याकूब 5:12 - ह्योल्‍मो

¹² ङाहगी आदा-नो़ह दाङ आज्‍यी-नुहमुया़, थाम्‍ज्‍यी म़ेदी चा़ छ्यिम्‍बु ताम स्‍यिहङगाम दाङ जाम्‍बुलीङ ओहले लेहमेन च्‍यि से़हदीॱआङ ना माहक्‍याल। यिहम्‍बा यिहन्‍सीमाना यिहम्‍बा म़ेदोङ, मिहम्‍बा यिहन्‍सीमाना मिहम्‍बा म़ेदोङ। ओ़हठी पेहसीनमाना किन्‍ज्‍योगी ख्‍याया़ला ङ्य़ेहबा काल नाङज्‍ये म़ेह।

याकूब 5:12 Referans Kwoze

१ पत्रुस 4:8

थाम्‍ज्‍यी म़ेदी छ्यिम्‍बु ताम, च्‍यी़गी च्‍यी़ला सेम तिहङ यिहन्‍ज्‍युराङ चेवा पेहतोङ च्‍यिबेमाना चेवागीॱराङ रेबेॱराङ तिहक्‍पाया़ला उप्‍के यिहम्‍बा।

१ कोरिन्‍थी 11:34

का़हलेॱआङ सुज्‍यीला टेहपा तो़क्‍यो येहसीमाना खोगी राहङ खाङबालाराङ साहज्‍यु मिहन्‍सीमाना चो़वोगी डेन साहज्‍येला छो़गेमु ख्‍या थो़ला ङ्य़ेहबा फो़ज्‍ये येह। ओहले लेहमेन केच्‍याया़गी तेहन्‍दाला ङाह तिङले ओहङदी डी़ च्‍यू़गे।

३ यूहन्‍ना 1:2

ए ङाहगी च्‍याहम्‍बु रो़ह, ख्‍ये थाम्‍ज्‍यीराङ से़हला या़हबु ओहङ ख़ूज्‍यु, ओहले ख्‍येगी नाम्‍स्‍यी ल़ेहमुराङ ज़ुबुॱआङ थाङबु ओहङ ख़ूज्‍यु म़ेदी ङाह किन्‍ज्‍यो ङ्याम्‍बु सोल्‍वाङ ताप्‍को येह।

याकूब 1:16

ङाहगी निङज्‍यी पेहक्‍योगी आदा-नो़हया़ दाङ आज्‍यी-नुहमुया़, ख्‍या राहङगी राहङला गो़-कोहर मा़हच्‍यु

याकूब 1:19

ए ङाहगी निङज्‍यी पेहक्‍योगी आदा-नो़ह दाङ आज्‍यी-नुहमुया़, दि केच्‍या टेहम्‍बा साल्‍दी ज़्‍या़दोङ। ख्‍या ङ्यिहन्‍ज्‍येला ग्‍यो़बा ओहले ताम माज्‍ये दाङ स्‍यिहताङ पेहच्‍येलाती कुहल्‍बा ओहङ कोहएँ।