यूहन्‍ना 1:30 - ह्योल्‍मो

³⁰ मिहरोगी तेहन्‍दालाराङ ङाहगी माक्‍यो येहकें, ‘ङाह तिङले मेहन्‍दा च्‍यी़ फेप नाङगेराङ येहबा, मिहरो ङाह म़ेदी चा़ छ्यिम्‍बु येहबा च्‍यिबेमाना मिहरो ङाह क्‍येएँ म़ेदी तोहङ यिहन्‍ज्‍युराङ ज़्‍य़ू नाङदी येहकें।’

यूहन्‍ना 1:30 Referans Kwoze

यूहन्‍ना 1:27

ङाह तिङले फेप नाङगेन्‍दी मिह-रो़हराङ यिहम्‍बा। ओहले ङाह मिहरोगी स्‍याहप्‍चेनगी थाक्‍पा स्‍यी़ज्‍येॱआङ सी़हज्‍ये म़ेह।”

यूहन्‍ना 1:15

यूहन्‍नागी मिहरोगी तेहन्‍दाला मिहया़ला प्रा साल्‍गेनॱराङ क़े छ्यिम्‍बु तेन्‍दी मासीन, “ङाह म़ेदी तिङले फेप नाङगेन्‍दी ङाह म़ेदी चा़ छ्यिम्‍बु ज़्‍य़ू नाङदी येह, च्‍यिबेमाना मिहरो ङाह क्‍येएँ म़ेदी तोहङ यिहन्‍ज्‍युराङ ज़्‍य़ू नाङदी येहकें। ‘ङाहगी माक्‍योकी दि तामया़ मिहरोगी तेहन्‍दालाराङ यिहम्‍बा’।”

लूका 3:16

ओहले यूहन्‍नागी थाम्‍ज्‍यीलाराङ मासीन, “ङाहगीनी ख्‍याला छ्युगी बप्‍तिस्‍मा तेर्को येह। ङाह म़ेदी वाङज्‍या छ्यिम्‍बु येहकेन्‍गी मेहन्‍दा च्‍यी़ फेप नाङगेराङ येहबा। ङाहनी मिहरोगी स्‍याहप्‍चेनगी थाक्‍पा स्‍युज्‍ये च्‍यिॱआङ सी़हज्‍ये म़ेह। मिहरोगीनी ख्‍याया़ला नाम्‍पार-ताहक्‍पा थु दाङ मेहगी बप्‍तिस्‍मा नाङज्‍ये येह। त़ेदोङ, डु टाप्‍च्‍येला मिहरोगी छ्या़ला लोमा नोम्‍दी येह।

मत्ती 3:11

तेहम्‍बाराङ, ख्‍याया़ राहङ-राहङगी सेमगी स्‍या़बा पेहती ता़ह तिहक्‍पा पाङज्‍येला ठाबे काहल्‍ग्‍यो यिहन म़ेदी तेन्‍ज्‍येला ङाह ख्‍याया़ला छ्युगी बप्‍तिस्‍मा तेर्को येह, यिहॱनाङ ङाह म़ेदी तिङले फेप नाङगेन्‍दीगी ख्‍याया़ला नाम्‍पार-ताहक्‍पा थु दाङ मेहगी बप्‍तिस्‍मा नाङज्‍ये येह। मिहरोनी ङाह म़ेदी ज्‍यिबुराङ ओङ छ्यिम्‍बु येहबा। ङाहनी मिहरोगी स्‍याहप्‍चेन थो़ज्‍येलाॱआङ सी़हज्‍ये म़ेह।

यूहन्‍ना 1:31

ङाह राहङगीॱआङ मिहरो मास्‍यीका यिहम्‍बा म़ेदी ङोह स्‍य़ेदी म़ेहबा येहकें, यिहॱनाङ मिहरोला इस्राएली मिहया़की पाहरक्‍यीला ङोहस्‍यी ताङज्‍येलाॱराङ ङाहगी बप्‍तिस्‍मा तेर्ते ओहङग्‍यो यिहम्‍बा।”

यूहन्‍ना 10:41

ओहले मिह माहङबुराङ येशूसाला ओहङसीन। ओहले खुङया़गी मासीन, “यूहन्‍नागीनी च्‍यिॱआङ ओङ छ्यिम्‍बुकी छ्या़लेया़ जे माहनाङ, यिहॱनाङ, खोगी येशूगी तेहन्‍दाला सुङ नाङग्‍योकी स्‍याहलया़ थाम्‍ज्‍यीराङ तेहन्‍दा डुप्‍सीन।”