याकूब 4:17 - ह्योल्‍मो

¹⁷ ओ़ह सोङबे या़हबु ल़ेह पेह कोहएँ म़ेदी ङोह स्‍य़ेदी स्‍य़ेदीॱआङ का़हन्‍दीगी मेहबेकें खोला तिहक्‍पा फो़गे।

याकूब 4:17 Referans Kwoze

यूहन्‍ना 9:41

ओहले येशूगी खुङया़ला सुङ नाङसीन, “ख्‍या तेहम्‍बाराङ स्‍याहर्ना काहल्‍ग्‍यो यिहम्‍बा यिहनानी ख्‍याला तिहक्‍पागी ङ्य़ेहबा फो़ज्‍ये म़ेहबा येहकें यिहॱनाङ ख्‍याया़गी ‘ङ्यिहगीनी थोङगे’ म़ेदी माएँ, ओ़ह सोङबे ख्‍याला तिहक्‍पा येहॱराङ येहबा।”

यूहन्‍ना 13:17

ख्‍याया़गी दि ताम ङोह स्‍य़ेदी दिला ते़बे ल़ेह पेहसीमाना, किन्‍ज्‍योगी ख्‍याया़ला मेलाम नाङज्‍ये येह।

यूहन्‍ना 15:22

का़हलेॱआङ ङाह ओहङदी खुङला दि तामया़ माहस्‍येपा यिहनानी खुङला तिहक्‍पाकी ङ्य़ेहबा फो़ज्‍ये म़ेहबा येहकें। यिहॱनाङ ता़हनी खुङला राहङगी तिहक्‍पाकी तेहन्‍दाला च्‍यिॱआङ तेलेन पेहकें ग्‍या़ॱराङ म़ेह।

२ पत्रुस 2:21

च्‍यिबेमाना किन्‍ज्‍योगी दिनला ठाबे सी़हगेन्‍गी लाहम ङोह स्‍य़ेदीलेॱआङ राहङगी ज्‍योरक्‍योकी नाम्‍पार-ताहक्‍पा का मी़हचीसीमानानी बरु खोगी दि लाहम नाहमॱआङ ङोह मा़हस्‍येबा यिहनानी काहजे या़हबु ओहङज्‍ये येहकें।

रोमी 1:32

दि ल़ेहमु ल़ेह पेहकेन मिहया़ स्‍यिज्‍ये सी़हएँदी ओहङगे माएँदी किन्‍ज्‍योकी छ्य़े-ठिम ङोह स्‍य़ेदी स्‍य़ेदीॱआङ खुङगी दि ल़ेहमु ल़ेहया़ च्‍यी़राङ पेहकें मिहम्‍बा, यिहॱनाङ दि ल़ेहमु ल़ेह पेहकें मिहया़ ङ्याम्‍बु निङ थाक्‍पा यिहन्‍ज्‍युराङ डी़गे।

रोमी 7:13

ओ़ह सोङबे देजे या़हबा छ्य़े-ठिमगी ङाहलाराङ च्‍यिबे स्‍यिवाला क्‍याल्‍बा ले? ओ़हठी मिहम्‍बा यिहॱनाङ तिहक्‍पागी गा ङाहला स्‍यिवाला क्‍याहल्‍ग्‍यो यिहम्‍बा। या़हस्‍यो छेन्‍ज्‍या चाल ती़दी तिहक्‍पागी राहङगी तेहन्‍दामकी छेन्‍दा तेन्‍ज्‍येला ङाहला स्‍यि च्‍य़ूसीन। ओ़ह सोङबे का़ लाहमले तिहक्‍पा तोहरोङ माहङदे काहल्‍सीन।