यूहन्‍ना 10:3 - ह्योल्‍मो

³ कोह सुङगेन मिहगी खोला कोह खा फे़ तेर्कें ओहले ल़ूहया़गी राहङ ताहक्‍पुगी क़े ङोह स्‍य़ेएँ, ओहले ल़ूह-कोहरोवागी राहङ ल़ूहया़ला मिहन रे़ह-रे़ह तेन्‍दी क़े क्‍याहप्‍ती फिला ख्‍येर्ती डोएँ।

यूहन्‍ना 10:3 Referans Kwoze

२ तिमोथी 2:19

यिहॱनाङ, किन्‍ज्‍यो राहङगी तिङ नाङग्‍योकी मिहरोकी ब्राम नाहम-माना सान्‍दीॱराङ ओहङज्‍ये येह। ओ़ह ब्रामला दि ल़ेहमु सुङदी पार क्‍याहप नाङदी येह, “चो़वोगी राहङगी क्‍यिपाया़ला ङोह ख्‍येन नाङगे,” ओहले “चो़वोकी छेन लेहन्‍गेया़गी ना थाम्‍ज्‍यीगी ल़ेह चोक्‍पाया़ ङो़ले था़-रिहङबुराङ तेहच्‍यु।”

यूहन्‍ना 10:4

ओहले खोगी राहङगी ल़ूहया़ला फिला तेन सिहन फान्‍ज्‍यो खो ल़ूहया़गी तोहङदा-तोहङ डोएँ, ओहले ल़ूहया़गी खोला तिङ ङ्या़गे, च्‍यिबेमाना ल़ूहया़गी खोगी क़े ङोह स्‍य़ेगे।

यूहन्‍ना 10:16

ओहले ङाहती लेहमेन ल़ूहया़ॱआङ येहबा, खुङ दि कोहरेदी मिहन। खुङया़ॱलाङ ङाहगी ख्‍योङ कोहच्‍ये येह ओहले खुङया़गी ङाहगी क़े थे़ज्‍ये येह, ओहले ल़ूह थाम्‍ज्‍यी ल़ूह बा़ल च्‍यी़राङ ओहङज्‍ये येह। ओहले ङाह खुङया़गी च्‍यिमे च्‍यी़राङ कोहरोवा ओहङज्‍ये येह।

यूहन्‍ना 10:14

या़हबु कोहरोवा ङाहराङ यिहन। याहपकी ङाहला ओहले ङाहगी याहपला ङोह स्‍य़ेएँ ल़ेहमुराङ, ङाह राहङगी ल़ूहया़ला ङोह स्‍य़ेगे ओहले ल़ूहया़गीॱआङ ङाहला ङोह स्‍य़ेगे। ङाह ल़ूहया़की तेहन्‍दाला राहङ ज़ुबुराङ तेर्च्‍येला ठाबे येह।

ज्‍याल्‍गा 3:20

त़ेदोङ, ङाह कोहला लाहङदी कोह तुहङगेनॱराङ येह। सुज्‍यीगी ङाहगी क़े थे़दे कोह खा फे़ तेर्सीमाना ङाह नाहङला ओहङज्‍ये येह ओहले ङाह खो ङ्याम्‍बु डेन साहज्‍ये येह ओहले खोॱआङ ङाह ङ्याङबुराङ साहज्‍ये येह।

ज्‍याल्‍गा 7:17

च्‍यिबेमाना ज़्‍य़ू-ठिकी पाहरक्‍यीला ज़्‍य़ू नाङगेन ल़ूह स्‍ये़बु खुङया़गी कोहरोवा ओहङज्‍ये येह, ओहले खुङया़ला ठिती छ्यु क्‍येज्‍यु थु नोम फेप नाङज्‍ये येह ओहले किन्‍ज्‍योगी खुङगी मी़गी मिज्‍यु थाम्‍ज्‍यीराङ फी़ नाङज्‍ये येह।”

रोमी 8:30

सु सुला किन्‍ज्‍योगी तोहङलेराङ दाम नाङबा, खुङया़ला मिहरोगी क़ेॱआङ क्‍याहप नाङसीन, ओहले सु सुला मिहरोगी क़े क्‍याहप नाङबा, खुङया़ला मिहरोगी टाहङबुॱआङ सी़ह च्‍य़ू नाङसीन, ओहले सु सुला मिहरोगी टाहङबु सी़ह च्‍य़ू नाङबा, खुङया़ला मिहरोगी ज़िज्‍यिदॱआङ नाङसीन।

यूहन्‍ना 6:45

सुङरापला लुहङतेम्‍बाया़गी दि ल़ेहमु प्री़हदी येहबा, ‘किन्‍ज्‍योगीॱराङ खुङया़ला लोप नाङज्‍ये येह’। दि ल़ेहमु पेहती याहपगी सुङदेन ङ्यिहन्‍गे दाङ लोप्‍केया़ थाम्‍ज्‍यीराङ ङाहसाला ओहङज्‍ये येह।

यूहन्‍ना 6:37

याहपगी नाङगे थाम्‍ज्‍यी ङाहसाला ओहङज्‍ये येह, ओहले ङाहसाला ओहङगेनया़ला ङाहगी नाहमॱआङ लो़ ताङज्‍ये म़ेह।

ज्‍याल्‍गा 20:15

मिहलीगी छ्य़ेला मिहन मा़हप्रीहबा मिहया़ला ओ़ह मेहबुङगी छो नाहङला क्‍युर चाहङसीन।

कलस्‍सी 4:3

ङाहगी या़हबु लेहङगु स्‍येक्‍यो सोङबेॱराङ ङाह चोन-खाङला छ्यिक्‍यो यिहम्‍बा। ता़ह मास्‍यीकागी तिहङ-रिहङबुकी स्‍याहल स्‍येच्‍येला ओहले मिहरोकी या़हबु लेहङगु प्रा-साल्‍ज्‍येला किन्‍ज्‍योगी ङ्यिहला कोह च्‍यी़ खा फे़ नाङज्‍यु म़ेदी सोल्‍वाङ ताप तेर।

फिलिप्‍पी 4:3

ङाहगी यिह-छ्य़ेबु दाङ ङाह ङ्याम्‍बुराङ ल़ेह पेहकेन्‍की रो़ह, ख्‍येगी दि आज्‍यी ङ्यी़ला रो़हराम पेह तेर म़ेदी ङाह ख्‍येला ओहर-छ्य़े स्‍युहउ येह च्‍यिबेमाना खुङगी ङाहला ज्‍यिबुराङ रो़हदी पेहती येह ओहजे च्‍यी़राङ मिहम्‍बा या़हबु लेहङगु स्‍येकेन्‍गी ल़ेहला ङाह ङ्याम्‍बुराङ ल़ेह पेहकेन क्‍लेमेस दाङ ङाहती लेहमेन रो़हया़ ङ्याम्‍बुॱआङ कादुप च्‍येती ल़ेह पेहसीन, ओ़ह रो़हया़गी मिहन नाहमॱआङ मिहस्‍यीएँ मिहलीगी छ्य़ेला प्री़हदे येहबा।

१ पत्रुस 1:12

खुङया़ला दि केच्‍या ङोह स्‍य़े च्‍य़ूक्‍यो येहकें च्‍यिबेमाना खुङया़गी राहङगी तेहन्‍दाला मिहम्‍बा, यिहॱनाङ ख्‍याया़ला स्‍याहप्‍तो स्‍यी़ह-तेहक्‍यो येहकें। दि केच्‍या स्‍यिहङगामले माहर ताङ नाङग्‍योकी नाम्‍पार-ताहक्‍पा थु लाहमले ख्‍याया़ला स्‍येक्‍योगी या़हबु लेहङगुया़ प्रा साल्‍गेनया़गीॱराङ ताहन्‍दा ख्‍याया़ला स्‍येती येहबा। स्‍यिहङगामकी स्‍याहप्‍च्‍यीया़ॱआङ दि से़हया़ ताज्‍येला ज्‍यिबुराङ सेम पेहती येहबा।

१ कोरिन्‍थी 16:9

च्‍यिबेमाना ङाहगी चो़वोकी छ्या़ले पेहकेन्‍गी ज्‍यिबुराङ छ्यिम्‍बु लोहङ ज्‍योर्ती येहबा, ओहले ङ्यिहला टाह पेहकें मिहया़ॱआङ देला माहङबुराङ येहबा।

यूहन्‍ना 10:9

कोह ङाहराङ यिहम्‍बा, का़हलेॱआङ सुज्‍यी ङाह लाहमले पेहती नाहङला स्‍य़ूहसीन माना खोला थार च्‍य़ूज्‍ये येह, ओहले खो फि-नाहङ ओहङगे-डोएँ पेहच्‍ये येह, ओहले खोगी पाङगाकी चाया़ काहजे मामा साह ङ्युहङज्‍ये येह।

१ यूहन्‍ना 4:6

यिहॱनाङ ओहराङनी किन्‍ज्‍योदी यिहम्‍बा ओहले का़हन्‍दीगी किन्‍ज्‍योला ङोह स्‍य़ेक्‍यो येहबा, खोगी ओहराङगी ताम ङ्यिहन्‍गे। का़हन्‍दी किन्‍ज्‍योदी मिहम्‍बा, खोगी ओहराङगी ताम मिहङ्यीहन्‍गे। दि ल़ेहमु पेहतीराङ ओहराङगी तेहन्‍दामकी थु दाङ चिहन क्‍याहप्‍केन्‍गी नाम्‍स्‍यी खा फे़ ख़ूएँ।

३ यूहन्‍ना 1:14

ता़ह ङाह ख्‍ये ङ्याम्‍बु ग्‍यो़बाराङ थू़दी ताम थाम्‍ज्‍यी माएँ म़ेदी रेहवा पेहको येहबा।