याकूब 2:17 - ह्योल्‍मो

¹⁷ ओ़ह ल़ेहमुराङ, यिह-छ्य़े च्‍यी़राङ पेहती ल़ेहदी मेहबेसीमाना ओ़ह यिह-छ्य़े पेहक्‍योदी स्‍यिक्‍यो यिह-छ्य़े यिहम्‍बा।

याकूब 2:17 Referans Kwoze

याकूब 2:26

ओहराङगी ज़ुबु, नाम्‍स्‍यीले खा फ़ेगेमु स्‍यिक्‍यो ओहङगे ओ़हठीॱराङ पेहती तेहपाॱआङ ल़ेह यिहन्‍ज्‍यु खा फ़ेगेमु स्‍यिक्‍यो ओहङगे।

याकूब 2:14

ए ङाहगी निङज्‍यी पेहक्‍योगी आदा-नो़ह दाङ आज्‍यी-नुहमुया़, का़हलेॱआङ सुज्‍यीगी “ङाह तेहपा पेहकें” म़ेदी माज्‍येनी माएँ, यिहॱनाङ ल़ेहदी मेहबेसीमाना, दिगी च्‍यि फेन थो़बा ले? च्‍यि ओ़ह ल़ेहमु तेहपागी खोला थार च्‍य़ू ख़ूएँ ले?

१ तिमोथी 1:5

ङ्यिहगी तेरक्‍यो लुहङगी तेहन्‍दादी चेवा यिहम्‍बा, का़हन्‍दी च्‍याहङज्‍यु सेम्‍बा, नावा या़हबु दाङ तेहन्‍दामकी तेहपा ङो़ले ओहङगे यिहम्‍बा।

१ कोरिन्‍थी 13:13

ता़ह दि केच्‍या सुमदी नाहम्‍स्‍यी किन्‍दुॱराङ लिहच्‍ये येह– यिह-छ्य़े, रेहवा दाङ चेवा। ओहले दि सुम नाहङला थाम्‍ज्‍यी म़ेदी छ्येस्‍योदी चेवाॱराङ यिहम्‍बा।

१ थेसलोनिकी 1:3

च्‍यिबेमाना ओहराङगी किन्‍ज्‍यो दाङ याहपकी दिनला ख्‍या फे़बे मे़हमेया़की तेहपाकी ल़ेह दाङ चेवा लाहमले पेहक्‍योकी कादुप ओहले ओहराङ चो़वो येशू मास्‍यीका थो़ला ज़्‍या़क्‍योकी रेहवाला ख्‍या फ़ेबे-म़ेहमेया़गी क़ूह तेहती येहबा म़ेदी ङ्यिहगी नाहम माॱनाङ टेहम्‍बा साल्‍दीॱराङ येह।

१ कोरिन्‍थी 13:3

का़हलेॱआङ ङाहगी राहङगी रेबेॱराङ क्‍युहया़ क्‍य़ेहदी तेर्सीन, ओहले ङाहगी ज़ुबु सा़ज्‍येला तेर्सीन, यिहॱनाङ ङाह ङ्याम्‍बु चेवा मे़हसीमाना ङाहला च्‍यिॱआङ ख्‍येप्‍साङ मेहयोहङगे।

गलाती 5:6

स्‍या-ताक पेहॱनाङ, मेहबेॱनाङ मास्‍यीका येशूला तेहपा पेहकें मिहया़की पाहरक्‍यीला सुॱआङ ख्‍येपार मेहयोहङगे। यिहॱनाङ कोहकेन्‍की स़ेह नि च्‍यिमी च्‍यी़राङ येह ओह– चेवा लाहमले ल़ेह पेहकेन तेहपा यिहम्‍बा।