यूहन्‍ना 1:3 - ह्योल्‍मो

³ सुङ लाहमलेॱराङ किन्‍ज्‍योगी ना थाम्‍ज्‍यी छ्या़ च्‍य़ू नाङसीन। छ्या़ नाङग्‍योकी ना थाम्‍ज्‍यी मिहरोगी जेते मिहम्‍बा लेहमेन च्‍यि लाहमलेॱआङ माह-छ्या़।

यूहन्‍ना 1:3 Referans Kwoze

१ कोरिन्‍थी 8:6

यिहॱनाङ ओहराङगी तेहन्‍दालानी किन्‍ज्‍यो याहप च्‍यी़राङ ज़्‍य़ू नाङदी येहबा। मिहरोगीॱराङ थाम्‍ज्‍यीराङ से़हया़ ज़ो नाङसीन। ङ्यिह किन्‍ज्‍योगी तेहन्‍दालाराङ थार्के। ङ्यिहती च्‍यिमे च्‍यी़राङ चो़वो येशू मास्‍यीका ज़्‍य़ू नाङदी येहबा। मिहरो लाहमलेॱराङ थाम्‍ज्‍यी से़हया़ छ्या़सीन। मिहरो लाहमलेॱराङ ङ्यिह थार्के यिहम्‍बा।

ज्‍याल्‍गा 4:11

“ए ओहराङगी चो़वो दाङ किन्‍ज्‍यो, राहङ ज़िज्‍यिद, ची़नाङ दाङ ओङ नोम्‍ज्‍ये सी़हगेन्‍दी ज़्‍य़ू नाङदी येहबा च्‍यिबेमाना ना थाम्‍ज्‍यी राहङगीराङ छ्या़ च्‍य़ू नाङग्‍यो यिहम्‍बा, ओहले राहङगी थुला ठुङग्‍यो ल़ेहमुराङ ओ़हदी ओहङसीन ओहले ओ़ह से़हया़ छ्या़सीन।”

यूहन्‍ना 1:10

मिहरो जाम्‍बुलीङला ज़्‍य़ू नाङदी येहकें, जाम्‍बुलीङ मिहरो लाहमलेॱराङ छ्या़सीन, यिहॱनाङ जाम्‍बुलीङगी मिहरोला ङोह मा़हस्‍ये।

एफिसी 3:9

ना थाम्‍ज्‍यी से़हया़ छ्या़ च्‍य़ू नाङगे किन्‍ज्‍योगी काल्‍बा-काल्‍बा यिहन्‍ज्‍यु साङदे ज़्‍या़ नाङग्‍योकी तिहङ-रिहङबुकी केच्‍याया़ च्‍यि यिहम्‍बा, ओ़ह मिह थाम्‍ज्‍यीला प्रा साल्‍गेन्‍गी काटीन ङाहला नाङसीन।

यूहन्‍ना 1:2

मिहरो जाम्‍बुलीङ छ्या़गे म़ेदी तोहङ यिहन्‍ज्‍युराङ किन्‍ज्‍यो ङ्याम्‍बु ज़्‍य़ू नाङदी येहकें।

हिब्रू 11:3

तेहपा लाहमलेॱराङ ओहराङगी ह्‍अ कोह ख़ूएँ किन्‍ज्‍योगी सुङ लाहमले जाम्‍बुलीङ रेबेॱराङ छ्या़ च्‍य़ू नाङसीन ओहले मिहरोगीॱराङ थोङगेन से़हया़, मेहथोङगेन से़हया़ लाहमले छ्या़ च्‍य़ू नाङसीन।

१ यूहन्‍ना 5:1

येशूॱराङ मास्‍यीका यिहन म़ेदी यिह छ्य़ेगे थाम्‍ज्‍यी किन्‍ज्‍योगी छार्क्‍यीनया़ यिहम्‍बा। ओहले सुगी किन्‍ज्‍यो याहपला चेवा पेहकेन खोगी राहङगी छार्क्‍यीनॱलाङ चेवा पेहकें।

ज्‍याल्‍गा 3:14

“लाउडिकियाकी छेन्‍छोकला चारा पेहकेन स्‍यिहङगामकी स्‍याहप्‍च्‍यीला दि ताम प्री़हदोङ: ‘दि ताम आमेन, यिह-छ्य़ेबु दाङ तेहन्‍दामकी पाङबुगी दि ल़ेहमु सुङ नाङगु दु। किन्‍ज्‍योगी छ्या़ नाङग्‍योकी रेबेॱराङ से़हया़ थो़ला मिहरोगीॱराङ ओङ छ्ये नाङगे।