याकूब 5:14 - ह्योल्‍मो

¹⁴ च्‍यि ख्‍या नाहङला सुज्‍यी ला़ मेहखा काहल्‍दी येहबा? खोगी छेन्‍छोकगी एल्‍डरया़ला क़े क्‍याहप्‍च्‍यु ओहले खुङगी चो़वोगी छेनला नुमगी ठि-सोल पेहती खोगी तेहन्‍दाला सोल्‍वाङ ताप्‍च्‍यु।

याकूब 5:14 Referans Kwoze

मर्कूस 6:13

खुङया़गी माहङबुराङ ल्‍हेन्‍डीया़ तेन्‍सीन ओहले माहङबुराङ नेहपाया़ला नुम की़दी टा़ह च्‍य़ूसीन।

ल़ेह-पेन 28:8

ओहजे काहङला पब्‍लियसकी आबाला छावा क्‍ये़दी मा़स्‍यी क्‍याहप्‍क्‍यो येहकें। ओहले पावल नेहपागी ङ्याहल-खाङला काहल्‍दी सोल्‍वाङ ताप्‍ती राहङगी लाहक्‍पा नेहपा थो़ला ज़्‍या़ फान्‍ज्‍यो नेहपा टा़हसीन।

मर्कूस 16:18

खुङया़गी प्रुहल ज़ुङज्‍ये येह, तू़ह येहकेन्‍गी से़हया़ थुङॱनाङ खुङया़ला ओ़ह से़हगी च्‍यिॱआङ ने क्‍याल्‍ज्‍ये म़ेह ओहले नेहपाया़गी थो़ला लाहक्‍पा ज़्‍या़गेमु खुङ टा़हज्‍ये येह।”

तीतस 1:5

ओ़हला खादी लिहक्‍योकी ल़ेहया़ छाङबु पेहच्‍ये दाङ ङाहगी माक्‍यो ल़ेहमुराङ क्‍याहसा टाहङमाराङ एल्‍डरया़ दाम्‍ज्‍येला ङाहगी ख्‍येला क्रेटला क्‍युर ज़्‍या़क्‍यो यिहम्‍बा।

ल़ेह-पेन 15:4

खुङ यरूशलेम क्‍याहसाला लेप्‍केमु ओ़ह ग्‍या़गी छेन्‍छोक, ल़ेह-पेन दाङ एल्‍डरया़गी खुङया़ला फेप स्‍युहसीन। ओहले किन्‍ज्‍योगी पावल दाङ बारनाबास लाहमले जे नाङग्‍योकी थाम्‍ज्‍यीराङ तामया़ खुङ फे़बेया़ला स्‍येसीन।

ल़ेह-पेन 14:23

ओहले खुङ ङ्यी़गी छेन्‍छोक टाहङमाराङ एल्‍डरया़ला दाम्‍सीन, ओहले खुङ ङ्यी़गी सोल्‍वाङ ताप्‍ती, ङ्युङने तेहती खुङया़ला चो़वो छ्येवागी कुम्‍देनला छेन्‍छोकला चि क्‍याहप्‍सीन।

ल़ेह-पेन 9:40

ओहले पत्रुसकी खुङ थाम्‍ज्‍यीला फिला ताङसीन ओहले पी़मु च़ूदी सोल्‍वाङ ताप्‍सीन। ओहले पत्रुसगी ओ़ह फुङबु ङो़ले त़ेदी, “ए ताबीता, ख्‍ये लाहङदोङ!” म़ेदी मासीन ओ़हजेलाराङ मोहगी मी़ खा फ़ेसीन ओहले पत्रुसला थोङदी लाहङदी तेहसीन।

ल़ेह-पेन 11:30

ओहले खुङया़गी डेल्‍बा ती़हदे बारनाबास दाङ शाऊलला तेर्सीन, ओहले खुङ ङ्यी़गी यहूदीया साने़की छेन्‍छोककी एल्‍डरया़ साला ताङ चाहङसीन।