हिब्रू 7:2 - ह्योल्‍मो

² अब्राहामगी थाम्‍ज्‍यीराङ क्‍युहया़दी बो च्‍युला बो च्‍यी़ मल्‍कीसेदेकला फी़ फुल्‍सीन। मल्‍कीसेदेक छेनकी तेहन्‍दादी “टाहङदेनकी क्‍याहल्‍बु” यिहम्‍बा ओहले खो शालेम क्‍याहसाकी क्‍याहल्‍बु यिहन्‍गे सोङबे खोला “स्‍य़िहदेकी क्‍याहल्‍बु” म़ेदीॱआङ ङोह स्‍य़ेएँ।

हिब्रू 7:2 Referans Kwoze

रोमी 3:26

किन्‍ज्‍यो राहङ टाहङबु ज़्‍य़ू नाङदी येह ओहले येशू थो़ला तेहपा पेहकेया़ला मिहरोगी टाहङबु सी़ह च्‍य़ू नाङज्‍ये येह माएँ तामकी दास्‍यी तेर्च्‍येला मिहरोगी ताहन्‍दागी ती़हजीला दि छ्या़ले जे नाङसीन।

लूका 2:14

“स्‍यिहङगामला ज़्‍य़ू नाङगेन्‍गी किन्‍ज्‍योला ज़िज्‍यिद ओहङज्‍यु, ओहले जाम्‍बुलीङला किन्‍ज्‍योगी थु-सेम जे नाङग्‍योकी मिहया़ला स्‍य़िहदे ओहङज्‍यु!”

मत्ती 1:23

“त़ेदोङ, पोहमो स्‍यार्मा याहङबा च्‍यी़ ज़ुबु ङ्यिहपा डोज्‍ये येह ओहले मोहगी स़ेबु च्‍यी़ ठुङज्‍ये येह। ओहले मिहया़गी मिहरोला इम्‍मानुएल माज्‍ये येह।” इम्‍मानुएल माक्‍योगी तेहन्‍दादी किन्‍ज्‍यो ओहराङ ङ्याम्‍बु ज़्‍य़ू नाङदी येह म़ेदी माक्‍यो यिहम्‍बा।

हिब्रू 7:1

दि मल्‍कीसेदेक शालेम क्‍याहसाकी क्‍याहल्‍बु दाङ गो-छ्येवा किन्‍ज्‍योकी पूजाहारी येहकें। अब्राहामगी क्‍याहल्‍बु ज़्‍यिला मा़ क्‍याहप्‍ती क्‍याहल्‍दी लो़ह ओहङगेमु लाहमला मल्‍कीसेदेकला थ़ूसीन, ओहले मल्‍कीसेदेकगी अब्राहामला मेलाम क्‍याहप नाङसीन।

हिब्रू 7:3

मल्‍कीसेदेककी आबा, आमा दाङ चावाया़गी तेहन्‍दाला च्‍यिॱआङ स्‍येच्‍ये म़ेह। ओहले खोगी क्‍ये़कार ङ्यिहमा दाङ स्‍यिवाकी तेहन्‍दालाॱआङ च्‍यिॱआङ क्‍यी़ह म़ेह। किन्‍ज्‍योगी स़ेबु ल़ेहमुराङ खोॱआङ नाहम्‍स्‍यी किन्‍दु लिहकेन्‍गी पूजाहारी यिहम्‍बा।