Biblia Todo Logo
Bib sou entènèt

- Piblisite -




याकूब 3:10 - ह्योल्‍मो

10 खा च्‍यी़लेगीराङ मेलामॱआङ थेन्‍गे ओहले मे़मुॱआङ थेन्‍गे। ए ङाहगी आदा-नो़ह दाङ आज्‍यी-नुहमुया़, दि ल़ेहमु ओहङ मेहकोहच्‍ये येहकें।

Gade chapit la Kopi




याकूब 3:10
14 Referans Kwoze  

ख्‍याला तुहक्‍पु तेर्केन मिहला मे़मु माहक्‍याहप, खुङला मेलाम क्‍याहप्‍तोङ।


सुज्‍यीगी चोक्‍पा पेहसीन म़ेदी खोलाॱआङ चोक्‍पा माहबे, खोगी मे़मु क्‍याहप्‍सीन म़ेदी ख्‍यागीॱआङ खोला मे़मु माहक्‍याहप यिहॱनाङ ओ़हगी छापला खोला मेलाम क्‍याहप्‍तोङ च्‍यिबेमाना दिगी तेहन्‍दालाराङ ख्‍याया़गीॱआङ मेलाम ल़ेहन ख़ूज्‍यु म़ेदी किन्‍ज्‍योगी ख्‍याला क़े क्‍याहप नाङग्‍यो यिहम्‍बा।


तोहरोङॱआङ ख्‍या जाम्‍बुलीङकी सेम्‍बाया़ लाहमले राहङगी मिहजी ताङगो दु। ओहले ख्‍या राहङ नाहङदुङ ठादो पेहकेन दाङ ठ़ूस्‍यी सिहङदा पेहकेन्‍की केच्‍याया़नी येहॱराङ येहबा। च्‍यि ओ़हठी यिहन्‍सीमानानी ख्‍या राहङगी ज़ुबुकी च्‍यि पेहच्‍ये सेम क्‍येएँ ओ़हठीॱराङ डोलु-तेहलु पेहकेन जाम्‍बुलीङकी लेहमेन मिहया़ ल़ेहमुराङ माहकाहल ले?


येहपाराङ खुङया़ लेहमेन मिहया़गी खाङबा-खाङबाला कोर्केन्‍गी बा़नी काहल्‍दी खुङ फेनराङ मे़हथोएँ काहल्‍ग्‍यो ओहङगे। ओहजे च्‍यी़राङ मिहम्‍बा खुङगी मिहया़गी ताम च्‍येहकेन, लेहमेन मिहया़की ल़ेहला लाहक्‍पा च्‍य़ूगेन दाङ माज्‍ये मेहयोहङगे तामया़ॱआङ म़ेदी डोएँ ओहङगे।


ङाहगी निङज्‍यी पेहक्‍योगी आदा-नो़हया़ दाङ आज्‍यी-नुहमुया़, ख्‍या राहङगी राहङला गो़-कोहर मा़हच्‍यु


ए ङाहगी निङज्‍यी पेहक्‍योगी आदा-नो़ह दाङ आज्‍यी-नुहमुया़, दि केच्‍या टेहम्‍बा साल्‍दी ज़्‍या़दोङ। ख्‍या ङ्यिहन्‍ज्‍येला ग्‍यो़बा ओहले ताम माज्‍ये दाङ स्‍यिहताङ पेहच्‍येलाती कुहल्‍बा ओहङ कोहएँ।


ए ङाहगी निङज्‍यी पेहक्‍योगी आदा-नो़ह दाङ आज्‍यी-नुहमुया़, ख्‍याया़ नाहङला मिह माहङबु लोबेन डोज्‍ये माहछोल, च्‍यिबेमाना लेहमेन मिहया़ला म़ेदी ङ्यिह लुहङ तेर्केया़ला ठिम छान्‍दी जेती ज़ी़ नाङज्‍ये येह माएँदी ख्‍याला क्‍यी़ह येह।


ओहले दि च्‍येलेगीराङ ओहराङ चो़वो दाङ याहपला त़ेरा फुल्‍गे, ओहले दि लाहमलेॱराङ किन्‍ज्‍योकी छ्यालुला छ्या़क्‍यो मिहया़ला ओहराङ मे़मु क्‍याहप्‍कें।


च्‍यि क्‍येज्‍यु च्‍यी़ले छ्यु स्‍यिहम्‍बु दाङ खाक्‍ती थेन ख़ूएँ ले?


Swiv nou:

Piblisite


Piblisite