याकूब 2:18 - ह्योल्‍मो

¹⁸ यिहॱनाङ लाहला मिहगी दि ल़ेहमुॱआङ मारो, “ख्‍येगी तेहपा पेहकें। यिहॱनाङ ङाहनी ल़ेह पेहकें।” लु ओ़हठी यिहन्‍सीमाना ल़ेह माहबेबा पेहती ख्‍येगी तेहपा पेहक्‍यो ङाहला तेन्‍दोङ ले! ङाहनी ल़ेह पेहती ङाहती तेहपा तेन्‍गे।

याकूब 2:18 Referans Kwoze

याकूब 3:13

ख्‍या नाहङला ख्‍येम्‍बा-ताहक्‍पु दाङ येहन्‍देन माहङबु येहकेन्‍दीगी राहङगी डोलु-तेहलुया़ या़हबु पेहच्‍यु ओहले रिहक्‍स्‍यीला ङ्येम्‍ज्‍युङ पेहती ल़ेह पेहच्‍यु।

१ तिमोथी 1:5

ङ्यिहगी तेरक्‍यो लुहङगी तेहन्‍दादी चेवा यिहम्‍बा, का़हन्‍दी च्‍याहङज्‍यु सेम्‍बा, नावा या़हबु दाङ तेहन्‍दामकी तेहपा ङो़ले ओहङगे यिहम्‍बा।

याकूब 2:14

ए ङाहगी निङज्‍यी पेहक्‍योगी आदा-नो़ह दाङ आज्‍यी-नुहमुया़, का़हलेॱआङ सुज्‍यीगी “ङाह तेहपा पेहकें” म़ेदी माज्‍येनी माएँ, यिहॱनाङ ल़ेहदी मेहबेसीमाना, दिगी च्‍यि फेन थो़बा ले? च्‍यि ओ़ह ल़ेहमु तेहपागी खोला थार च्‍य़ू ख़ूएँ ले?

गलाती 5:6

स्‍या-ताक पेहॱनाङ, मेहबेॱनाङ मास्‍यीका येशूला तेहपा पेहकें मिहया़की पाहरक्‍यीला सुॱआङ ख्‍येपार मेहयोहङगे। यिहॱनाङ कोहकेन्‍की स़ेह नि च्‍यिमी च्‍यी़राङ येह ओह– चेवा लाहमले ल़ेह पेहकेन तेहपा यिहम्‍बा।

तीतस 2:7

ख्‍येगीराङ ल़ेह थाम्‍ज्‍यी या़हबु पेहती खुङया़ला पे तेन्‍दोङ। लुहङ तेर्केमु तेहन्‍दाम, ख्‍येला लेहमेन मिहया़गी ची़नाङ पेहकेन छ्याप्‍स्‍यीगी, सुज्‍यीगीॱआङ ताम च्‍येह मी़हखुएँगी तामया़ तिक्‍पु पेहती खुङया़ला लोप्‍तोङ। ओहले ओहराङला टाह पेहकेन मिहया़गी ओहराङला च्‍यिॱआङ चोक्‍पा तामया़ मा ख़ूज्‍ये म़ेह ओहले खुङया़ ङोहजाला छ्यिच्‍ये येह।

रोमी 14:23

यिहॱनाङ सुज्‍यीगी थेचुम पेहती च्‍यिरा साहसीन माना खो ङ्य़ेहबा फो़ज्‍ये सी़हगे, च्‍यिबेमाना खोगी तेहपागी साहक्‍यो मिहम्‍बा। तेहपा माहबेबा पेहती ओहङग्‍योकी ना थाम्‍ज्‍यीराङ से़हया़ तिहक्‍पाराङ यिहम्‍बा।

हिब्रू 11:31

राहाब माएँ पी़हमी बान्‍डन यिहन्‍दीॱआङ मोहगी किन्‍ज्‍योला तेहपा पेहक्‍यो सोङबे किन्‍ज्‍योगी का मिहङ्यीहन्‍गे मिहया़ ङ्याम्‍बु स्‍यि मा़हकेह च्‍यिबेमाना मोहगी ओ़हला ङ्याहम च्‍ये ओहङग्‍योगी इस्राएली मिहया़ला फेप स्‍युहक्‍यो येहकें।

हिब्रू 11:33

तेहपा लाहमलेॱराङ खुङया़गी क्‍याहल-खाप थाम्‍ज्‍यी क्‍याहल्‍सीन ओहले सुलाॱआङ ङ्येम्‍बा-ङ्य़ेहरी माहबेबा पेहती ओङ छ्य़ेसीन। किन्‍ज्‍योगी ज़्‍या़ नाङग्‍योकी ताहम्‍ज्‍याॱआङ खुङया़गी ज्‍योर्सीन। ओहले तेहपा लाहमलेॱराङ खुङया़गी सिङग्‍यी-ता़या़गी खा छ्येबे तेह च्‍य़ूसीन।

हिब्रू 11:6

तेहपा माहबेबा पेहती सुज्‍यीगीॱआङ किन्‍ज्‍योकी थु काहसो ज़ो मी़हखुएँ च्‍यिबेमाना किन्‍ज्‍योसाला डोएँ मिहया़गी “किन्‍ज्‍यो येहॱराङ येहबा ओहले किन्‍ज्‍योला छोल्‍गेया़ला मिहरोगी च्‍याहगा नाङज्‍ये येह” म़ेदी यिह-छ्य़े पेह कोहएँ।

१ कोरिन्‍थी 13:2

ङाह ङ्याम्‍बु तिङला ओहङगेन्‍गी तामया़ स्‍ये ख़ूएँगी ओङॱआङ येहटो, ओहले थाम्‍ज्‍यी तिहङ-रिहङबुगी तामया़ ङोह स्‍य़े खू़रो, थाम्‍ज्‍यी येहन्‍देनया़ॱआङ ङोह स्‍य़े खू़रो, ओहले लाह काहङदोया़ला ग्‍या़ च्‍यी़ले लेहमेन ग्‍या़या़ला पो ख़ूएँगी थाम्‍ज्‍यी यिह-छ्य़े ङाह ङ्याम्‍बु येहटो, यिहॱनाङ ङाह ङ्याम्‍बु चेवा मे़हसीमानादी ङाह च्‍यिॱआङ मिहम्‍बा।

रोमी 3:28

ओ़ह सोङबे छ्य़े-ठिम ची़दी मिहम्‍बा, यिहॱनाङ मास्‍यीकाला तेहपा पेहती च्‍यी़राङ किन्‍ज्‍योकी दिनला टाहङबु सी़ह ख़ूएँ।

२ कोरिन्‍थी 7:1

ओ़ह सोङबे ए ङाहगी च्‍याहम्‍बु रो़हया़, ओहराङ ङ्याम्‍बु दि ल़ेहमु ताहम्‍ज्‍याया़ येहकें सोङबे ज़ुबु दाङ यिहला मेहचाङा ज़ोएँगी यिहन्‍जे मिहन्‍जे से़हया़ ङो़ले ओहराङ था़-रिहङबुराङ तेहती राहङगी राहङला चाङमा ज़ो कोहएँ, ओहले किन्‍ज्‍योगी ज्‍यिक्‍पा खुर्ती ओहराङ नाम्‍पार-ताहक्‍पाकी लाहमला स्‍युह कोहएँ।

२ कोरिन्‍थी 5:17

ओ़ह सोङबे का़हन्‍दीगी मास्‍यीकाला यिह-छ्य़े पेहकेन खो ता़ह मिह साम्‍बा काहल्‍सीन। ता़ह निङबा से़हया़ टाहल्‍दे काहल्‍सीन, त़ेदोङ ता़ह थाम्‍ज्‍यीराङ से़हया़ साम्‍बा काहल्‍दी येहबा।

रोमी 8:1

ओ़ह सोङबे मास्‍यीका येशूला येहकेन मिह थाम्‍ज्‍यीला किन्‍ज्‍योगी ङ्य़ेहबा काल नाङज्‍ये म़ेह।

रोमी 4:6

छ्य़े-ठिम माहची़बाकी मिहलाॱआङ किन्‍ज्‍योगी टाहङबु सी़ह च्‍य़ू नाङसीन, ओ़ह मिहगी तेहन्‍दाला क्‍याहल्‍बु दाऊदगी खो काहजे सोनाम-साक्‍पु म़ेदी सुङ नाङदी येह:

रोमी 9:19

ख्‍या नाहङला लाहलागी ङाहला दि ल़ेहमु मारो, “ओ़हठी यिहन्‍सीमाना च्‍यिबे किन्‍ज्‍योगी मिहला फातुर च़ू नाङगे ले? ओहले किन्‍ज्‍योगी थु-सेमला सुगीॱआङ का़ ख़ूएँ ले?”