यूहन्ना 10:16 - ह्योल्मो16 ओहले ङाहती लेहमेन ल़ूहया़ॱआङ येहबा, खुङ दि कोहरेदी मिहन। खुङया़ॱलाङ ङाहगी ख्योङ कोहच्ये येह ओहले खुङया़गी ङाहगी क़े थे़ज्ये येह, ओहले ल़ूह थाम्ज्यी ल़ूह बा़ल च्यी़राङ ओहङज्ये येह। ओहले ङाह खुङया़गी च्यिमे च्यी़राङ कोहरोवा ओहङज्ये येह। Gade chapit la |
यूहन्ना 10:16
48 Referans Kwoze
चो़वोगी चेवा जे नाङग्योकी आदा-नो़ह दाङ आज्यी-नुहमुया़, राहङ फ़ेबे-म़ेहमेया़गी तेहन्दाला ङ्यिहगी नाहम माॱनाङ किन्ज्योला थुज्यी-छ्ये़ फुलॱराङ कोहएँ च्यिबेमाना तोहङ यिहन्ज्युराङ नाम्पार-ताहक्पा थुगी टाहङबु ज़ोएँगी ल़ेह लाहमले ओहले तेहन्दामकी स्याहल थो़ला तेहपा पेहती थार्च्येला किन्ज्योगी राहङ फ़ेबे-म़ेहमेया़ला दाम नाङसीन।
पत्रुसगी दि ल़ेहमु पेहती ताम म़ेदी तेहकेमु येहपा छ्या़क्योगी मुक्पा ओहङसीन ओहले मुक्पा थेन ओहङदी खुङ थो़ला टिहप्सा क्याहप्सीन, ओहले मुक्पा नाहङलेगी दि ल़ेहमु सुङ-क़े च्यी़ थ़ेसीन, “दि ङाहगी च्याहम्बु पेहक्योगी स़ेबु यिहन, खो ङ्याम्बु ङाह ज्यिबुराङ काहसो येह। खोगी माक्यो ख्याया़गी ङ्यिहन्दोङ।”
आदा-नो़ह दाङ आज्यी-नुहमुया़, ख्यागी तिहङ रिहङबु केच्या च्यी़ ङोह स्ये़ज्यु माएँ ङाहती सेम्बा येहबा। ओ़ह ख्याला क्यी़ह ज्योर्सीन माना ख्यागी राहङगी तेहन्दाला छ्य़ेन्दो तेन्ज्ये म़ेह। दि तिहङ रिहङबु केच्या दि ल़ेहमु येहबा, ओहङ कोहएँगी लेहमेन क्यिहपाकी मिहया़ मास्यीकाला माहयोहङ थु च्यी़राङ इस्राएलीया़गी यिह सान्दी ओहङज्ये येह।
Piblisite