यूहन्‍ना 10:1 - ह्योल्‍मो

¹ “तेहम्‍बाराङ ङाह ख्‍याया़ला माएँ, ल़ूह कोहरेकी कोहलेगी मा़हस्‍युहबा पेहती कोहरेकी तेङ थो़ले स्‍य़ूहगेन्‍दी कुमेन दाङ च्‍याहक्‍पा यिहम्‍बा।

यूहन्‍ना 10:1 Referans Kwoze

मत्ती 7:15

“चिहन क्‍याहप्‍के लुहङतेम्‍बाया़ ङ्याम्‍बु जेम्‍दे तेहतोङ। खुङ फि ङो़ले ल़ूह जे़दी ओहङगे, यिहॱनाङ नाहङलादी ज्‍यी़ज्‍ये ल़ेहमु फारा ल़ेहमु ओहङगे।

रोमी 16:18

च्‍यिबेमाना दि ल़ेहमु मिहया़गी मास्‍यीका ओहराङ चो़वोला स्‍याहप्‍तो मी़हस्‍युहएँ, यिहॱनाङ खुङ राहङदीराङ फोवाकी तेहन्‍दाला ल़ेह पेहकें। ओहले खुङया़गी ङ्येम्‍बु-ङ्येम्‍बु तामया़ म़ेदी ज्‍याप्‍ला तेन्‍दी मिह थेकाया़ला ठाग तीएँ।

१ यूहन्‍ना 4:1

ङाहगी च्‍याहम्‍बु रो़हया़, “ङाह ङ्याम्‍बु नाम्‍पार-ताहक्‍पा थु येह” माएँ मिह थाम्‍ज्‍यीला ख्‍यागी यिह मा़हछ्ये, यिहॱनाङ खुङ ङ्याम्‍बु किन्‍ज्‍योगी नाम्‍पार-ताहक्‍पा थु येहबानी म़ेहबा म़ेदी ङ्याहम च्‍येतोङ च्‍यिबेमाना चिहन क्‍याहप्‍केन्‍गी लुहङतेम्‍बाया़ माहङबुराङ दि जाम्‍बुलीङला थेन सिहन्‍दी येह।

हिब्रू 5:4

सुज्‍यीगीॱआङ राहङगी राहङला गो-छ्येवा पूजाहारी ज़ो मी़हखुएँ, यिहॱनाङ हारूनला ल़ेहमु खोलाॱआङ किन्‍ज्‍योगी क़े क्‍याहप नाङगे।

२ पत्रुस 2:3

ह्‍अम्‍बाला छ्यिती खुङया़गी माहताक्‍पाकी तामया़ जे़दी ख्‍या लाहमले खेप्‍साङ लेहन्‍ज्‍ये येह। खुङया़ला ङ्य़ेहबा काल्‍गेन्‍गी ताम तोहङलेराङ आप्‍ता च्‍ये सिहन्‍दी येह, ओ़ह सोङबे खुङया़ला ङ्य़ेहबा नाङगेन्‍गी किन्‍ज्‍यो ज़िम माहनाङबा जेती ज़्‍याङदीॱराङ ज़्‍य़ू नाङदी येह।

२ पत्रुस 2:1

ताहङबो इस्राएली मिहया़की पाहरक्‍यीला चिहन क्‍याहप्‍केन्‍गी लुहङतेम्‍बाया़ येहकें ल़ेहमुराङ, ताहन्‍दा ख्‍याया़गी पाहरक्‍यीलाॱआङ चिहन क्‍याहप्‍ती लुहङ तेर्केन्‍गी लोबेनया़ थेन्‍दी ओहङज्‍ये येह। खुङया़गी नाहङदा नाहङ क्‍यी़हराङ माहन्‍ज्‍योर्पा पेहती तोङदी डो च्‍य़ूगेन्‍गी ची़हमा लुहङया़ ख्‍योङज्‍ये येह, ओहले खुङया़गी थार्पा नाङगेन्‍गी चो़वोलाॱआङ मा-लोक पेहच्‍ये येह। दि ल़ेहमु पेहती खुङ याहङमे-याहङ तोङदी डोज्‍ये येह।

१ पत्रुस 1:10

ख्‍यागी ज्‍योरक्‍योकी दि थार्पाकी तेहन्‍दाला ङोह स्‍य़ेज्‍येला लुहङतेम्‍बाया़गीॱआङ ज्‍यिबुराङ निङरु पेहती छोल्‍सीन। ओहले ओ़ह लुहङतेम्‍बाया़गीॱराङ किन्‍ज्‍योगी ख्‍याला नाङज्‍ये जेक्‍यो काटीनकी तेहन्‍दाला तोहङलेराङ ङे़स्‍यी स्‍य़ेदी सुङ नाङग्‍यो येहकें।

रोमी 10:15

स्‍येकेन्‍गी मिह माहताङबा पेहतीनी काह-ठि पेहती स्‍येच्‍ये ले? छ्य़ेगी दि ल़ेहमु सुङ नाङगे, “या़हबु लेहङगु स्‍य़ेकेया़की काङबा काहजे या़हबु!”

यूहन्‍ना 3:3

ओहले येशूगी खोला सुङ नाङसीन, “तेहम्‍बाराङ ङाह ख्‍येला माएँ, साम्‍बा पेहती माहक्‍ये थु सुज्‍यीगीॱआङ किन्‍ज्‍योगी क्‍याहल्‍सी थोङ मी़हखुएँ।”

तीतस 1:11

खुङगी खाला खास्‍यो माहक्‍याहप्‍पा मेहयोहङगे, च्‍यिबे मासीमाना खुङया़गीनी लोप्‍च्‍येराङ मे़हयोहङगेन्‍गी तामया़ लोप्‍ती खाङबा मे़हमेया़ थाम्‍ज्‍यीला ठू़ च्‍य़ूदी येह। टाङगा ज़ो़ज्‍येगी तेहन्‍दाला च्‍यी़राङ खुङया़गी दि ल़ेहमु पेहक्‍यो यिहम्‍बा।

यूहन्‍ना 10:7

ओ़ह सोङबे येशूगी खुङया़ला येहपाराङ सुङ नाङसीन, “तेहम्‍बाराङ, ङाह ख्‍याया़ला माएँ, ल़ूहया़गी कोह ङाहराङ यिहम्‍बा।