यूहन्‍ना 1:13 - ह्योल्‍मो

¹³ खुङ ठा़ दाङ, ज़ुबुकी सेम्‍बाया़ लाहमले ओहले मिहगी सेमगी ने़जेबा लाहमले क्‍येक्‍यो मिहम्‍बा, यिहॱनाङ किन्‍ज्‍यो लाहमले क्‍येक्‍यो ओहङगे।

यूहन्‍ना 1:13 Referans Kwoze

१ यूहन्‍ना 3:9

किन्‍ज्‍यो लाहमले क्‍येक्‍यो पेहजाया़गी तिहक्‍पा पेहतीराङ मेहतेहकें, च्‍यिबेमाना खो ङ्याम्‍बु किन्‍ज्‍योगी सेन ओहङगे, ओ़ह सोङबे तिहक्‍पा पेहतीराङ तेह मी़हखुएँ, च्‍यिबेमाना खो किन्‍ज्‍यो लाहमले क्‍येक्‍यो यिहम्‍बा।

याकूब 1:18

किन्‍ज्‍योगी थुला ठुङग्‍यो सोङबे तेहन्‍दामकी सुङ लाहमले मिहरोगी ओहराङला ज़ो नाङसीन च्‍यिबेमाना मिहरोगी छ्या़ च्‍य़ू नाङग्‍योकी से़हया़ नाहङला ओहराङ तोहङस्‍यो सेदो ल़ेहमुराङ डो ख़ूज्‍यु म़ेदी यिहम्‍बा।

१ पत्रुस 1:23

किन्‍ज्‍योकी सोम्‍बो दाङ नाहमॱआङ मेहतोङगेन्‍गी सुङ लाहमले ख्‍याया़ येहपाराङ साम्‍बा पेहती क्‍येदी येह। ख्‍याया़ तोङदी डोएँगी छार्क्‍यीनया़ मिहम्‍बा, यिहॱनाङ ख्‍यानी नाहमॱआङ तोङदी मेहन्‍डोएँगी छार्क्‍यीनया़ गा यिहम्‍बा।

१ पत्रुस 1:3

ओहराङ चो़वो येशू मास्‍यीकाकी याहप किन्‍ज्‍योला थुज्‍यी-छ्ये़। किन्‍ज्‍योगी थुज्‍यी लाहमले टोहङग्‍योलेगी येशू मास्‍यीकाला सोम्‍बो ज़्‍याङ च्‍य़ू नाङदी मिहरोगी ओहराङला मिहली साम्‍बा नाङसीन। ओ़ह सोङबे ओहराङ थाम्‍ज्‍यीगी सोम्‍बो रेहवा ज्‍योर्ती येह।

१ यूहन्‍ना 5:4

च्‍यिबेमाना किन्‍ज्‍यो लाहमले क्‍येक्‍यो मिह थाम्‍ज्‍यीगी जाम्‍बुलीङला क्‍याहल्‍ज्‍ये येह। ओहराङगी यिह-छ्य़ेगीॱराङ ओहराङगी जाम्‍बुलीङला क्‍याहल ख़ूएँ।

१ यूहन्‍ना 4:7

ए ङाहगी च्‍याहम्‍बु रो़हया़, ओहराङगी च्‍यी़गी च्‍यी़ला चेवा पेह कोहएँ च्‍यिबेमाना चेवा किन्‍ज्‍यो लाहमले ओहङग्‍यो यिहम्‍बा। का़हन्‍दीगी चेवा पेहकें खो किन्‍ज्‍यो लाहमले क्‍येक्‍यो ओहङगे, खोगी किन्‍ज्‍योला ङोह स्‍य़ेएँ।

तीतस 3:5

ओहले किन्‍ज्‍योगी ओहराङला थार्पा नाङसीन। ओहराङगी ल़ेह या़हबु पेहक्‍यो सुङगोराङ दि ल़ेहमु काहल्‍ग्‍यो मिहम्‍बा यिहॱनाङ किन्‍ज्‍योगी ओहराङला निङज्‍यी जेती मिहरोगी ओहराङकी तिहक्‍पाया़ ठु-नाङसीन ओहले नाम्‍पार-ताहक्‍पा थु लाहमले ओहराङला मिहली साम्‍बा नाङसीन।

फिलिप्‍पी 2:13

च्‍यिबेमाना किन्‍ज्‍योगी ख्‍यागी पाहरक्‍यीला नाहम-माना छ्या़ले जे-नाङदी येह। मिहरोगी थु-सेम जे नाङग्‍योकी छ्या़लेया़ तेहन्‍दा डुप च्‍य़ूज्‍येला मिहरोगीॱराङ ख्‍याया़ला सेम्‍बा दाङ ओङ नाङगे।

१ कोरिन्‍थी 3:6

ङाहगी च़ूसीन ओहले अपोल्‍लोसगी छ्यु लू़सीन, यिहॱनाङ ओ़हदीला छार च्‍य़ू नाङगेन्‍दीनी किन्‍ज्‍योॱराङ यिहम्‍बा।

१ यूहन्‍ना 5:1

येशूॱराङ मास्‍यीका यिहन म़ेदी यिह छ्य़ेगे थाम्‍ज्‍यी किन्‍ज्‍योगी छार्क्‍यीनया़ यिहम्‍बा। ओहले सुगी किन्‍ज्‍यो याहपला चेवा पेहकेन खोगी राहङगी छार्क्‍यीनॱलाङ चेवा पेहकें।

१ यूहन्‍ना 5:18

किन्‍ज्‍योगी पुह पोहमोया़गी तिहक्‍पा पेहतीराङ मेहतेहकें च्‍यिबेमाना किन्‍ज्‍योगी स़ेबुगी खुङया़ला थार च्‍य़ू नाङगे ओहले ती़ह गो-छ्येवागी खुङला ऩे क्‍याहल मी़हखुएँ। दि ओहराङला क्‍यी़हराङ येह।

यूहन्‍ना 3:3

ओहले येशूगी खोला सुङ नाङसीन, “तेहम्‍बाराङ ङाह ख्‍येला माएँ, साम्‍बा पेहती माहक्‍ये थु सुज्‍यीगीॱआङ किन्‍ज्‍योगी क्‍याहल्‍सी थोङ मी़हखुएँ।”

मत्ती 3:9

ङ्यिहनी अब्राहामगी छार्क्‍यीन यिहन म़ेदी राहङ नाहङदुङ माहमा। च्‍यिबेमाना ङाह ख्‍याया़ला माएँ, किन्‍ज्‍योगी दि तोहया़लेगीॱआङ अब्राहामकी छार्क्‍यीन ज़ो थुप्‍कें।

१ पत्रुस 2:2

थेरेरे क्‍येक्‍योगी पेहजा ओहमा थुङज्‍ये म़ेदी ङुहक्‍यो ल़ेहमुराङ ख्‍याया़ॱआङ किन्‍ज्‍योकी तेहन्‍दामगी सुङया़ ङोह स्‍येच्‍येला सेम ताङदोङ दि लाहमलेॱराङ ख्‍यागी ज्‍योरक्‍योकी थार्पाला ख्‍या जेन-जेन याहरक्‍यी पेहती डो ख़ूज्‍ये येह।