याकूब 2:25 - ह्योल्‍मो

²⁵ ओ़हठीॱराङ पेहती बान्‍डन राहाबलाॱआङ त़ेदोङ, काह-ठि पेहती मोह राहङगी ल़ेह लाहमले किन्‍ज्‍योगी दिनला मिह टाहङबु सी़हखुबा। ङ्याहम च्‍ये ओहङग्‍योगी इस्राएली मिह ङ्यी़ला मोहगी फेप स्‍युहसीन ओहले खुङ ङ्यी़ला थार च्‍य़ूज्‍येला लेहमेनॱराङ लाहमले पेहती ताङ चाहङसीन।

याकूब 2:25 Referans Kwoze

हिब्रू 11:31

राहाब माएँ पी़हमी बान्‍डन यिहन्‍दीॱआङ मोहगी किन्‍ज्‍योला तेहपा पेहक्‍यो सोङबे किन्‍ज्‍योगी का मिहङ्यीहन्‍गे मिहया़ ङ्याम्‍बु स्‍यि मा़हकेह च्‍यिबेमाना मोहगी ओ़हला ङ्याहम च्‍ये ओहङग्‍योगी इस्राएली मिहया़ला फेप स्‍युहक्‍यो येहकें।

मत्ती 21:31

ता़ह ओ़ह पुह पिन ङ्यी़ नाहङला का़हन्‍दीगी आबागी ताङग्‍योगी केपाला ङ्यिहम्‍बा?” म़ेदी येशूगी टी़ह नाङसीन। “आदादीगी!” म़ेदी खुङया़गी ल़ेहन क्‍याहप्‍सीन। ओहले येशूगी खुङया़ला सुङ नाङसीन, “तेहम्‍बाराङ ङाह ख्‍याया़ला माएँ, ठाल तुहएँया़ दाङ बान्‍डन पेहकेया़ ख्‍याया़ म़ेदी तोहङले किन्‍ज्‍योगी क्‍याहल्‍सीला स्‍य़ूहज्‍ये येह।

मत्ती 1:5

सल्‍मोनकी पुह बोअज। बोअजकी आमादी राहाब यिहन्‍गे। ओहले बोअजकी पुह ओबेद। ओबेदकी आमादी रूथ यिहन्‍गे। ओबेदकी पुह यिशै,

याकूब 2:22

खोगी तेहपा ङ्याम्‍बु-ङ्याम्‍बुराङ ल़ेहॱआङ पेहसीन ओहले खोगी पेहक्‍योगी ल़ेह लाहमलेॱराङ तेहपा तेहन्‍दा डुप्‍सीन, ओ़ह च्‍यि ख्‍यागी मेहथोङ दु?

याकूब 2:18

यिहॱनाङ लाहला मिहगी दि ल़ेहमुॱआङ मारो, “ख्‍येगी तेहपा पेहकें। यिहॱनाङ ङाहनी ल़ेह पेहकें।” लु ओ़हठी यिहन्‍सीमाना ल़ेह माहबेबा पेहती ख्‍येगी तेहपा पेहक्‍यो ङाहला तेन्‍दोङ ले! ङाहनी ल़ेह पेहती ङाहती तेहपा तेन्‍गे।

ल़ेह-पेन 17:7

दि यासोनगी खुङला राहङगी खाङबाला से़दी ज़्‍या़क्‍यो दुबा। खुङगी रोमी क्‍याहल्‍बु छ्यिम्‍बुकी का माहङ्यीहम्‍बा पेहती, येशू माएँ लेहमेन क्‍याहल्‍बु येहबा म़ेदी माउ दु” म़ेदी मासीन।

याकूब 2:24

ता़ह ख्‍यागी ङोह स्‍य़ेसीन? तेहपा च्‍यी़राङ पेहती मिहम्‍बा खोगी पेहक्‍योगी ल़ेह लाहमले किन्‍ज्‍योगी दिनला मिह टाहङबु सी़ह ख़ूएँ।