हिब्रू 8:13 - ह्योल्‍मो

¹³ दि ताहम्‍ज्‍याला “साम्‍बा ताहम्‍ज्‍या” सुङ नाङग्‍यो सोङबे तोहङमागी ताहम्‍ज्‍याला मिहरोगी निङबा ज़ो नाङसीन। ओहले ओ़ह ताहम्‍ज्‍या बिन्‍दु पेहती डोएँ, ओहले तोङदी डोज्‍ये येह।

हिब्रू 8:13 Referans Kwoze

२ कोरिन्‍थी 5:17

ओ़ह सोङबे का़हन्‍दीगी मास्‍यीकाला यिह-छ्य़े पेहकेन खो ता़ह मिह साम्‍बा काहल्‍सीन। ता़ह निङबा से़हया़ टाहल्‍दे काहल्‍सीन, त़ेदोङ ता़ह थाम्‍ज्‍यीराङ से़हया़ साम्‍बा काहल्‍दी येहबा।

हिब्रू 9:15

किन्‍ज्‍योगी ताहम्‍ज्‍या ज़्‍या़ नाङग्‍यो नाहम्‍स्‍यी किन्‍दु लिहकेन्‍गी मेलामया़ मास्‍यीका लाहमले क़े क्‍याहप नाङग्‍यो मिहया़गी ज्‍योर ख़ूज्‍यु म़ेदी दि साम्‍बा ताहम्‍ज्‍या ङ्याम्‍बु लाहम्‍बा जे नाङगेन्‍दी मास्‍यीकाॱराङ यिहम्‍बा। तोहङस्‍यो ताहम्‍ज्‍याकी ती़हजीला मिहया़गी पेहक्‍यो तिहक्‍पालेगी खुङया़ला खा फे़ नाङज्‍येला मास्‍यीका टोहङ नाङसीन।

१ कोरिन्‍थी 13:8

चेवा नाहमॱआङ मेहतोङगे। लुहङदेनया़ था़ छ्येच्‍ये येह, तामया़ चो़हदी डोज्‍ये येह, येहन्‍देनकी तामया़ तोर्ती डोज्‍ये येह।

मत्ती 24:35

नाम दाङ जाम्‍बुलीङ तोङदी डोज्‍ये येह, यिहॱनाङ ङाहगी माक्‍योगी केच्‍याया़ नाहमॱआङ तोङदी डोज्‍ये म़ेह।”

लूका 22:20

ओहले डेन छ्ये सिहन फान्‍ज्‍यो येशूगी येहपाराङ स्‍याहलु नोम्‍दे सुङ नाङसीन, “दि स्‍याहलु ङाहगी ठा़ला ज़्‍या़क्‍योगी साम्‍बा ताहम्‍ज्‍या यिहम्‍बा। दि ठा़ ख्‍याया़गी तेहन्‍दाला स्‍याहल च्‍य़ूदी येह।

२ कोरिन्‍थी 3:6

साम्‍बा ताहम्‍ज्‍याला स्‍याहप्‍तो स्‍युहएँगी मिहया़ डोज्‍येला मिहरोगी ङ्यिहला सी़हएँगी मिहया़ ज़ो नाङसीन, प्रुहक्‍योगी यिहगीला मिहम्‍बा, यिहॱनाङ थुला। च्‍यिबेमाना प्रुहक्‍योगी यिहगीगीनी सेकें, यिहॱनाङ थुगीनी मिहली नाङगे।

हिब्रू 1:11

ओ़ह थाम्‍ज्‍यीराङ तोङदी डोज्‍ये येह, यिहॱनाङ राहङ नाहम्‍स्‍यी किन्‍दुॱराङ लिहच्‍ये येह। दि थाम्‍ज्‍यी काप्‍च्‍या ल़ेहमुराङ निङबा डोज्‍ये येह।

हिब्रू 7:22

किन्‍ज्‍योगी दि ना क्‍याल नाङग्‍यो सोङबेॱराङ येशू थाम्‍ज्‍यी म़ेदी या़हस्‍यो ताहम्‍ज्‍यागी पाङबु काहल्‍सीन।

हिब्रू 8:6

किन्‍ज्‍योगी येशूला नाङग्‍यो पूजाहारीगी छ्या़ले ओ़ह लेहमेन गो-छ्येवा पूजाहारीगी छ्या़ले म़ेदीॱआङ जेन चा़ छ्यिम्‍बु येह। ओ़हठीॱराङ पेहती किन्‍ज्‍यो दाङ मिहरोगी मिहया़गी पाहरक्‍यीला येशूगी लाहम्‍बा जे नाङग्‍योकी साम्‍बा ताहम्‍ज्‍याॱआङ तोहङले ज़्‍या़ नाङग्‍योकी ताहम्‍ज्‍या म़ेदी चा़ छ्यिम्‍बु येह च्‍यिबेमाना दि ताहम्‍ज्‍यागी ब्राम या़हबु ताहम्‍ज्‍याया़ थो़ला छ्या़दे येहबा।

हिब्रू 8:8

च्‍यिबेमाना किन्‍ज्‍योगी ओ़ह मिहया़गी ङ्य़ेहबा तेन नाङगेराङ दि ल़ेहमु सुङ नाङसीन, “चो़वो छ्येवागी सुङ नाङगे, ओ़ह ङ्यिहमा ओहङज्‍ये येह, ओहजेला ङाह इस्राएल दाङ यहूदागी खाङबा मे़हमेया़ ङ्याम्‍बु साम्‍बा ताहम्‍ज्‍या ज़्‍या़ज्‍ये येह।

हिब्रू 12:24

ख्‍या दाङ किन्‍ज्‍योगी पाहरक्‍यीला साम्‍बा ताहम्‍ज्‍या ज़्‍या़ज्‍येला लाहम्‍बा जे नाङगे येशूसाला ख्‍या ओहङदी येह। हाबिलगी ठा़ म़ेदी जेन या़हबु से़हदी ताहम्‍ज्‍या ज़्‍या़ नाङगे येशूकी कु-ठा़ला ओहङदी येह।