याकूब 3:14 - ह्योल्‍मो

¹⁴ यिहॱनाङ ख्‍याया़गी सेम नाहङला ठादो पेहकेन दाङ राहङदेन ज़ोएँगी सेम्‍बा येहसीमाना दि तामला छ्य़ेन्‍दो माहतेन, ओहले तेहन्‍दामगी स्‍याहलला फिर्च्‍या माहज़ो़।

याकूब 3:14 Referans Kwoze

याकूब 3:16

च्‍यिबेमाना का़हला ठादो पेहकें दाङ राहङदेन ज़ोएँगी सेम्‍बा ओहङगे ओ़हला फेतोर कोहतोर डोएँ ओहले नामे-नाजो ल़ेह चोक्‍पाया़ पेहकें।

१ कोरिन्‍थी 13:4

चेवाला स्‍य़िहदे ओहङगे ओहले निङज्‍यी पेहकें, चेवागी स्‍यिहताङ मेहबेकें, छ्य़ेन्‍दो मेहतेन्‍गे ओहले राहङला छ्यिम्‍बु मे़हनेगे।

फिलिप्‍पी 2:3

ख्‍या राहङला च्‍यी़राङ ख्‍येप्‍साङ ओहङगे दाङ छ्य़ेन्‍दो तेन्‍ज्‍येला च्‍यिॱआङ ल़ेहया़ माहबे यिहॱनाङ स्‍यिहवा पेहती राहङ म़ेदी लेहमेन छ्यिम्‍बु यिहन म़ेदी सेमला ने़दोङ।

१ कोरिन्‍थी 3:3

तोहरोङॱआङ ख्‍या जाम्‍बुलीङकी सेम्‍बाया़ लाहमले राहङगी मिहजी ताङगो दु। ओहले ख्‍या राहङ नाहङदुङ ठादो पेहकेन दाङ ठ़ूस्‍यी सिहङदा पेहकेन्‍की केच्‍याया़नी येहॱराङ येहबा। च्‍यि ओ़हठी यिहन्‍सीमानानी ख्‍या राहङगी ज़ुबुकी च्‍यि पेहच्‍ये सेम क्‍येएँ ओ़हठीॱराङ डोलु-तेहलु पेहकेन जाम्‍बुलीङकी लेहमेन मिहया़ ल़ेहमुराङ माहकाहल ले?

रोमी 13:13

ङ्यिहमाला ल़ेहमुराङ पेहती ओहराङ ल़ेह टाहङबु पेह कोहएँ। कुहङमु ल़ेहमु खाम्‍साङ-ङ्याहम्‍साङ पेहकें, ज़िगे से़हया़ थुङगे, छ्येउ-छ्येंमु पेहकें, छा़रा ल़ेहया़ पेहकें, जिङगे ओहले ठादो पेहकेन्‍गी ल़ेहया़ पाङ कोहएँ।

२ कोरिन्‍थी 12:20

च्‍यिबेमाना ङाह ख्‍याला थु ओहङगेमु ङाहगी ने़क्‍यो ल़ेहमु ख्‍या मेहयोहङडो ओहले ख्‍यागी ने़क्‍यो ल़ेहमु ङाह मेहयोहङडो म़ेदी ङाहला ज्‍यी़सु येहकें। ख्‍याया़गी पाहरक्‍यीला ठ़ूस्‍यी, ठादो, स्‍यिहताङ, राहङदी च्‍यी़राङ ख्‍येप्‍साङ ताएँ, ख्‍येर क्‍याहप्‍कें, मिहदाम च्‍येहके, छ्य़ेन्‍दो तेन्‍गे दाङ मिहला गो़ थोम च्‍य़ूगेन्‍गी तामया़ॱआङ ओहङडो।

फिलिप्‍पी 1:15

यिहन्‍ज्‍येनी लाहलागी ठादो पेहती, ङाहगी लेहमेनगी म़ेदी माहङबु पेहसीन म़ेदी तेन्‍ज्‍येला मास्‍यीकाकी तेहन्‍दाला मिहया़ला स्‍येकें ओहले लाहलागीती सेम या़हबु थो़दी निङज्‍यीगी मिहया़ला स्‍येकें।

याकूब 5:19

ङाहगी आदा-नो़ह दाङ आज्‍यी-नुहमुया़, ख्‍याया़ नाहङला सुज्‍यी तेहन्‍दामगी लाहमले क्‍यो़दी काहल्‍सीन माना खोला लो़दी ख्‍येर्स्‍यो।

ल़ेह-पेन 5:17

ओहले पूजाहारी गो-छ्येवा दाङ खोगी रो़ह सदुकीया़गी ल़ेह-पेनया़ला ज्‍यिबुराङ ठादो पेहसीन।

तीतस 3:3

च्‍यिबेमाना तोहङले ओहराङॱआङ उल्‍दुम्‍बा येहकें, माक्‍यो ताम मिहङ्यीहन्‍गेनदी येहकें, आला ख्‍याम्‍दी येहकें, नामे नाजोकी डे़छ्या दाङ ङ्याहम्‍साङ खाम्‍साङकी योक्‍पु काहल्‍दी येहकें, मिहला सेम चोक्‍पा च्‍याङदी ठादो पेहती राहङगी मिहजी ताङगो येहकें, मिहया़गी ओहराङला ङ्येन्‍ज्‍येन पेहको येहकें ओहले ओहराङगीॱआङ मिहया़ला ङ्येन्‍ज्‍येनॱराङ पेहको येहकें।

१ तिमोथी 6:4

खो छ्य़ेन्‍दो तेन्‍गे, ओहले खोगी च्‍यिॱआङ स्‍य़ेक्‍यो मेहयोहङगे। खोगी स्‍यिती काम्‍बुगी तामया़ला स्‍येपा तुहर्के, ओहले ओ़ह ताम ऱेह-ऱेह थो़दी मिह ङ्याम्‍बु जिङज्‍येला डोएँ। दि तामया़गीनी ठादो, ठ़ूस्‍यी सिहङदा, स्‍ये़हन्‍डील दाङ चोक्‍पा सेम ङ्येहम्‍बाया़ च्‍यी़राङ क्‍ये च्‍य़ूएँ।

१ कोरिन्‍थी 5:2

तोहरोङ ख्‍यानी सेम मा-फाम्‍बु पेह कोहएँ ग्‍या़लानी छ्य़ेन्‍दो गा तेन्‍गु दुबा! दि ल़ेहमु पे मी़हसीहएँगी ल़ेह पेहकें मिहला ख्‍याया़गी छोक्‍पाले तेन चोहङ।

रोमी 2:8

लाहला मिहया़गी राहङला च्‍यी़राङ निङज्‍यी पेहकें, तेहन्‍दामला मी़हचीएँ ओहले ल़ेह ङ्येहम्‍बाया़ पेहती डोएँ। ओ़ह ल़ेहमु मिहया़ किन्‍ज्‍योकी राहङगी मेह पाहरक्‍यो ल़ेहमु थुयालला छ्यिच्‍ये येह।

गलाती 6:13

च्‍यिबेमाना स्‍या-ताक पेहकेनया़ राहङगीराङ छ्य़े-ठिम मी़हचीएँ, यिहॱनाङ ख्‍याया़ला स्‍या-ताक पेह च्‍य़ूदी खुङलाॱआङ ओहराङ यहूदीया़ ल़ेहमुराङ ज़ो ख़ूसीन म़ेदी छ्य़ेन्‍दो तेन्‍ज्‍येकी तेहन्‍दाला गा खुङया़गी ख्‍याया़ला स्‍या-ताक पेह च्‍य़ूज्‍ये छोल्‍गे।

गलाती 5:26

ओहराङगी च्‍यी़गी च्‍यी़ला छ्य़ेन्‍दो तेन्‍गेन्‍की ल़ेहया़ पेहच्‍ये मेहयोहङगे, मिहला स्‍यिहताङ लाहङ च्‍य़ूज्‍ये मेहयोहङगे ओहले ठादो पेहच्‍ये मेहयोहङगे।

गलाती 5:21

लेहमेन मिहया़ याहरक्‍यी काहल्‍ग्‍यो थोङगेमु सेम छी़गे, छ्याङसीवा, याम-थेर्पु लुया़ लेहन्‍दी छ्याम्‍गे, ज़िगे से़हया़ थुङदी छ्येउ-छ्येंमु पेहती खाम्‍साङ-ङ्याहम्‍साङ पेहकें ओहले लेहमेनॱआङ दि ल़ेहमुराङ तिहक्‍पागी ल़ेहया़ पेहकेन मिहया़ किन्‍ज्‍योगी क्‍याहल्‍सी नाहङला स्‍य़ूहज्‍येला ओङ ज्‍योर्च्‍ये म़ेह। दिगी तेहन्‍दाला ङाहगी तोहङलेॱआङ ख्‍याया़ला ठो़ पेहती माक्‍यो येहकें ओहले ताहन्‍दाॱआङ माएँराङ येहबा।

गलाती 5:15

यिहॱनाङ ख्‍या च्‍यी़गी च्‍यी़ला आ़-ताप्‍के दाङ ङ्यिहप्‍के पेहसीन मानानी जेम्‍बु पेह, ख्‍या राहङ नाहङदुङ लाहमलेॱराङ तोहङदी डो माहकोह-च्‍यु।

१ कोरिन्‍थी 5:6

ख्‍याया़गी छ्य़ेन्‍दो तेन्‍गेन्‍दी या़हबु मिहम्‍बा। च्‍योप्‍क्‍यो चाम्‍बाला सिपाज्‍यीराङ खमिर लू़सीमाना चाम्‍बा रेबेॱराङ फोर्के माएँदी च्‍यि ख्‍याया़ला क्‍यी़ह म़ेहबा?

रोमी 2:17

यिहॱनाङ ख्‍ये राहङला यहूदी यिहन म़ेदी छ्य़े-ठिम थो़ला यिह-छ्य़े पेहकें। ओहले ङाह किन्‍ज्‍योला ङोह स्‍य़ेएँ म़ेदी ख्‍येगी छ्य़ेन्‍दो तेन्‍गु दु।

रोमी 1:29

ओ़ह सोङबे खुङ नामे नाजोकी तोक्‍ला छान्‍दी, ती़हसेमगी काहङग्‍यो ओहङगे। खुङया़गी मिहया़ला नाम्‍दो पेहकें ओहले ह्‍अम्‍बा पेहकें, लेहमेन मिहला ठादो पेहकें ओहले मिहला सेकें। खुङ ठुक्‍पा क्‍याहप्‍कें, चिहन क्‍याहप्‍के, मिहदाम च्‍येहके ओहले ताम ख्‍येर क्‍याहप्‍कें,

ल़ेह-पेन 26:9

यिहन्‍ज्‍येनी, ङाहगीॱआङ ला़ खाजेबा नासरतगी येशूला टाह पेह कोहएँ म़ेदी सेम क्‍ये़दी येहकें।

ल़ेह-पेन 13:45

मिह थाम्‍ज्‍यी बुङजी क्‍याहप्‍ती ओहङग्‍यो थोङदी यहूदीया़गी पावल दाङ बारनाबासला ठादो पेहसीन। ओहले पावलगी माक्‍यो तामला खुङया़गी टाह पेहती स्‍ये़हन्‍डील पेहसीन।

यूहन्‍ना 16:2

खुङगी ख्‍याला यहूदी छो़खाङले तेन्‍ज्‍ये येह। तोहरोङ दि ल़ेहमु ती़हजीॱआङ ओहङज्‍ये येह, ख्‍याया़ला सेकेन्‍दीगी, ‘ङाहगी किन्‍ज्‍योला स्‍याहप्‍तो स्‍युहएँराङ येह’ म़ेदी ने़ज्‍ये येह।

मत्ती 27:18

च्‍यिबेमाना यहूदीया़गी गोबाया़गी येशूला ठादो पेहती चि क्‍याहप्‍क्‍यो यिहन माएँ ताम स्‍युहङ-पेन पोम्‍बो छ्यिम्‍बुला क्‍यी़ह येहकें।

ल़ेह-पेन 7:9

याकूबकी पुह योसेफला लेहमेन आदा-नो़हया़गी ठादो पेहती खोला मिश्र क्‍याहल-खापगी मिहया़गी लाहक्‍पाला चोङसीन ओहले खुङया़गी खोला लाबु ज़ोसीन। यिहॱनाङ किन्‍ज्‍यो खो ङ्याम्‍बु ज़्‍य़ू नाङदी येहकें।

गलाती 5:20

कुया़ला छ्येपा फुल्‍गेन, ङ्येहन क्‍याहप्‍केन, मिहला टाह पेहकेन, ठुक्‍स्‍यी सिहङदा पेहकें, ठादो पेहकेन, स्‍यिहताङ ङाहर्क्‍याल पेहकें, राहङ च्‍यी़राङ गो़ थेन्‍ज्‍ये छोल्‍गे, मिहया़ला ठू़ च्‍य़ूएँ, छो़बा ज़ोएँ,

१ तिमोथी 2:4

मिह थाम्‍ज्‍यीगी थार्पा ज्‍योर ख़ूज्‍यु ओहले खुङया़गी तेहन्‍दामकी स्‍याहलला या़हबु पेहती ङोह स्‍य़े ख़ूज्‍यु म़ेदी किन्‍ज्‍योगी थु-सेम जे नाङगे।

याकूब 1:18

किन्‍ज्‍योगी थुला ठुङग्‍यो सोङबे तेहन्‍दामकी सुङ लाहमले मिहरोगी ओहराङला ज़ो नाङसीन च्‍यिबेमाना मिहरोगी छ्या़ च्‍य़ू नाङग्‍योकी से़हया़ नाहङला ओहराङ तोहङस्‍यो सेदो ल़ेहमुराङ डो ख़ूज्‍यु म़ेदी यिहम्‍बा।