यूहन्‍ना 1:18 - ह्योल्‍मो

¹⁸ किन्‍ज्‍योला सुगीॱआङ नाहमॱआङ थोङदी म़ेह, यिहॱनाङ किन्‍ज्‍यो याहप ङ्याम्‍बु ज़्‍य़ू नाङगेन च्‍यिमे च्‍यी़राङ स़ेबु किन्‍ज्‍योगी मिहरोला तेन नाङदी येह।

यूहन्‍ना 1:18 Referans Kwoze

कलस्‍सी 1:15

ओहराङ मी़गी थोङ मी़हखुएँ किन्‍ज्‍योकी ङ्य़ेहरीला थोङ ख़ूएँ जेती मास्‍यीका ज़्‍य़ू नाङदी येह। ना थाम्‍ज्‍यीराङ छ्या़क्‍यो से़हया़ नाहङला मास्‍यीका थाम्‍ज्‍यी म़ेदी छ्येस्‍यो यिहम्‍बा।

यूहन्‍ना 6:46

किन्‍ज्‍योला सु मिह च्‍यी़गीॱआङ थोङदी म़ेह, किन्‍ज्‍यो याहप लाहमले फेप नाङगेन्‍दीगी च्‍यी़राङ मिहरोला थोङदी येहबा।

मत्ती 11:27

ङाहगी किन्‍ज्‍यो याहपगी ङाहला थाम्‍ज्‍यीराङ से़हया़ चि क्‍याहप नाङदी येह। किन्‍ज्‍यो याहपगी मिहम्‍बा लेहमेन सुगीॱआङ स़ेबुला ङोह मे़हस्‍येएँ ओहले स़ेबुगी मिहम्‍बा लेहमेन सुगीॱआङ किन्‍ज्‍यो याहपला ङोह मे़हस्‍येएँ। यिहॱनाङ स़ेबुगी ङोहस्‍यी ताङ तेर नाङग्‍योया़गीदी किन्‍ज्‍यो याहपला ङोह स्‍य़ेएँ।

लूका 10:22

“ङाहती याहपगी ङाहला थाम्‍ज्‍यीराङ चि क्‍याहप नाङदी येह। स़ेबु सु यिहम्‍बा म़ेदी याहपगी मिहम्‍बा, लेहमेन सुगीॱआङ ङोह मे़हस्‍येएँ। ओ़ह ल़ेहमुराङ, स़ेबु दाङ खोगी तेन्‍ग्‍योकी मिहया़गी च्‍यी़राङ याहपला ङोह स्‍य़ेएँ लेहमेन सुगीॱआङ याहपला ङोह मे़हस्‍येएँ” म़ेदी येशूगी सुङ नाङसीन।

१ यूहन्‍ना 4:12

किन्‍ज्‍योला सुगीॱआङ नाहमॱआङ थोङदी म़ेह। यिहॱनाङ ओहराङगी च्‍यी़गी च्‍यी़ला चेवा पेहसीमाना किन्‍ज्‍यो ओहराङ नाहङलाराङ ज़्‍य़ू नाङगे, ओहले ओहराङ लाहमले किन्‍ज्‍योगी चेवा छाङबु डोएँ।

१ तिमोथी 6:16

नाहमॱआङ टोहङ मेहनाङगेन्‍दीनी किन्‍ज्‍यो च्‍यी़राङ यिहम्‍बा ओहले मिहरो सुॱआङ लेप मी़हखुएँगी क्‍या-साङेला ज़्‍य़ू नाङगे। मिहरोला सुज्‍यीगीॱआङ नाहरे थु थोङदी म़ेह ओहले थोङॱआङ मी़हखुएँ। नाहम माॱनाङ ज़्‍य़ू नाङगेन्‍गी ओङ दाङ चा़ मिहरो ङ्याम्‍बुराङ ज़्‍य़ू नाङज्‍यु। आमेन।

१ यूहन्‍ना 4:9

किन्‍ज्‍योगी ओहराङला दि ल़ेहमु जेती चेवा जे नाङसीन– मिहरोगी राहङगी स़ेबु लाहमले ओहराङगी था़ म़ेहबाकी मिहली ज्‍योर ख़ूज्‍यु सुङदी मिहरोगी राहङगी च्‍यी़मे च्‍यी़राङ स़ेबुला दि जाम्‍बुलीङला ताङ नाङसीन।

१ यूहन्‍ना 5:20

किन्‍ज्‍योगी स़ेबु फेप नाङसीन ओहले मिहरोगी ओहराङला तेहन्‍दामगी किन्‍ज्‍योला ङोह स्‍य़े ख़ूएँगी येहन्‍देन नाङसीन। दि ओहराङला क्‍यी़ह येह। ओहराङ मिहरोगी स़ेबु येशू मास्‍यीकाला येहकें सोङबे तेहन्‍दामकी किन्‍ज्‍यो ङ्याम्‍बुराङ येह। मिह-रो़हराङ तेहन्‍दामकी किन्‍ज्‍यो दाङ था़ म़ेहबा मिहली यिहन।

१ यूहन्‍ना 4:20

सुज्‍यीगी “ङाह किन्‍ज्‍योला चेवा पेहकें” म़ेदी माएँ यिहॱनाङ राहङगी आदा-नो़ह दाङ आज्‍यी-नुहमुला ङेन्‍ज्‍येन पेहसीनमाना खो स्‍योप्‍क्‍येरे यिहम्‍बा। राहङगी थोङग्‍यो आदा-नो़ह दाङ आज्‍यी-नुहमुला चेवा पेह मी़हखुएँ मिहगी थोङॱराङ माहथोङबाकी किन्‍ज्‍योला काह-ठि पेहती चेवा पेह खू़रो ले?

यूहन्‍ना 17:26

राहङगी ङाहला जे नाङग्‍योकी चेवा खुङ ङ्याम्‍बुॱआङ लिहच्‍यु ओहले ङाह खुङ ङ्याम्‍बु तेह ख़ूज्‍यु म़ेदी याहपला ङाहगी खुङया़गी पाहरक्‍यीला ङोह स्‍य़े च्‍य़ूदी येह ओहले तोहरोङॱआङ ङोह स्‍य़े च्‍य़ूगेनॱराङ येह।”

यूहन्‍ना 17:6

जाम्‍बुलीङलेगी राहङगी ङाहला नाङग्‍यो मिहया़ला ङाहगी राहङला ङोह स्‍य़े च्‍य़ूदी येह। खुङया़ राहङदी यिहन्‍गे, ओहले राहङगी खुङया़ ङाहला नाङसीन, ओहले खुङया़गी राहङगी सुङदेन ङ्यिहन्‍दी येह।

यूहन्‍ना 14:9

येशूगी खोला सुङ नाङसीन, “फिलिप, ओहजे ङ्यिहमा थु ङाह ख्‍या ङ्याम्‍बु तेहतीॱआङ तोहरोङॱआङ ख्‍येगी ङाहला ङोह मा़हस्‍येबा? ङाहला थोङगेन्‍दीगी याहपलाॱआङ थोङ सिहन्‍दी येह। ओ़ह सोङबे ख्‍ये ‘ङ्यिहला याहप तेन नाङदोङ’ म़ेदी काह-ठि पेहती मा ख़ूएँ?

यूहन्‍ना 1:14

ओहले सुङगी मिहगी मिहली नोम्‍दी ङ्यिहगी पाहरक्‍यीला ज़्‍य़ू नाङसीन। मिहरो काटीन दाङ तेहन्‍दामकी काहङदे येहकें। ङ्यिहगी मिहरोगी ज़िज्‍यिद थोङसीन। ओहले ओ़ह ज़िज्‍यिदती याहपकी च्‍यिमे च्‍यी़राङ स़ेबुदी यिहन्‍गे।

यूहन्‍ना 12:41

यशैयागी दि स्‍याहल सुङ नाङसीन, च्‍यिबेमाना यशैयागी येशूगी ज़िज्‍यिद थोङसीन, ओहले मिहरोगी तेहन्‍दाला सुङ नाङसीन।

१ तिमोथी 1:17

ता़ह नाहम्‍स्‍यी किन्‍दुगी क्‍याहल्‍बु, नाहम-माना ज़्‍य़ू नाङगे ओहले थोङ मी़हखुएँगी च्‍यी़मे च्‍यी़राङ किन्‍ज्‍योला नाहम-माना ची़नाङ ओहङज्‍यु, नाहम-माना ज़िज्‍यिद ओहङज्‍यु। आमेन।

यूहन्‍ना 13:23

स्‍याहप्‍च्‍यीया़ नाहङला येशूगी थाम्‍ज्‍यी म़ेदी माहङबु चेवा जे नाङग्‍योकी स्‍याहप्‍च्‍यीदी येशू पोहलाराङ ङ्ये़दी तेहती येहकें।

यूहन्‍ना 3:11

तेहम्‍बाराङ ङाह ख्‍येला माएँ, ङ्यिहगी च्‍यि ङोह स्‍य़ेगे ओ़हदीॱराङ माएँ, ओहले ङ्यिहगी च्‍यि थोङग्‍यो येहबा ओ़हगी तेहन्‍दाला पाङबु तेर्के, यिहॱनाङ ख्‍याया़गी ङ्यिहगी तेरक्‍यो पाङबुला ची़नाङ मेहबेएँ दु।

२ कोरिन्‍थी 4:4

खुङया़गी तेहन्‍दाला माज्‍ये माना, दि जाम्‍बुलीङकी ल्‍हागी खुङगी ङोह स्‍य़े ख़ूएँगी ओङला स्‍याहर्ना जे तेर्ती येह। किन्‍ज्‍योगी ङ्य़ेहरीला मास्‍यीका ज़्‍य़ू नाङदी येह, मिहरोगी ज़िज्‍यिदगी या़हबु लेहङगु खुङया़गी माहथोङज्‍यु म़ेदी दि जाम्‍बुलीङगी ती़ह गो-छ्येवागी खुङया़गी मी़ का तेरक्‍यो येहबा।