यूहन्‍ना 1:10 - ह्योल्‍मो

¹⁰ मिहरो जाम्‍बुलीङला ज़्‍य़ू नाङदी येहकें, जाम्‍बुलीङ मिहरो लाहमलेॱराङ छ्या़सीन, यिहॱनाङ जाम्‍बुलीङगी मिहरोला ङोह मा़हस्‍ये।

यूहन्‍ना 1:10 Referans Kwoze

यूहन्‍ना 17:25

ए ठिम टाहङबु ताङ नाङगेन्‍गी याहप, जाम्‍बुलीङगी राहङला ङोह मे़हस्‍येएँ, यिहॱनाङ ङ्यिहगी राहङला ङोह स्‍य़ेएँ, ओहले राहङगी ङाहला ताङ नाङग्‍यो यिहन म़ेदी खुङया़गी ङोह स्‍ये़ज्‍ये येह।

१ यूहन्‍ना 3:1

त़ेदोङ, याहप्‍च्‍येन आबागी ओहराङला काहजे माहङबु निङज्‍यी जे नाङगु दु! मिहरोगी निङज्‍यीगी पेहती ओहराङ किन्‍ज्‍योगी छार्क्‍यीनया़ काहल्‍दी येहबा, यिहन्‍ज्‍येॱआङ ओहराङ तेहम्‍बाराङ किन्‍ज्‍योगी छार्क्‍यीनया़राङ यिहम्‍बा। ओ़ह सोङबे जाम्‍बुलीङकी मिहया़गी ओहराङला ङोह मे़हस्‍येएँ च्‍यिबेमाना खुङया़गी किन्‍ज्‍योला ङोह स्‍य़ेक्‍यो म़ेह।

१ कोरिन्‍थी 2:8

दि काल्‍बाला ओङ छ्य़ेएँ का़हन्‍दीॱआङ क्‍याहल्‍बुया़गी ओ़ह तामया़ ङोह स्‍य़े मा़हखु। का़हलेॱआङ ङोह स्‍य़े ख़ूबा यिहनानी ज़िज्‍यिदकी चो़वोला खुङया़गी क्‍याहङस्‍यीङला च्‍याङज्‍येॱराङ म़ेहबा येहकें।

१ कोरिन्‍थी 1:21

जाम्‍बुलीङगी रिहक्‍पा-रिहक्‍स्‍यी लाहमले मिहया़गी किन्‍ज्‍योला ङोह स्‍य़े मी़हखुएँ म़ेदी मिहरोला थुयी़ येहकें ओ़ह सोङबे ङ्यिहगी प्रा साल्‍ग्‍यो या़हबु लेहङगुकी उल्‍दुम्‍बा ताम लाहमलेॱराङ यिह छ्य़ेगेया़ला थार च्‍य़ूज्‍ये सुङदी किन्‍ज्‍योगी थु-सेम जे नाङसीन।

मत्ती 11:27

ङाहगी किन्‍ज्‍यो याहपगी ङाहला थाम्‍ज्‍यीराङ से़हया़ चि क्‍याहप नाङदी येह। किन्‍ज्‍यो याहपगी मिहम्‍बा लेहमेन सुगीॱआङ स़ेबुला ङोह मे़हस्‍येएँ ओहले स़ेबुगी मिहम्‍बा लेहमेन सुगीॱआङ किन्‍ज्‍यो याहपला ङोह मे़हस्‍येएँ। यिहॱनाङ स़ेबुगी ङोहस्‍यी ताङ तेर नाङग्‍योया़गीदी किन्‍ज्‍यो याहपला ङोह स्‍य़ेएँ।

हिब्रू 11:3

तेहपा लाहमलेॱराङ ओहराङगी ह्‍अ कोह ख़ूएँ किन्‍ज्‍योगी सुङ लाहमले जाम्‍बुलीङ रेबेॱराङ छ्या़ च्‍य़ू नाङसीन ओहले मिहरोगीॱराङ थोङगेन से़हया़, मेहथोङगेन से़हया़ लाहमले छ्या़ च्‍य़ू नाङसीन।

यूहन्‍ना 1:18

किन्‍ज्‍योला सुगीॱआङ नाहमॱआङ थोङदी म़ेह, यिहॱनाङ किन्‍ज्‍यो याहप ङ्याम्‍बु ज़्‍य़ू नाङगेन च्‍यिमे च्‍यी़राङ स़ेबु किन्‍ज्‍योगी मिहरोला तेन नाङदी येह।

यूहन्‍ना 1:5

ओ़ह येहसेर ना़-जुबेला येहपा छ्या़गे ओहले ना़-जुबेगी ओ़ह येहसेरला नाहमॱआङ क्‍याहल मा़हखु।

ल़ेह-पेन 14:17

यिहॱनाङ किन्‍ज्‍योगी नाहमॱआङ या़हबु छ्या़लेया़ जेच्‍ये क्‍युर नाङदी म़ेह। ओहले किन्‍ज्‍योगी नाम क्‍याहप च्‍य़ू नाङदी कामेया़ या़ह च्‍य़ू नाङदेराङ येह। ओहले माहङबुराङ साहज्‍ये से़हया़ नाङदी मिहया़गी सेमला काहसोगी काङ नाङदी येह। दि ल़ेहमु पेहती किन्‍ज्‍योगी छ्या़लेया़गीराङ मिहरोदी पाङबु तेर्के।”

यूहन्‍ना 5:17

ओहले येशूगी खुङया़ला सुङ नाङसीन, “ङाहगी याहपगी ताहन्‍दा थु छ्या़ले जे नाङगेराङ येह, ओहले ङाहॱआङ ल़ेह पेहकेनॱराङ येह।”

यूहन्‍ना 1:3

सुङ लाहमलेॱराङ किन्‍ज्‍योगी ना थाम्‍ज्‍यी छ्या़ च्‍य़ू नाङसीन। छ्या़ नाङग्‍योकी ना थाम्‍ज्‍यी मिहरोगी जेते मिहम्‍बा लेहमेन च्‍यि लाहमलेॱआङ माह-छ्या़।

यूहन्‍ना 1:11

मिहरो राहङदीराङ मिहया़साला फेप नाङसीन, यिहॱनाङ राहङदीराङ मिहया़गी मिहरोला ची़नाङ माहबे।

१ कोरिन्‍थी 8:6

यिहॱनाङ ओहराङगी तेहन्‍दालानी किन्‍ज्‍यो याहप च्‍यी़राङ ज़्‍य़ू नाङदी येहबा। मिहरोगीॱराङ थाम्‍ज्‍यीराङ से़हया़ ज़ो नाङसीन। ङ्यिह किन्‍ज्‍योगी तेहन्‍दालाराङ थार्के। ङ्यिहती च्‍यिमे च्‍यी़राङ चो़वो येशू मास्‍यीका ज़्‍य़ू नाङदी येहबा। मिहरो लाहमलेॱराङ थाम्‍ज्‍यी से़हया़ छ्या़सीन। मिहरो लाहमलेॱराङ ङ्यिह थार्के यिहम्‍बा।

कलस्‍सी 1:16

च्‍यिबेमाना स्‍यिहङगाम दाङ जाम्‍बुलीङला येहकेन रेबेॱराङ से़हया़ किन्‍ज्‍योगीॱराङ छ्या़ च्‍य़ू नाङसीन। मी़गी थोङ ख़ूएँ दाङ थोङ मी़हखुएँगी से़हया़, क्‍याहल्‍बु ज़्‍य़ू नाङगेन्‍गी ज्‍यू़-ठिया़, क्‍याहल्‍सीया़, ठिम ताङगेया़, ओङ छ्य़ेगेया़, दि थाम्‍ज्‍यीराङ से़हया़ किन्‍ज्‍योगी मास्‍यीका लाहमले ओहले मास्‍यीकाकी तेहन्‍दालाराङ छ्या़ च्‍य़ू नाङसीन।