यूहन्‍ना 11:13 - ह्योल्‍मो

¹³ येशूगी सुङ नाङग्‍यो स्‍याहलकी तेहन्‍दादी “ता़ह लाजरस स्‍यि सिहन्‍सीन” म़ेदी सुङ नाङग्‍यो यिहन्‍गे, यिहॱनाङ स्‍याहप्‍च्‍यीया़गीदी लाजरस तेहम्‍बाराङ ङ्यि लो़हक्‍यो च्‍यी़राङ यिहन्‍डो म़ेदी ने़क्‍यो येहकें।

यूहन्‍ना 11:13 Referans Kwoze

मत्ती 9:24

येशूगी खुङया़ला सुङ नाङसीन, “ख्‍याया़ फिला सोङ, च्‍यिबेमाना दि पोहमो स्‍यी़दी म़ेह, ङ्यि च्‍यी़राङ लो़हक्‍यो यिहन।” येशूगी स्‍याहल थे़दी खुङया़ क़ेहमु क्‍याहप्‍सीन।

लूका 8:52

ओहले नाहङला येहकेन्‍गी मिहया़ ङी़हदी ङुहप्रा तिहङरा पेहती तेहक्‍यो येहकें। ओहले येशूगी खुङया़ला “ख्‍या माहङुह, दि पोहमो मा़हस्‍यी येह, ङ्यिज्‍यीराङ लो़हक्‍यो यिहम्‍बा” म़ेदी सुङ नाङसीन।

यूहन्‍ना 11:11

ओ़ह तिङले येशूगी खुङया़ला सुङ नाङसीन, “ओहराङगी रो़ह लाजरस ङ्यि लो़हदे येह, ता़ह ङाह खोला ङ्यी़-छे च्‍य़ूज्‍येला ओ़हला डोएँ।”

यूहन्‍ना 11:12

ओहले स्‍याहप्‍च्‍यीया़गी येशूला स्‍युहसीन, “चो़वो, खो ङ्यि लो़हक्‍यो यिहनानी टा़हज्‍ये येह।”

यूहन्‍ना 11:14

ओ़ह सोङबे येशूगी थेका सिरे सुङ नाङसीन, “लाजरस स्‍यि सिहन्‍दी येह।