यूहन्‍ना 10:4 - ह्योल्‍मो

⁴ ओहले खोगी राहङगी ल़ूहया़ला फिला तेन सिहन फान्‍ज्‍यो खो ल़ूहया़गी तोहङदा-तोहङ डोएँ, ओहले ल़ूहया़गी खोला तिङ ङ्या़गे, च्‍यिबेमाना ल़ूहया़गी खोगी क़े ङोह स्‍य़ेगे।

यूहन्‍ना 10:4 Referans Kwoze

यूहन्‍ना 10:16

ओहले ङाहती लेहमेन ल़ूहया़ॱआङ येहबा, खुङ दि कोहरेदी मिहन। खुङया़ॱलाङ ङाहगी ख्‍योङ कोहच्‍ये येह ओहले खुङया़गी ङाहगी क़े थे़ज्‍ये येह, ओहले ल़ूह थाम्‍ज्‍यी ल़ूह बा़ल च्‍यी़राङ ओहङज्‍ये येह। ओहले ङाह खुङया़गी च्‍यिमे च्‍यी़राङ कोहरोवा ओहङज्‍ये येह।

यूहन्‍ना 12:26

ङाहला स्‍याहप्‍तो स्‍युहज्‍ये छोल्‍गेन्‍दी ङाहला तिङ ङ्या़ कोहएँ। ओहले ङाह का़हला येहबा, ओ़हला ङाहला स्‍याहप्‍तो स्‍युहएँया़ॱआङ ओहङज्‍ये येह। ङाहती याहपगी ङाहला स्‍याहप्‍तो स्‍युहएँया़ला चा़ जे नाङज्‍ये येह।”

यूहन्‍ना 18:37

ओहले पिलातसगी येशूला टी़हसीन, “च्‍यि ख्‍ये क्‍याहल्‍बुराङ यिहम्‍बा ले?” ओहले येशूगी ल़ेहन क्‍याहप नाङसीन, “ङाह क्‍याहल्‍बु यिहन म़ेदीनी राहङगीराङ सुङ नाङगु दु। ङाह दिगी तेहन्‍दालाराङ क्‍येक्‍यो यिहम्‍बा, ओहले दिगी तेहन्‍दालाराङ तेहन्‍दामकी पाङबु तेर्च्‍येला ङाह दि जाम्‍बुलीङला ओहङग्‍यो यिहम्‍बा। तेहन्‍दामला यिह छ्य़ेगे थाम्‍ज्‍यीगी ङाहती ताम ङ्यिहन्‍गे।”

१ पत्रुस 2:21

च्‍यिबेमाना दिगी तेहन्‍दालाराङ ख्‍याया़ला क़े क्‍याहप नाङग्‍यो यिहम्‍बा। मास्‍यीकागीॱआङ ख्‍याया़गी तेहन्‍दाला तुहक्‍पु खुर नाङसीन, ओहले ख्‍याया़गी तेहन्‍दाला पे च्‍यी़ तेन नाङसीन, ओ़ह सोङबे ख्‍याया़ मिहरोगी फेप-लाहमलाॱराङ डोएँ कोहएँ।

१ पत्रुस 5:3

ख्‍यागी जिम्‍माला येहकेनया़ थो़ला ओङ छ्य़ेगे मिहम्‍बा यिहॱनाङ ल़ेह या़हबु पेहती खुङया़गी दिनला पे या़हबु तेन्‍दोङ।

१ कोरिन्‍थी 11:1

ओ़ह सोङबे ङाहगी मास्‍यीकाती पे ताक्‍यो ल़ेहमुराङ ख्‍याया़गीॱआङ ङाहती पे त़ेदोङ।

यूहन्‍ना 10:8

ङाह म़ेदी तोहङले ओहङगेनया़ थाम्‍ज्‍यीराङ कुमेन दाङ च्‍याहक्‍पा यिहन्‍गे, यिहॱनाङ ल़ूहया़गी खुङया़गी ताम माहङ्यीहन।

मत्ती 16:24

ओ़ह तिङले येशूगी राहङगी स्‍याहप्‍च्‍यीया़ला सुङ नाङसीन, “त़ेदोङ, का़हन्‍दीॱआङ ङाहगी स्‍याहप्‍च्‍यी डोज्‍ये सेम क्‍य़ेना खोगी राहङलाराङ टेहम्‍बा च्‍य़ेह कोहएँ ओहले राहङगी क्‍याहङस्‍यीङ खुर्ती ङाहला ताहदा क्‍याहप्‍च्‍यु।

हिब्रू 12:2

ओहराङ यिह-छ्य़ेला छ़ू नाङगे दाङ छाङबु जे नाङगेन्‍गी येशूला ओहराङगी त़ेदी तेहतोङ। राहङ आब्रु डोएँगी तामला येशूगी च्‍यिॱआङ नाङदा जे माहनाङ यिहॱनाङ मिहरोगी तिहङला ओहङगेन्‍गी सेम काहसोगी तेहन्‍दाला क्‍याहङस्‍यीङगी तुहक्‍पु खुर नाङसीन, ओहले मिहरो किन्‍ज्‍योगी ज़्‍य़ू-ठिकी योबा ङो़ले ज़्‍य़ू नाङसीन।

हिब्रू 6:20

ओहराङगी तेहन्‍दाला येशू ओहराङ म़ेदी तोहङलेराङ ओ़ह ग्‍या़ला फेप्‍ती ज़्‍य़ू नाङदी येह। मल्‍कीसेदेक पूजाहारी ल़ेहमुराङ मिहरो नाहम-माना लिहकेन्‍गी गो-छ्येवा पूजाहारी काहल्‍दी येह।

एफिसी 5:1

ओ़ह सोङबे ख्‍याया़ किन्‍ज्‍योकी च्‍याहम्‍बु छार्क्‍यीनया़ यिहन्‍गे सोङबे मिहरोकी पे त़ेदी ओ़ह ल़ेहमुराङ पेहतोङ।

यूहन्‍ना 3:29

काहदी मिह ङ्याम्‍बु नामा साम्‍बा तेहकें ओ़हदीॱराङ माहक्‍पा साम्‍बा यिहम्‍बा। माहक्‍पा साम्‍बा पोहला लाहङदी तेहकें रो़ह माहक्‍पा साम्‍बागी क़े थे़दी क़ेहनाङ पेहकें। ओ़ह सोङबे ङाहती दि काहसो ता़ह छाङबु काहल्‍दी येह।

यूहन्‍ना 13:15

च्‍यिबेमाना ङाहगी ख्‍याया़ला पे च्‍यी़ तेन्‍सीन, ओहले ङाहगी ख्‍याया़गी तेहन्‍दाला काहन्‍डुमु पेहक्‍यो येहबा ओ़हठीॱराङ ख्‍याया़गीॱआङ पेहतोङ।

१ पत्रुस 4:1

काह-ठि जेती मास्‍यीकागी राहङगी कुसोला तुहक्‍पु खुर नाङबा, ओ़ह ल़ेहमुराङ पेहती ख्‍याया़गीॱआङ ओ़ह ल़ेहमुराङ छ्याप्‍स्‍यीगी सेम्‍बाया़ थो़दोङ, च्‍यिबेमाना का़हन्‍दीगी ज़ुबुला तुहक्‍पु खुर्के, खोगी तिहक्‍पा पेहच्‍ये क्‍युर सिहन्‍ग्‍यो ओहङगे।

यूहन्‍ना 10:3

कोह सुङगेन मिहगी खोला कोह खा फे़ तेर्कें ओहले ल़ूहया़गी राहङ ताहक्‍पुगी क़े ङोह स्‍य़ेएँ, ओहले ल़ूह-कोहरोवागी राहङ ल़ूहया़ला मिहन रे़ह-रे़ह तेन्‍दी क़े क्‍याहप्‍ती फिला ख्‍येर्ती डोएँ।

यूहन्‍ना 10:5

ताहक्‍पुगी मिहम्‍बा, लेहमेन मिहगी क़े क्‍याहप्‍सीमानानी ल़ूहया़ खोगी तिङ ङ्यादी मेहन्‍डोएँ ग्‍यिले, तोहरोङ खोगी क़े ङोह मा़हस्‍येबा सोङबे खुङ तोहरोङ छ्योङगे।” म़ेदी येशूगी सुङ नाङसीन।

यूहन्‍ना 10:27

ङाहती ल़ूहया़गी ङाहगी ताम ङ्यिहन्‍गे। ङाह खुङया़ला ङोह स्‍य़ेएँ ओहले खुङया़ ङाहती तिङदा तिङ ओहङगे।