याकूब 4:3 - ह्योल्‍मो

³ लाङनाॱआङ ख्‍यागी खाम्‍साङ-ङ्याहम्‍साङ पेहकेन्‍गी चोक्‍पा सेम थो़दी लाङगे ओहले मेहन्‍ज्‍योर्कें।

याकूब 4:3 Referans Kwoze

१ यूहन्‍ना 5:14

किन्‍ज्‍योगी थु-सेम जे नाङगेन्‍गी से़हया़ ओहराङगी लाङगेमु मिहरोगी सेन नाङगे। ओ़ह सोङबे ओहराङ किन्‍ज्‍योगी दिनला डोज्‍येला आ़र पेह ख़ूएँ।

१ यूहन्‍ना 3:22

ओहराङगी किन्‍ज्‍योगी काया़ ची़क्‍यो दाङ मिहरोगी थु ङ्ये़एँगी ल़ेहया़ पेहक्‍यो सोङबे ओहराङगी च्‍यि लाङगे ओ़ह मिहरोगी नाङगे।

याकूब 4:1

ख्‍यागी पाहरक्‍यीला ठाक-ठाक ठुक-ठुक पेहकेन दाङ जिङगेन्‍गी तामया़ च्‍यि तेहन्‍दागी ख्‍योङगे? च्‍यि दि थाम्‍ज्‍यी ख्‍ये ज़ुबुगी ओङबुया़गी पाहरक्‍यीला मा़ क्‍याहप्‍केन ह्‍अम्‍बाया़ लाहमले ओहङग्‍यो मिहम्‍बा ले?

लूका 15:13

“ङ्यिहमा तोबा तिङले पुह च्‍युङागी राहङ ङ्याम्‍बु येहकेन्‍गी थाम्‍ज्‍यीराङ फास्‍यी ख्‍येर्ती लेहमेन लुहङबाला काहल्‍सीन। ओहले ओ़हला खोगी सेमला ने़जेबा काहने थेते पेहती राहङ ङ्याम्‍बु येहकेन्‍गी क्‍युह रेबेॱराङ क्‍युर्सीन।

मर्कूस 10:38

ओहले येशूगी सुङ नाङसीन, “ख्‍यागी च्‍यि लाङगेॱराङ येहबा, ओ़ह ख्‍याला क्‍यी़ह म़ेह। च्‍यि ङाहगी थुङगेन्‍गी तुहक्‍पुगी फार्कोले ख्‍यागी थुङ ख़ूएँ? ङाहगी ल़ेहन कोहकेन्‍गी बप्‍तिस्‍मा च्‍यि ख्‍यागीॱआङ ल़ेहन ख़ूएँ ले?”

मत्ती 20:22

येशूगी खुङया़ला सुङ नाङसीन, “ख्‍याया़गी च्‍यि लाङगेॱराङ येहबा, ओ़ह ख्‍याया़ला क्‍यी़हराङ म़ेह। ङाहगी थुङज्‍ये पेहक्‍योगी तुहक्‍पुगी फार्कोले च्‍यि ख्‍याया़गीॱआङ थुङ ख़ूएँ?” खुङया़गी ख़ूएँ लाह म़ेदी ल़ेहन क्‍याहप्‍सीन।

लूका 15:30

“‘ओहले राहङगी क्‍युह थाम्‍ज्‍यीराङ बान्‍डानीया़ ङ्याम्‍बु सिहन्‍दा च्‍येती ओहङग्‍यो पुह ओहङगेमुदी राहङगी दि से़दी ज़्‍या़क्‍योगी छोम्‍बु पिहउ पी़हरु खोगी तेहन्‍दाला सेत्‍ती डेन क्‍याहप्‍नाङसीन।’

लूका 11:10

च्‍यिबे मासीमाना लाङगेन्‍दीगी ज्‍योर्च्‍ये येह, छोल्‍गेन्‍दीगी च्‍य़ेह सिहन्‍ज्‍ये येह, ओहले कोहला तुहङदी क़े क्‍याहप्‍केन्‍दीला कोह खा फे़ तेर्च्‍ये येह।