याकूब 5:15 - ह्योल्‍मो

¹⁵ तेहपा पेहती ताप्‍क्‍यो सोल्‍वाङगी नेहपा थार च्‍य़ूज्‍ये येह ओहले चो़वोगी खोला टा़ह च्‍य़ू नाङज्‍ये येह, ओहले का़हलेॱआङ खोगी तिहक्‍पा पेहक्‍यो येहसीमाना चो़वोगी खोला कोहङदा नाङज्‍ये येह।

याकूब 5:15 Referans Kwoze

याकूब 5:13

च्‍यि ख्‍या पाहरक्‍यीला सुलाॱआङ च्‍यिरा खेन्‍दा-का़हबु काहल्‍दी येहबा? खोगी सोल्‍वाङ ताप्‍च्‍यु। च्‍यि सुॱआङ सेम काहसो काहल्‍दी येहबा? खोगी त़ेरा तेच्‍या फुल्‍गेन्‍गी छ्ये़-लु लेहन्‍ज्‍यु।

याकूब 5:16

टा़हज्‍येगी तेहन्‍दाला ख्‍या राहङगी पेहक्‍योगी तिहक्‍पाया़ च्‍यी़गी च्‍यी़ ङ्याम्‍बु राहङ-राहङगी तिहक्‍पाया़ लोक पेहतोङ, ओहले च्‍यी़गी च्‍यी़ला सोल्‍वाङ ताप तेर। टाहङदेन मिहगी ताप्‍क्‍यो सोल्‍वाङ स्‍युक छ्यिम्‍बु ओहङगे ओहले दिगी याहम्‍जेम्‍बागी ल़ेह पेहकें।

याकूब 1:6

यिहॱनाङ ख्‍यागी लाङगेमु सिपाज्‍यीॱआङ थेचुम माहबेबा पेहती तेहपा पेहती लाङ कोहएँ। थेचुम पेहकेन मिहनी छो-क्‍याहम्‍जोला ल्‍हा़बागी फार छुर याप्‍केन्‍गी छ्यु पाहलाप ल़ेहमुराङ यिहम्‍बा।

मत्ती 17:20

ओहले येशूगी सुङ नाङसीन, “ख्‍याया़गी तेहपा ङ्युहङा येहकें सोङबे यिहम्‍बा। तेहम्‍बाराङ ङाह ख्‍याया़ला माएँ, ख्‍याया़ ङ्याम्‍बु राइ-सेनगी बुदी जेबा तेहपा येहसीमाना ओ़ह काहङदोला देलेगी फार सोङ म़ेदी माॱनाङ ओ़ह डोज्‍ये येह ओहले ख्‍याया़गी च्‍यि माॱनाङ पेह ख़ूज्‍ये येह।”

यूहन्‍ना 5:14

याहम्‍बी तिङले येशूगी खोला छ्योखाङला थू़दी सुङ नाङसीन, “त़ेदोङ, ता़ह ख्‍ये टा़ह सिहन्‍दी येह। येहपाराङ तिहक्‍पा माहबे, मिहन्‍सीमाना ख्‍येला तोहङले म़ेदीॱआङ चोक्‍पा ओहङज्‍ये येह।”

यूहन्‍ना 6:39

ङाहला ताङ नाङगे याहपकी थु-सेम दिराङ यिहम्‍बा: मिहरोगी ङाहला नाङग्‍योया़ नाहङला सुज्‍यीॱआङ तोङदी माहन्‍डोज्‍यु, यिहॱनाङ तिङस्‍यो ती़हजीला खुङया़ला सोम्‍बो ज़ो ख़ूज्‍यु।

१ कोरिन्‍थी 1:21

जाम्‍बुलीङगी रिहक्‍पा-रिहक्‍स्‍यी लाहमले मिहया़गी किन्‍ज्‍योला ङोह स्‍य़े मी़हखुएँ म़ेदी मिहरोला थुयी़ येहकें ओ़ह सोङबे ङ्यिहगी प्रा साल्‍ग्‍यो या़हबु लेहङगुकी उल्‍दुम्‍बा ताम लाहमलेॱराङ यिह छ्य़ेगेया़ला थार च्‍य़ूज्‍ये सुङदी किन्‍ज्‍योगी थु-सेम जे नाङसीन।

२ कोरिन्‍थी 4:14

चो़वो येशूला सोम्‍बो ज़्‍याङ च्‍य़ू नाङगे किन्‍ज्‍योगी ङ्यिहलाॱआङ येशू ङ्याम्‍बु सोम्‍बो ज़ो नाङज्‍ये येह, ओहले मिहरोगीॱराङ ङ्यिहला ख्‍याया़ ङ्याम्‍बु मिहरोगी दिनला नोम फेप नाङज्‍ये येह म़ेदी ङ्यिहला क्‍यी़ह येहबा।

याकूब 5:20

दि केच्‍या ख्‍याला क्‍यी़ह ओहङज्‍यु, का़हन्‍दीगी तिहक्‍च्‍येम्‍बा मेहन्‍दा च्‍यी़ला खोगी चोक्‍पा लाहमलेगी लो़दी ख्‍योङगे, ओ़ह मिहगी खोगी यिहला स्‍यिवालेगी थार च्‍य़ूज्‍ये येह, ओहले खोगी माहङबुराङ तिहक्‍पाया़ ता़हज्‍ये येह।