हिब्रू 7:21 - ह्योल्‍मो

²¹ यिहॱनाङ किन्‍ज्‍योगी ना क्‍याल्‍दीराङ येशूला पूजाहारी ज़ो नाङसीन, ओहले मिहरोगी तेहन्‍दाला किन्‍ज्‍योगी छ्य़ेला दि ल़ेहमु सुङ नाङदी येहबा, “चो़वो छ्येवागी ना क्‍याल नाङदी येह, ओहले मिहरोगी थु नाहमॱआङ ग्‍युर्च्‍ये म़ेह, ‘ख्‍ये नाहम-मानागी तेहन्‍दाला पूजाहारी ओहङज्‍ये येह’।”

हिब्रू 7:21 Referans Kwoze

हिब्रू 7:17

च्‍यिबेमाना छ्य़ेला दि ल़ेहमु प्री़हदे येहबा, “मल्‍कीसेदेक ल़ेहमुराङ ख्‍ये नाहम-माना लिहकेन्‍गी पूजाहारी ओहङज्‍ये येह।”

रोमी 11:29

च्‍यिबेमाना किन्‍ज्‍यो राहङगी नाङग्‍यो काबापया़ नाहमॱआङ लो़दी नोम मेहनाङगे ओहले क़े क्‍याहप नाङग्‍योया़ला नाहमॱआङ क्‍युर ज़्‍या़ मेहनाङगे।

हिब्रू 5:6

ओहले लेहमेन ग्‍या़ला किन्‍ज्‍योगी दि ल़ेहमु सुङ नाङदी येह, “ख्‍ये मल्‍कीसेदेक ल़ेहमुराङ नाहम्‍स्‍यी किन्‍दु पूजाहारी यिहन।”

हिब्रू 7:20

लेहमेनया़ला पूजाहारी ज़ो नाङगेमु किन्‍ज्‍योगी ना क्‍याल माहनाङ यिहॱनाङ येशूला पूजाहारी ज़ो नाङगेमुदी मिहरोगी ना क्‍याल नाङसीन।

हिब्रू 7:23

ओहले लेहमेन ख्‍येपार च्‍यि येहबा माना, तोहङमा पूजाहारीया़ टाहङजीला माहङबु येहकें, च्‍यिबेमाना खुङ स्‍यिदी डोएँगी मिहया़ यिहन्‍गे सोङबे खुङगी पूजाहारीगी ल़ेह पेहती तेह मा़हखु।

हिब्रू 7:28

च्‍यिबेमाना छ्य़े-ठिमगी मा-फाम्‍बु मिहया़ला गो-छ्येवा पूजाहारी ज़ो नाङसीन, यिहॱनाङ छ्य़े-ठिम म़ेदी तिङले किन्‍ज्‍योगी ना क्‍याल्‍दी ज़्‍या़ नाङग्‍योकी तोहदामगी नाहम-मानाकी तेहन्‍दाला स़ेबुला याहङ-ताहक्‍पा दाङ गो-छ्येवा पूजाहारी ज़ो नाङसीन।