यूहन्‍ना 10:5 - ह्योल्‍मो

⁵ ताहक्‍पुगी मिहम्‍बा, लेहमेन मिहगी क़े क्‍याहप्‍सीमानानी ल़ूहया़ खोगी तिङ ङ्यादी मेहन्‍डोएँ ग्‍यिले, तोहरोङ खोगी क़े ङोह मा़हस्‍येबा सोङबे खुङ तोहरोङ छ्योङगे।” म़ेदी येशूगी सुङ नाङसीन।

यूहन्‍ना 10:5 Referans Kwoze

ज्‍याल्‍गा 2:2

ख्‍येगी कादुप च्‍येती पेहक्‍योगी ल़ेह ओहले ख्‍येगी ना़स्‍यीङ छ्यिम्‍बु पेहक्‍योदी ङाहला क्‍यी़ह येह। ख्‍येगी मिह ङ्येहम्‍बाया़ला ना़ मी़हखुएँ म़ेदीॱआङ ङाहला क्‍यी़ह येह। ओहले ल़ेह-पेन यिहना मिहम्‍बाला ङाह ल़ेह-पेन यिहम्‍बा म़ेदी माएँया़ला ख्‍येगी या़हबु ङ्याहम च्‍येती खुङया़ स्‍योप्‍क्‍येरे यिहन म़ेदी तेन्‍ग्‍योकी केच्‍याॱआङ ङाहला क्‍यी़ह येह।

मर्कूस 4:24

ओहले येशूगी खुङया़ला दि ल़ेहमुॱआङ सुङ नाङसीन, “ख्‍यागी थे़क्‍यो तामला या़हबु ङ्यिहन्‍दी ज़्‍यो़! ख्‍यागी का़हन्‍दी पादीगी मिहया़ला ताहप्‍ती तेर्के, ओ़ह पादीगीॱराङ ख्‍याॱलाङ ताहप्‍ती तेर्च्‍ये येह। ओ़ह म़ेदीॱआङ माहङबु पा़हदी तेर्च्‍ये येह।

१ यूहन्‍ना 2:21

ख्‍यागी तेहन्‍दामगी स्‍याहलला ङोह मा़हस्‍येबा सोङबे ङाहगी दि ताम प्रुहक्‍यो मिहम्‍बा, यिहॱनाङ ख्‍यागी तेहन्‍दामकी स्‍याहलला ङोह स्‍ये़उ दु म़ेदीराङ प्रुहक्‍यो यिहम्‍बा। तेहन्‍दामकी स्‍याहललेगी चिहन क्‍याहप्‍केन्‍गी तामया़ च्‍यिॱआङ मेहथेन्‍गे माएँ ताम ख्‍याया़ला क्‍यी़हराङ येह।

१ यूहन्‍ना 2:19

ओ़ह टाहया़ ओहराङ नाहङलेॱराङ थेन्‍दी काहल्‍सीन, च्‍यिबेमाना खुङ ओहराङदी मिहम्‍बा यिहन्‍गे। का़हलेॱआङ खुङया़ ओहराङदी यिहम्‍बा यिहनानी खुङ ओहराङ ङ्याम्‍बुराङ तेहच्‍ये येहकें। खुङ ओहराङदी मिहम्‍बा दु म़ेदी या़हबु पेहती क्‍यी़ह ज्‍योर्च्‍येला खुङया़गी ओहराङला क्‍युर ज़्‍या़दी काहल्‍सीन।

२ तिमोथी 4:3

च्‍यिबेमाना ता़ह मिहया़गी तेहन्‍दामकी लोप्‍च्‍युङ ङ्यिहन्‍ज्‍ये सेम म़ेह ऩेगेन्‍गी ती़हजी च्‍यी़ॱआङ ओहङगेॱराङ येहबा। ओ़ह ती़हजीला खुङ राहङला या़हबु ऩेगेन्‍गी से़हया़ च्‍यी़राङ ङ्यिहन्‍ज्‍ये सेम पेहच्‍ये येह ओहले राहङला या़हबु ऩेगेन्‍गी तामया़ स्‍येकेन्‍गी लोबेनया़लाॱराङ क़े क्‍याहप्‍च्‍ये येह।

लूका 8:18

ओ़ह सोङबे ख्‍या सेम माहयाहङबा पेहती ङ्यिहन्‍ग्‍योगी तामला या़हबु पेहती साम्‍लु ताङदोङ। च्‍यिबे मासीमाना सु ङ्याम्‍बु येहबा, ओ़हदीला माहङबुराङ तेर्च्‍ये येह, ओहले सु ङ्याम्‍बु म़ेहबा, खो ङ्याम्‍बु सिपाज्‍यी येहबा म़ेदी साम्‍लु ताङग्‍योदीॱआङ खोलेगी फ्रो़दी ख्‍येर्च्‍ये येह” म़ेदी येशूगी सुङ नाङसीन।

यूहन्‍ना 10:4

ओहले खोगी राहङगी ल़ूहया़ला फिला तेन सिहन फान्‍ज्‍यो खो ल़ूहया़गी तोहङदा-तोहङ डोएँ, ओहले ल़ूहया़गी खोला तिङ ङ्या़गे, च्‍यिबेमाना ल़ूहया़गी खोगी क़े ङोह स्‍य़ेगे।

यूहन्‍ना 10:16

ओहले ङाहती लेहमेन ल़ूहया़ॱआङ येहबा, खुङ दि कोहरेदी मिहन। खुङया़ॱलाङ ङाहगी ख्‍योङ कोहच्‍ये येह ओहले खुङया़गी ङाहगी क़े थे़ज्‍ये येह, ओहले ल़ूह थाम्‍ज्‍यी ल़ूह बा़ल च्‍यी़राङ ओहङज्‍ये येह। ओहले ङाह खुङया़गी च्‍यिमे च्‍यी़राङ कोहरोवा ओहङज्‍ये येह।