याकूब 4:6 - ह्योल्‍मो

⁶ यिहॱनाङ मिहरोगी जे नाङग्‍योकी काटीन जेन छ्यिम्‍बु येहबा। ओ़ह सोङबे नाम्‍पार-ताहक्‍पा सुङरापला दि ल़ेहमु प्री़हदी येहबा, “छ्य़ेन्‍दो तेन्‍गे मिहया़ला किन्‍ज्‍योगी टाह जे नाङगे, यिहॱनाङ ङ्येम्‍ज्‍युङ पेहकेनया़ला थुज्‍यी ज़ी़ नाङगे।”

याकूब 4:6 Referans Kwoze

मत्ती 23:12

का़हन्‍दीगी राहङला छ्यिम्‍बु ज़ोएँ, ओ़हदीला किन्‍ज्‍योगी फेमा ज़ो नाङज्‍ये येह ओहले का़हन्‍दीगी राहङला फेमा ज़ोएँ ओ़हदीला किन्‍ज्‍योगी छ्यिम्‍बु ज़ो नाङज्‍ये येह।”

१ पत्रुस 5:5

ओ़ह ल़ेहमुराङ पेहती स्‍यारा स्‍यार्माया़, राहङ म़ेदी छ्यिम्‍बु मिहया़गी ओङ चो़ला तेहतोङ। ख्‍या मिह थाम्‍ज्‍यी ङ्याम्‍बु स्‍यिहवा पेहती च्‍यी़गी च्‍यी़ला रो़हराम पेहतोङ। च्‍यिबेमाना छ्य़ेला दि ल़ेहमु सुङ नाङदी येह, “किन्‍ज्‍योगी छ्य़ेन्‍दो तेन्‍गे मिहया़ला टाह जे नाङगे, यिहॱनाङ स्‍यिहवा पेहकें मिहया़ला काटीन नाङगे।”

लूका 14:11

च्‍यिबे मासीमाना, राहङगी राहङला छ्यिम्‍बु ज़ोएँदी फेमा ओहङज्‍ये येह, ओहले राहङगी राहङला फेमा ज़ोएँदी छ्यिम्‍बु डोज्‍ये येह।”

लूका 18:14

ङाहगी ख्‍याला माएँ, ओ़ह फरिसी म़ेदी ठाल तुहएँ मिहती किन्‍ज्‍योगी ज़ी़लुला या़हबु थेन्‍सीन ओहले खो खाङबाला लो़ह काहल्‍सीन। च्‍यिबेमाना सुगी राहङगी राहङला छ्यिम्‍बु ज़ोज्‍ये छोल्‍गे खो फेमा ओहङज्‍ये येह ओहले सुगी राहङला फेमा ज़ोएँ खो छ्यिम्‍बु ओहङज्‍ये येह।”

लूका 1:52

किन्‍ज्‍योगी छ्य़ेन्‍दो तेन्‍गे क्‍याहल्‍बुया़ला खुङया़गी ॱठिलेगी पाप नाङदी येह, ओहले ङ्येम्‍ज्‍युङ पेहकेनया़लादी याहर याहर क्‍या़ नाङदी येह।

मत्ती 13:12

च्‍यिबेमाना सु ङ्याम्‍बु येहबा, ओ़हदीला तोहरोङ तेर्च्‍ये येह ओहले खो ङ्याम्‍बु काहजे मामा ओहङज्‍ये येह। यिहॱनाङ सु ङ्याम्‍बु म़ेहबा, खो ङ्याम्‍बु सिपाज्‍यी येहकेन्‍दीॱआङ फ्रो़ज्‍ये येह।

याकूब 4:10

चो़वोगी दिनला ख्‍या राहङगी राहङला ङ्येम्‍ज्‍युङ जे़दोङ ओहले मिहरोगी ख्‍याला याहर क्‍या़ नाङज्‍ये येह।