ फुल्‍दी ओहर-छ्य़े स्‍यी़हदोङ।

लूका 18:13

“ओहले ठाल तुहएँ मिहगीदी क्‍याहङलेराङ लाहङदी स्‍यिहङगाम ङो़ले ता मा़हखुबा पेहती राहङगी प्राहङगो तुहङदी किन्‍ज्‍योला दि ल़ेहमु म़ेदी सोल्‍वाङ ताप्‍सीन, ‘ओ़ किन्‍ज्‍यो, ङाह तिहक्‍च्‍येम्‍बा यिहन, ङाहला थुज्‍यी ज़ी़-नाङदोङ!’

मत्ती 11:26

यिहम्‍बा किन्‍ज्‍यो याहप, च्‍यिबेमाना राहङला दि ल़ेहमुराङ जे नाङज्‍येला राहङगी थुला ठुङसीन।

मत्ती 27:60

ओहले ओ़ह कुबुरला ताहन्‍दा च्‍यी़राङ तोह-पा़रा फ्रिदी ज़ोक्‍योगी राहङदीराङ साम्‍बा फुक्‍पाला तो़हसीन ओहले तोह छ्यिम्‍बु च्‍यी़ लो़री क्‍याहप्‍ती फुक्‍पागी कोह का़ ज़्‍या़दी खो ओहलेगी थेन्‍दी काहल्‍सीन।

मर्कूस 15:46

ओहले योसेफगी रे़ह कार्पु च्‍यी़ ङ्ये़ह ख्‍योङदी येशूगी कुबुरला क्‍याहङस्‍यीङले माहर पाप्‍ती ओ़ह रे़ह कार्पुगी टिल्‍दी च्‍यार्काला फुक्‍पा क्‍ये़दी ज़्‍या़क्‍योगी ग्‍या़ला ज़्‍या़सीन। ओ़ह तिङले तोह छ्यिम्‍बुच्‍यी ख्‍योङदी फुक्‍पागी कोहला का़ ज़्‍या़सीन।

लूका 24:2

येशूगी कुबुर तो़ह ज़्‍या़क्‍योगी फुक्‍पाला लेप्‍ते ताएँमु फुक्‍पाला का़ ज़्‍या़क्‍योगी तोह खा फे़क्‍यो थोङसीन।

यूहन्‍ना 11:22

यिहॱनाङ ताहन्‍दाॱआङ राहङगी किन्‍ज्‍यो ङ्याम्‍बु च्‍यि लाङ सुङगे, ओ़ह किन्‍ज्‍योगी राहङला नाङज्‍ये येह म़ेदी ङाहला क्‍यी़ह येहबा।”

यूहन्‍ना 20:1

ज़ा-ङ्यिहमा क्‍या र्‍हाबा-र्‍हिबेलाॱराङ मरियम मग्‍दलिनी येशूगी कुबुर तो़ह ज़्‍या़क्‍योगी फुक्‍पाला काहल्‍सीन। फुक्‍पाला लेप्‍केमुनी फुक्‍पागी कोहला क्‍याहप्‍क्‍योगी तोह खा फे़क्‍यो थोङसीन।

ल़ेह-पेन 7:55

यिहॱनाङ स्‍तिफनास नाम्‍पार-ताहक्‍पा थुगी काहङदे स्‍यिहङगाम ङो़ले त़ेदी तेहसीन। ओहजेला स्‍तिफनासगी किन्‍ज्‍योगी ज़िज्‍यिद दाङ येशूला किन्‍ज्‍योगी योबा ङो़ले ज़्‍याङदी ज़्‍य़ूक्‍यो थोङसीन।